1 Edk 5:2 - BAEBOLO ANZƐƐ BULUKU NWUANZANWUANZA

² Noko Dwuda abo zo amra a yɛle menli mgbole na bɛlile mbusua ekpunli ekpunli ne mɔ kɔsɔɔti belemgbunli a.)

1 Edk 5:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 25:31

Gyekɔbo zele ye kɛ, “Ɛnee dumua tɔne wɔ awolɛ kpanyinli gyinlabelɛ ne maa me.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 35:23

Ɔ ye Liya amra mrenya ne mɔ a le Wulubɛn (yemɔ a le Gyekɔbo ara nrenya kpanyinli a), Semɛyɔn, Livae, Dwuda, Yesakaa, yɛɛ Zɛbulɛn.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 48:5

Gyekɔbo zɔle zolɛ hanle kɛ, “Kɛkala, ɛ mra nwiɔ ne mɔɔ ɛwole bɛ wɔ Yigyibiti ɛke kolaa na meara la le me ɛdeɛ. Yifelaem nee Manasɛ le me mra, kɛmɔ Wulubɛn nee Semɛyɔn de ala la.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:26

Ɛ ze nyilalɛ ne mɔ, Mɔɔ yɛ ɛnlomboɛ tɛla me awovolɛma ɛdeɛ ne, ɛnyi ɛyɛ kɛ awoka mɔɔ ɛndudu ɛlɛ, Ɛrɛla Dwosefi anwo zo, na ɔgua mɔɔ bɛdu ye bɛzie ahane, Bɛvi ɔ mediema ne mɔ anu la, anwo zo.

2 Sam 8:15

Yemɔti Devidi ziele Yizilayɛ maanle ne kɔsɔɔti. Ɔvale nɔhalɛlilɛ nee pɛlepɛlelilɛ ɔziele menli ne.

1 Edk 28:4

Ɛdɛnkɛma, Yizilayɛ Nyamenle ne, nleanle nu yele me nee me bo zo amra kɛ yɛli belemgbunli wɔ Yizilayɛma anwo zo dahuu. Ɔnleanle nu ɔyele Dwuda abusua ekpunli ne kɛ bɛli Yizilayɛma kɔsɔɔti ati, yɛɛ ɔnleanle nu ɔyele egya abusua ekpulike ne ɔvile Dwudama amuala avinli. Akee ɔnleanle abusua ekpulike zɔhane anu la, ɔyele me, ɔ nye liele kɛ ɔkɛye me ɔkɛvi egya awuke nu ɔkɛzie me Yizilayɛma belemgbunli.

Edwɛndolɛ Buluku ne 108:8

Geleade le me ɛdeɛ; Manasɛ le me ɛdeɛ; Yifelaem le me bulalɛ kyɛlɛ; Dwuda le me tumi kpɔma;

Edwɛndolɛ Buluku ne 60:7

Geleade le me ɛdeɛ; Manasɛ le me ɛdeɛ; Yifelaem le me kyɛlɛ; Dwuda le me tumi kpɔma;

Maeka Buluku ne 5:2

Na Ɛdɛnkɛma hanle kɛ, “Na wɔmɔ, O Bɛtelɛhɛm Ɛfelata, ɛle sua ekyi kpalɛ wɔ Dwuda maanle ne anu, noko wɔ nuhua yɛɛ awie vi bara, aragyinla me gyakɛ anu, na yeazie Yizilayɛma amuala a. Ye abusua ɛlɔnwɔne ne abo vi tete.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 2:3

“Wɔ Ɛdɛnkɛma Ndanlɛ Sua ne aduduleɛ afoa nu, bɛdabɛ mɔɔ bɛwɔ Dwuda abusua ekpunli ne fɛlɛnra ne abo la babɔ nu ayɛ bɛ azokoɛleɛ ɛdeɛ ne. Bɛ mgbanyima a le ɛhye mɔ: Abusua Ekpunli Abusua Kpanyinli Bɛ Dodo Dwuda Amenadabe ara nrenya Naahyɔn 74,600 Yesakaa Zuwaa ara nrenya Nɛtanili 54,400 Zɛbulɛn Hilɔn ara nrenya Yilayabe 57,400 Bɛ muala bɛ dodo le apenle ngoko ɛya ko abulatwɛ nee nsia, ɛya nna. Dwuda ekpunli ɛdeɛ ne a balumua a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 7:12

