1 Edk 3:14 - BAEBOLO ANZƐƐ BULUKU NWUANZANWUANZA

¹⁴ Manasɛ wole Emɔn, yɛɛ Emɔn wole Dwosaya.

1 Edk 3:14 ပူးပေါင်းရင်းမြစ်များ

2 Arl 21:18

Manasɛ hɔle ayile nu na bɛwulale ye mrɛlatɛlɛ nu wɔ suakunlu ɛkɛ ne tola ne anu. Tola ne le Ɛza ɛdeɛ. Na Manasɛ ara nrenya Emɔn lile ebia ne.

2 Arl 21:19

Emɔn lile ɛvolɛ abulanwiɔ nee nwiɔ la yɛɛ bɛvale ye bɛlile belemgbunli a. Ɔlile ebia ne ɛvolɛ nwiɔ wɔ Gyɛlusalɛm. Ɔ nli a le Mɛhyɛlɛmɛte mɔɔ ɔ ze a le Hɛlɛse la. Ɔvi Dwɔtoba sua zo.

2 Arl 21:26

Bɛziele Emɔn wɔ ɔdaye ye nla nu wɔ Ɛza tola ne anu na ɔ ra Dwosaya lile ebia ne.

2 Arl 23:30

Ye safohyenle mgbanyinli ne mɔ vale ye dole konle ehwili nu na bɛ nee ye rale Gyɛlusalɛm bɛrawulale ye mrɛlatɛlɛ nu wɔ ɔdaye ye nla mɔɔ ɔpɛle la anu. Dwudama yele Dwosaya ara Dwowahaze, bɛkpokpale ye nwole na bɛziele ye belemgbunli.

2 Arl 23:34

Akee Belemgbunli Niko manle bɛvale Dwosaya ara Yelayakem bɛziele Dwuda belemgbunli ɔlile Dwosaya agya. Ɔhakyile Yelayakem duma ɔyɛle ye Gyɛhɔyakem. Belemgbunli Niko vale Dwowahaze hɔle Yigyibiti, na ɛkɛ ne a ɔwule a.

1 Edk 3:13

Dwotam wole Ehaze, Ehaze wole Hɛzikaya, Hɛzikaya wole Manasɛ,

1 Edk 3:15

Dwosaya wole mrenya nna. Bɛmɛ a le Dwoheenan, ɔ ra kpanyinli ne, Gyɛhɔyakem, Zɛdikaya, yɛɛ Dwowahaze.

2 Edk 34:1

Dwosaya lile ɛvolɛ mɔtwɛ la yɛɛ ɔbɔle ɔ bo kɛ ɔdi belemgbunli a. Ɔdɛnlanle Gyɛlusalɛm na ɔlile ebia ne ɛvolɛ abulasa nee ko.

2 Edk 36:1

Dwudama vale Dwosaya ara Dwowahaze ziele belemgbunli wɔ Gyɛlusalɛm bɛziele ɔ ze agyakɛ anu.

2 Edk 36:11

Zɛdikaya lile ɛvolɛ abulanwiɔ nee ko la yɛɛ ɔbɔle ɔ bo kɛ ɔdi belemgbunli wɔ Gyɛlusalɛm a. Ɔlile ɛvolɛ bulu nee ko wɔ ebia ne azo.

2 Edk 36:5

Gyɛhɔyakem lile ɛvolɛ abulanwiɔ nee nnu la yɛɛ ɔbɔle ɔ bo kɛ ɔdi belemgbunli a. Ɔdɛnlanle Gyɛlusalɛm, yɛɛ ɔlile ebia ne ɛvolɛ bulu nee ko. Ɛbɛla mɔɔ ɔbɔle la anzɔ Ɛdɛnkɛma ye Nyamenle ne anye.

Gyɛlɛmaya Buluku ne 22:11

Ɔluakɛ mɔɔ Ɛdɛnkɛma ka ye wɔ Belemgbunli Dwosaya ara nrenya Dwowahaze mɔɔ lile ɔ ze agya, dɛnlanle ebia ne azo la anwo la ɛne. Ɔse, “Ɛhɔlɛ mɔɔ yehɔ la, ɔnrɛzia ɔnrɛra bieko.

Gyɛlɛmaya Buluku ne 22:18

Zɔhane ati Ɛdɛnkɛma ɛha Dwosaya ara Gyɛhɔyakem, Dwuda belemgbunli ne anwo edwɛkɛ kɛ, “Awie biala ɛnrɛzu ye kɛ, ‘ayi me diema nrenya,’ anzɛɛ ‘ayi me diema raalɛ.’ Awie biala ɛnrɛye awolɛ ɛnrɛze kɛ, ‘Me menle o,’ anzɛɛ ‘me belemgbunli o!’