1 Edk 5:20 - BAEBOLO ANZƐƐ BULUKU NWUANZANWUANZA

²⁰ Bɛvale bɛ rɛle bɛwulale Nyamenle anu na bɛzɛlɛle ye kɛ ɔboa bɛ. Na Nyamenle diele bɛ nzɛlɛlɛ na ɔmanle bɛlile Heegama nee bɛ boavolɛma anwo zo konim.

1 Edk 5:20 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 25:21

Kɛmɔ ɛnee Relɛbɛka ɛnwo la ati, Ayezeke zɛlɛle Ɛdɛnkɛma maanle ye; Ɛdɛnkɛma diele ye nzɛlɛlɛ na ɔ ye Relɛbɛka nrenzɛle.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:19

“Nwule bawua Gaade, Na ɔbavoa bɛ ndinlizo.

1 Arl 22:32

Yemɔti mɔɔ bɛnwunle Gyɛhɔhyafate la bɛdwenlenle kɛ Yizilayɛ belemgbunli ne ɔ, na bɛhakyile bɛ nye ɔ nwo zo. Gyɛhɔhyafate deanle nu na ɔguale ndwɛlɛ aze.

1 Edk 5:21

Bɛhonle bɛvale bɛ kpɔvolɛma afunlumu apenle ngoko abulanlu, mboane apenle ngoko ɛya nwiɔ abulanlu, asoaso apenle nwiɔ, yɛɛ bɛhyele menli apenle ngoko ɛya nuokɛ.

1 Edk 5:22

Bɛhunle bɛ kpɔvolɛma ne anu dɔɔnwo, ɔboalekɛ ɛnee konle ne le Nyamenle konle. Na bɛdɛnlanle maanle zɔhane anu toonwo ɔhɔdwule mekɛ mɔɔ bɛhyele Yizilayɛma nuokɛ bɛhɔle nlɔnu la.

2 Edk 13:18

Yemɔti Dwuda lile Yizilayɛma anwo zo konim kenle ko ne, ɔboalekɛ bɛvale bɛ rɛle bɛwulale Ɛdɛnkɛma, bɛ ze mɔ Nyamenle ne anu.

2 Edk 18:31

Yemɔti mɔɔ safohyenlema ne nwunle Gyɛhɔhyafate la, bɛdwenlenle kɛ Yizilayɛ belemgbunli ne ɔ, na bɛhakyile bɛ nye kɛ bɛ nee ye kaho. Gyɛhɔhyafate deanle nuhua na Ɛdɛnkɛma raboale ye. Nyamenle manle menli ne mɔ hwenle bɛ nzi,

2 Edk 20:12

O yɛ Nyamenle, tea bɛ maa yɛ. Ɔluakɛ menli ɛwolaa ɛhye mɔɔ ɛlɛba yɛ nwo zo la, yɛnrɛhola bɛ nyunlu gyinla. Yɛnnwu mɔɔ yɛyɛ bɔbɔ a, ɛ nyunlu ala a yɛ nye gyi a.”

2 Edk 26:7

Nyamenle boale ye manle ɔlile Filisitiama nee Arelabema mɔɔ de Gɛbeeyale la, yɛɛ Mɛyunɛmma anwo zo konim.

2 Edk 33:13

Ɔzɛlɛle ye, na Nyamenle diele ye ɛzunlɛ na ɔvale ye ɔziale ɔrale Gyɛlusalɛm ɔmanle ɔralile ye ebia ne. Na Manasɛ nwunle kɛ Ɛdɛnkɛma a le Nyamenle a.

Ɛzela Buluku ne 8:23

Ɛhye ati yɛhyele ɛhɔne yɛvale yɛ nzɛlɛlɛ yɛdole Nyamenle anyunlu, na ɔdiele yɛ nzɛlɛlɛ.

Edwɛndolɛ Buluku ne 37:39

Tenlenema ngoanelielɛ vi Ɛdɛnkɛma, ɔle bɛ ɛvealeka wɔ ngyegyelɛ nu.