Kɛ bɛzile bɛvale bɛ azubɔlɛ ninyɛne ne mɔ bɛrale la ɛne: Kenle Abusua Ekpunli Abusua Kpanyinli Ko ne Dwuda Amenadabe ara nrenya Naahyɔn Nwiɔ ne Yesakaa Zuwaa ara nrenya Nɛtanili Nsa ne Zɛbulɛn Hɛlɔn ara nrenya Yilayabe Nna ne Wulubɛn Hyɛdiyɛ ara nrenya Ɛlaezɛ Nnu ne Semɛyɔn Zulehyadae ara nrenya Hyɛlɛmeɛle Nsia ne Gaade Duwɛle ara nrenya Yilayasafe Nsuu ne Yifelaem Amehɛde ara nrenya Yilaehyama Mɔtwɛ ne Manasɛ Pɛdaazɛ ara nrenya Gameeleɛle Ngɔnla ne Bɛngyaman Gedɛyonae ara nrenya Abaedan Bulu ne Dan Amehyadae ara nrenya Ehayizɛ Bulu nee ko ne Ahya Ɔkelan ara nrenya Peegeɛle Bulu nee nwiɔ ne Nafetalae Yinan ara nrenya Ahaela Azubɔlɛ ninyɛne mɔɔ menli ne mɔ vale rale la amuala le ngakyile ko: dwɛtɛ fufule bonkuma ko, ɔto tone nu kilo ko nee foa yɛɛ dwɛtɛ fufule kyɛnze kuloonwu ko, ɔto tone nu gelamo ɛya mɔtwɛ, kɛmɔ bɛ nzuzudeɛ ne si to la. Bɛwulale bɛ mu nwiɔ esamo mɔɔ bɛva nwole bɛfɔtɔ la tetɛkɛɛ bɛvale bɛyɛle ma azubɔdeɛ; ezukoa nvutuke kyɛnze ɛdɛbaa mɔɔ ɛyɛlɛ ɛyi ye la, ɔto tone nu gelamo ɛya ko nee bulu; ɛnlankɛ nyinli edonraa ko, boane nyinli ko, yɛɛ boane edonraa mɔɔ ɛli ɛvolɛ ko mɔɔ bɛfa bɛabɔ ɛyelalɛ azu ne la; abɔnkye nyinli ko mɔɔ bɛfa bɛabɔ ɛtane azu ne la; yɛɛ nlankɛ nyinli nwiɔ, mboane nyinli nnu, mbɔnkye nyinli nnu, yɛɛ mboane nyinli ndonrandonra mɔɔ ɛli ɛvolɛ ngoko la nnu mɔɔ bɛfa bɛabɔ anzonudwolɛ azu ne la.

Edwɛkpa ne kɛmɔ Mateyu hɛlɛle la 2:6

‘Na wɔmɔ Bɛtelɛhɛm, mɔɔ wɔ Dwuda maanle nu, ɛnle ekyi wɔ Dwuda maanle nu azuamgbole avinli; ɔluakɛ wɔ ɛkɛ ne yɛɛ mɔɔ barali Yizilayɛma ati anlea me menli ne anwo zo la vi bara a.’ ”

Wulo 8:29

Bɛdabɛ mɔɔ Nyamenle ɛkpa nu ɛye bɛ la, yeva bɛ yezie ahane kɛ bɛbayɛ kɛ ɔ Ra ne la, amaa Ralɛ ne ayɛ mediema dɔɔnwo adiema kpanyinli.

