1 Edk 5:26 - BAEBOLO ANZƐƐ BULUKU NWUANZANWUANZA

²⁶ Zɔhane ati Nyamenle manle Aselea Maanle Maanle Belemgbunli Pɛɛle (mɔɔ eza bɛfɛlɛ ye Tegelate Paelizɛ la) lile maanle ne nvunu na ɔhonle ɔvale bɛ. Ɔdule Wulubɛnema, Gaadema, yɛɛ Manasɛ Aduduleɛ amra ɔvile maanle ne anu ɔmanle bɛhɔdɛnlanle Heelaa, Heebɔ, yɛɛ Hɛla, nee Azule Gozaa ne anloa kpɔkpɔ.

1 Edk 5:26 ပူးပေါင်းရင်းမြစ်များ

2 Sam 24:1

Eza Ɛdɛnkɛma vale Yizilayɛma anwo ɛya bieko, na ɔmanle Devidi ahonle futule bɛ nwo. Ɔzele ye kɛ, “Kɔ kɔdia Yizilayɛma nee Dwudama kɔsɔɔti.”

2 Arl 15:19

Belemgbunli Tegelate Paelisɛ vi Aselea ralile Yizilayɛma nvunu, ɔvale konle ɔdoale bɛ. Mɛnahɛm vale dwɛtɛ fufule kilo apenle ngoko abulasa nee nna manle Paelisɛ, amaa yeaboa ɔdaye Mɛnahɛm wɔ ye maanle ne ɛbulɛ nu.

2 Arl 15:29

Wɔ Belemgbunli Pikaa mekɛ zo, Aselea Belemgbunli Tegelate Paelisɛ vale ɛlɔne rahonle vale Ayedwɔn, Ebɛle Bɛte Meeyaka, Gyanowa, Kidɛhye, yɛɛ Heezɔ nee Galeli, Geleade nee Nafetalae maanzinli ne mɔ amuala, na ɔhyele menli ne bie mɔ nuokɛ ɔhɔle nlɔnu wɔ Aselea.

2 Arl 16:7

Ehaze zoanle menli wɔ Aselea Belemgbunli Tegelate Paelisɛ ɛkɛ ne kɛ, “Mele wɔ sonvolɛ nee ɛ ra nrenya. Bɛla balie me fi Selea nee Yizilayɛ arelemgbunli ne mɔ mɔɔ zo konle doa me la asa anu.”

2 Arl 17:6

mɔɔ ɛnee Hohyia ɛli ɛvolɛ ngɔnla wɔ Yizilayɛ ebia ne azo la, Aselea belemgbunli ne honle vale Samɛlea na ɔhyele Yizilayɛma bie mɔ nuokɛ ɔhɔle Aselea maanle nu. Ɔmanle bie mɔ dɛnlanle Aselea suakpole ne mɔɔ bɛfɛlɛ ye Heela la azo nee Azule Heebɔ ne anloa wɔ Gozan maanzinli nu. Ɔvale bie mɔ noko ɔhɔguale Midea azuamgbole ne mɔ azo.

2 Arl 18:11

Aselea belemgbunli ne hyele Yizilayɛma bie mɔ nuokɛ hɔle Aselea na ɔmanle bie mɔ hɔdɛnlanle Heela, bie mɔ dɛnlanle Azule Heebɔ ne anloa wɔ Gozan maanzinli nu, yɛɛ bie mɔ noko dɛnlanle Midea azuamgbole ne mɔ azo.

2 Arl 19:12

Me mgbanyima a zɛkyele azuamgbole Gozan, Hɛlan, yɛɛ Rilizɛfe na ɔhunle Bɛtɛdɛnema mɔɔ de Telasaa la, noko bɛ awozonle ne mɔ biala angola anlie bɛ.

1 Edk 5:22

Bɛhunle bɛ kpɔvolɛma ne anu dɔɔnwo, ɔboalekɛ ɛnee konle ne le Nyamenle konle. Na bɛdɛnlanle maanle zɔhane anu toonwo ɔhɔdwule mekɛ mɔɔ bɛhyele Yizilayɛma nuokɛ bɛhɔle nlɔnu la.

1 Edk 9:1

Bɛdianle Yizilayɛma kɔsɔɔti abusua abusua, na mɔɔ bɛnyianle ye la, bɛhɛlɛle bɛ aluma wɔ Yizilayɛ Arelemgbunli Tetedwɛkɛ Mbuluku ne mɔ anu. Dwudama ɛtane mɔɔ yɛle la ati, bɛdule bɛ wɔ maanle ne anu bɛ nee bɛ hɔle nlɔnu wɔ Babelɔn.

2 Edk 28:20

Yemɔti kɛ Aselea Belemgbunli Tegelate Paelisɛ kɛraboa Ehaze la, ɔvale ngyegyelɛ dɔɔnwo ɔrɛlɛle ye.

2 Edk 30:6

Yemɔti bɛzoanle menli wɔ Yizilayɛ nee Dwuda amuala, bɛvale ngɛlata bɛvile belemgbunli nee ye mgbanyima ne mɔ ɛkɛ ne bɛhɔle. Edwɛkɛ mɔɔ wɔ ngɛlata ne mɔ anu la se: “O Yizilayɛma, bɛzia bɛrɛla Ɛdɛnkɛma, Ebileham, Ayezeke, nee Gyekɔbo bɛ Nyamenle ne ɛkɛ, amaa ɔdaye noko yeahakyi ɔ nye wɔ bɛdabɛ ekyi ne mɔɔ bɛha mɔɔ Aselea arelemgbunli angu bɛ la anwo zo.

2 Edk 33:11

Yemɔti Ɛdɛnkɛma manle Aselea belemgbunli ne safohyenlema vale bɛ ɛlɔnema rale bɛ nwo zo na bɛhyele Belemgbunli Manasɛ. Bɛbobɔle ye koba na bɛguale ye kɔbele nwɔnzɔnwɔnzɔ bɛ nee ye hɔle Babelɔn.

Ɛzela Buluku ne 1:5

Na Dwuda nee Bɛngyaman mbusua ekpunli ne mɔ anu mgbanyima, sɛlɛvolɛma nee Livaema, nee awie biala mɔɔ Nyamenle ɛva ɔ sa ɛha ye ahonle la boɔboale bɛ nwo kɛ bɛkɔ bɛahɔboa Ɛdɛnkɛma Ɛzonlenlɛ Sua ne ɛzilɛ bieko wɔ Gyɛlusalɛm.

Ayezaya Buluku ne 37:12

Asoo maanle maanle ne mɔ awozonle holale liele bɛ vile egya mɔ asa anu? Me mgbanyima zɛkyele azuamgbole Gozan, Hɛlan, yɛɛ Rilezɛfe na bɛhunle Bɛtɛdɛn amra mɔɔ de Tɛlasaa la.

Ayezaya Buluku ne 37:18

O Ɛdɛnkɛma, ɔle nɔhalɛ kɛ Aselea arelemgbunli ɛzɛkye maanle maanle dɔɔnwo, ɛbɔ bɛ bo zo,