1 Edk 4:34 - BAEBOLO ANZƐƐ BULUKU NWUANZANWUANZA

^34-38 Menli ɛhye mɔ a le bɛ mbusua ne mɔ mgbanyinli a: Mɛhyobabe, Gyamelɛke, Amazaya ara Dwohyaa, Dwowɛle, Gyihu (Dwohyebaya mɔɔ ɔ ze a le Sɛlaya na ɔ nlenya a le Aseɛle la a wole ye a), Ɛleyoyinae, Gyeyakoba, Gyɛhyohaya, Asaya, Adeɛle, Gyɛsemeɛle, Bɛnaya, Zaeza (Aalɔn mɔɔ ɔ bo zo amra a le Gyɛdaya, Hyemelae yɛɛ Hyɛmaya la ara Hyaefae a wole ye a.) Bɛ abusua ne hɔle zolɛ dɛlɛle la ati,

1 Edk 4:34 ပူးပေါင်းရင်းမြစ်များ

1 Edk 4:33

nee namunamu mɔɔ wɔ ɛkɛ ne toonwo kɔdwu sua ne mɔɔ bɛfɛlɛ ye Beeyalate la nyiakɛ mɔɔ di kɔ adɔleɛ la. Bɛ abusua ɛlɔnwɔne ne nee ɛleka mɔɔ bɛdɛnlanle la tetedwɛkɛ mɔɔ bɛva bɛzie toonwo la, yemɔ ɛne.

1 Edk 4:41

Dwuda Belemgbunli Hɛzikaya mekɛ zo, menli mɔɔ bɛbobɔ bɛ aluma wɔ ɛke la hɔle Gilaa na bɛhɔzɛkyele menli mɔɔ wɔ ɛkɛ ne la ndanlɛ azua nee bɛ kpɔda ne mɔ. Bɛvoanle menli mɔɔ wɔ zolɛ la, na bɛdɛnlanle ɛkɛ ne kpɔkpɔ, ɔboalekɛ ɛkɛ ne le kpalɛ maa bɛ nyɛmoa ne mɔ.