Edwɛndolɛ Buluku ne 37:40

Ɛdɛnkɛma boa bɛ na ɔdie bɛ ngoane; ɔye bɛ ɔfi amumuyɛma asa anu, ɔdie bɛ ngoane; ɔboalekɛ bɛnriandi bɛbafea ye nu.

Edwɛndolɛ Buluku ne 46:1

Nyamenle le yɛ ɛvealeka nee yɛ anwosesebɛ, yɛ mgbemgbene nu boavolɛ wɔ anwongyelelɛ nu.

Edwɛndolɛ Buluku ne 9:10

Menli mɔɔ ze wɔ la fa bɛ rɛle wula wɔ nu, ɔluakɛ, O Ɛdɛnkɛma, ɛtɛkpole menli mɔɔ sonle wɔ la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 17:11

Na mekɛ biala mɔɔ Mosisi kɛmaa ɔ sa zo la, ɛnee Yizilayɛma asa ɛla Amalɛkema anwo zo; saa ɔgua ɔ sa aze a, ɛnee Amalɛkema asa ɛla Yizilayɛma anwo zo.

Mrɛlɛbulɛ Buluku ne 29:25

Sonla mɔɔ le sulosulo la sua ɔ nwo ɛhane, na mɔɔ arɛle wɔ Ɛdɛnkɛma anu la anwo le kɔlɔnwo.

Gyɛlɛmaya Buluku ne 39:18

ɔluakɛ, nɔhalɛ, mebalie wɔ, bɛnrɛhu wɔ. Ɛbavi ɛsalɛ wɔ konle ne anu, ɔboalekɛ wɔva ɛ rɛle wɔwula me nu. Medame Ɛdɛnkɛma a mese a.”

Daneɛle Buluku ne 6:23

Belemgbunli Dalayɛse lile fɛlɛko kpole na ɔzile ɔ gyakɛ aze kɛ bɛye Daneɛle wɔ tunli ne anu. Yemɔti bɛyele Daneɛle wɔ tunli ne anu, ɔ nwo kɔlɔnwo, ɔboalekɛ ɔvale ɔ rɛle ɔwulale ye Nyamenle ne nu.

Nahum Buluku ne 1:7

Ɛdɛnkɛma le kpalɛ, ɔle ɛvealeka wɔ ɛmianlɛ nu; ɔsɔ bɛdabɛ mɔɔ bɛnriandi bɛbatane ye la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:12

Yemɔti bɛmaa yɛdayɛ mɔɔ yɛlumuale yɛnyianle anyelazo wɔ Kelaese anu la yɛye Nyamenle anyunlunyia ne ayɛlɛ.

Dwɔhyua Buluku ne 10:14

Kenle zɔhane, bie ɛtɛsile ɛlɛ, yɛɛ ɔnrɛzi ɛlɛ, kɛ Ɛdɛnkɛma yɛle tieyɛ manle dasanli. Ɛdɛnkɛma ɔdaye a ɔhonle ɔmanle Yizilayɛma a.

Dwɔhyua Buluku ne 10:42

Dwɔhyua lile arelemgbunli ɛhye mɔ amuala anwo zo konim, ɔvale bɛ azɛlɛ ne, ɔboalekɛ Ɛdɛnkɛma, Yizilayɛ Nyamenle ne, honle manle Yizilayɛma.

Dwɔhyua Buluku ne 23:10

Bɛmɛ, bɛ nuhua ko biala kola maa menli apenle gua ndwɛlɛ aze, ɔboalekɛ Ɛdɛnkɛma bɛ Nyamenle ne a ɛlɛko amaa bɛ a, kɛmɔ ye ɛwɔkɛ ne se la.

1 Sam 19:15

Sonvolɛma ne hɔbɔle Sɔɔlo amaneɛ, na ɔzele bɛ kɛ, “Bɛhɔdwu ye nee ye ɛsokpa ne amuala bɛrɛlɛ me bɛmaa mengu ye.”

1 Sam 7:12

Akee Samoɛle vale bolɛ kpɔnlanle Mezepa nee Hyɛn avinli na ɔvɛlɛle ye “Ɛbɛnizɛ” na ɔzele kɛ, “Ɛdɛnkɛma ɛboa yɛ toonwo a, yeradwu ɛnɛ a.”