1 Edk 6:31 - BAEBOLO ANZƐƐ BULUKU NWUANZANWUANZA

³¹ Menli mɔɔ Belemgbunli Devidi vale Ɛdɛnkɛma Sua nu ɛzonlenlɛ edwɛndolɛ nwo ngyehyɛlɛ ne wulale bɛ sa nu wɔ mekɛ mɔɔ bɛvale Ngyekyeleɛ Ɛlɛka ne bɛziele aze la ɛne:

1 Edk 6:31 ပူးပေါင်းရင်းမြစ်များ

2 Sam 6:17

Bɛvale Ɛdɛnkɛma Ngyekyeleɛ Ɛlɛka ne bɛraziele ɛleka mɔɔ ɛnee Devidi ɛziezie wɔ Ndanlɛ Sua ne anu ɛmaa ye la. Akee Devidi bɔle ɛyelalɛ nee anzonudwolɛ azu manle Ɛdɛnkɛma.

1 Arl 8:4

na bɛvale bɛvindele. Sɛlɛvolɛma ne nee Livaema ne mɔ yeyele Ndanlɛ Sua ne mɔɔ ɛnee bɛyia nu la nee nuhua ninyɛne nwuanzanwuanza ne mɔ amuala.

1 Edk 15:1

Devidi sisile ɔdaye ɔ ti anwo azua wɔ Devidi Suakpole zo. Eza ɔzieziele ɛleka mɔɔ ɔbava Nyamenle Ngyekyeleɛ Ɛlɛka ne yeazie la, na ɔzile ndanlɛ sua wɔ ɛkɛ ne mɔɔ bɛbava Ɛlɛka ne bɛazie nu a.

1 Edk 15:25

Yemɔti Belemgbunli Devidi, Yizilayɛ mbusua mgbanyinli, yɛɛ ɛlɔnema safohyenle mgbanyinli hɔle Obɛde Yidɔm sua nu kɛ bɛkava Ngyekyeleɛ Ɛlɛka ne, na ɔdɛlale ɛvoyialilɛ.

1 Edk 15:27

Devidi wulale “Lenen” tɛladeɛ kɛnlɛma bie. Zɔhane tɛladeɛ ne ala bie yɛɛ menli mɔɔ bɔ agole ne la, Kɛnanaya mɔɔ yemɔ a ɔli bɛ ti nee Livaema mɔɔ zo Ɛlɛka ne la wulale a. Devidi eza wulale Nyamenle ɛzonlenlɛ tɛladeɛ ne mɔɔ bɛfɛlɛ ye Yifɔdo la.

1 Edk 6:30

Hyemɛya, Hagaya, yɛɛ Asaya.

1 Edk 6:32

Menli ɛhye mɔ hakyihakyile bɛ nwo yɛle edwɛndolɛ gyima ne wɔ Ɛdɛnkɛma Ndanlɛ Sua ne anu toonwo ɔhɔdwule mekɛ mɔɔ Belemgbunli Sɔlɔmɔn zile Ɛdɛnkɛma Ɛzonlenlɛ Sua ne wɔ Gyɛlusalɛm la.

1 Edk 9:33

Livae abusua ne anu mgbanyinli ne bie mɔ a nea Ɛzonlenlɛ Sua ne anu edwɛndolɛ zo a. Mbusua mgbanyinli ɛhye mɔ dede Ɛzonlenlɛ Sua ne ekpumgbunli ne bie mɔ anu; bɛnyɛ gyima gyɛne biala, ɔboalekɛ bɛyɛ gyima nɔɔzo nee ewiazo.

Ɛzela Buluku ne 3:10

Mɔɔ menli ne wula sua ne aze la, sɛlɛvolɛma ne wulale bɛ adɛladeɛ na bɛvale bɛ aweɛne ndendenle ne mɔ, yɛɛ Livaema mɔɔ le Esafe abo zo amra la vale sɔnwosɔnwo na bɛyele Ɛdɛnkɛma ayɛlɛ, kɛmɔ Yizilayɛ Belemgbunli Devidi hyehyɛle la.

Edwɛndolɛ Buluku ne 132:14

Ɔse, “Ɛke le me ɛnwomenlelielɛ ɛleka dahuu; ɛke a mebadɛnla a, ɔluakɛ mehulo ɛke.

Edwɛndolɛ Buluku ne 132:8

O Ɛdɛnkɛma, dwazo kɔ wɔ sua ne anu, ɛdawɔ yɛɛ wɔ Ngyekyeleɛ Ɛlɛka ne mɔɔ kile wɔ tumi la.

Yizikeɛle Buluku ne 40:44

Akee nrenya ne nee me vi findezo alie nwo ɛkɛ hɔle sua ne akunlu lɔ alie ne anwo. Azua ekpumgbunli nwiɔ wɔ ɛkɛ, ko gyi sɔlɔ anlenkɛ kpole ne anwo, ɔ nye kɔne nyiakɛ, yɛɛ ko noko gyi nyiakɛ anlenkɛ kpole ne anwo, ɔ nye kɔne sɔlɔ.