Mɛla 21:17

Ɔwɔ kɛ ɔfa raalɛ ne mɔɔ ɔngulo ye la ara nrenya ne kpanyinli ne ɔmaa ye, na ɔmaa ye ninyɛne ɛdeɛ ne yɛ mɔnwo tɛla ekyi ne ɛdeɛ ne. Ɔwɔ kɛ nrenya biala die ɔ ra nrenya kpanyinli ne gyinlabelɛ ne to nu, ɔboalekɛ yemɔ yɛɛ ɔlumuale ɔwole ye a. Kpanyinli gyinlabelɛ ne le ye ɛdeɛ.

Mɛla 33:17

Dwosefi anwosesebɛ le kɛ ɛnlankɛ nyinli, ye mɛne ɛsesebɛ le kɛ ɛnlankɛ kokonyinli. Ye mɛne le Manasɛ ɛdeɛ apenle, ɔle Yifelaem ɛdeɛ apenle bulu. Ɔfa ɔpia maanle maanle ne mɔ, ɔpia bɛ toonwo ɔkɔ ewiade ati nee ɔ bo.”

Kɛlata mɔɔ bɛhɛlɛle bɛhɔmanle Hibuluma la 7:14

Yɛze kɛ bɛwole ye wɔ Dwuda abusua nu, yɛɛ Mosisi noko ambɔ abusua ɛhye duma wɔ mekɛ mɔɔ ɔyɛ sɛlɛvolɛma ngyehyɛlɛ ne la.

Dwɔhyua Buluku ne 14:6

Kenle ko Dwuda abusua ekpunli ne anu amra ne bie mɔ rale Dwɔhyua anwo ɛkɛ ne wɔ Gelegale. Na Kalɛbe mɔɔ ɔ ze a le Gyɛfɛni mɔɔ le Kinɛzenli la zele Dwɔhyua kɛ, “Ɛze mɔɔ Ɛdɛnkɛma hanle wɔ Keedɛhye Baanɛya hilele Nyamenle sonvolɛ Mosisi, mɔɔ fane me nee ɛ nwo la.

Yekile 5:5

Na mgbanyima ne mɔ ko zele me kɛ, “Mmasu. Nea! Dwuda abusua nu awenade ne, mɔɔ le Belemgbunli Devidi ati anwo anlɔnra kpole ne, ɛli konim, na ɔkola ɔwaye ɛyɛlɛ nsuu ne mɔ na ɔbuke nwoma ne anu.”

Maanlebuvolɛma Buluku ne 1:2

Ɛdɛnkɛma buale kɛ, “Dwuda yɛɛ balumua a; bɛnlea, meye maanle ne memaa ye.”

1 Sam 16:1

Ɛdɛnkɛma bizale Samoɛle kɛ, “Kenle nyɛ yɛɛ ɛfa wɔali Sɔɔlo anwo nyane a? Mekpo ye, ɔnli Yizilayɛ belemgbunli bieko. Dwazo fa ɔlivi nwole gua wɔ ɛweɛne ne anu. Mesoa wɔ wɔ Bɛtelɛhɛmenli Gyɛsi ɛkɛ ne, ɔluakɛ meye ɔ mra mrenya ne mɔ ko kɛ mesie ye belemgbunli.”

1 Sam 16:10

Gyɛsi manle ɔ mra nsuu ne mɔ amuala rale Samoɛle anyunlu. Na Samoɛle zele ye kɛ, “Tɛ ɛhye mɔ anu biala a Ɛdɛnkɛma kpondɛ ye a.”

1 Sam 16:12

Yemɔti Gyɛsi zoanle manle bɛhɔvale ye. Ɔle kpavolɛ kɛnlɛma, ɔgyi zolɛ sengɔɔnwo, ɔte kpɔkɛ, yɛɛ ɔ nye ma le nzenzɛɛnye. Ɛdɛnkɛma zele Samoɛle kɛ, “Ɛhye a mekpa nu meye ye a; fa nwole ne kpokpa ye.”