1 Edk 29:9 - BAEBOLO ANZƐƐ BULUKU NWUANZANWUANZA

⁹ Menli ne yeyele bɛ ahonle nu vale ninyɛne ne manle Ɛdɛnkɛma na bɛ nye liele kɛ bɛhola bɛyeye ninyɛne dɔɔnwo zɛhae a. Belemgbunli Devidi ɔdaye noko ɔ nye liele kpole kpalɛ.

1 Edk 29:9 ပူးပေါင်းရင်းမြစ်များ

1 Arl 8:61

“Yizilayɛma, bɛva bɛ ahonle muala bɛmaa Ɛdɛnkɛma yɛ Nyamenle ne nɔhalɛ nu na bɛli ye mɛla ne mɔ azo, kɛmɔ bɛyɛ ye ɛnɛ la.”

2 Arl 12:5

Sɛlɛvolɛ ko biala ɔdaye ɔbava ezukoa mɔɔ menli mɔɔ ɔnea bɛ nwo zo la kɛva kɛrɛlɛ ye la yeazie. Zɛhae ezukoa mɔɔ bɛbazie la, yemɔ yɛɛ bɛbava bɛayɛ Ɛzonlenlɛ Sua ne ɛleka mɔɔ kɛzɛkye la boɛ a.

1 Edk 29:10

Belemgbunli Devidi yele Nyamenle ayɛlɛ wɔ menli ne kɔsɔɔti anyunlu hanle kɛ, “Yɛ nlenya Gyekɔbo Ɛdɛnkɛma Nyamenle, ayɛlɛyelɛ ɛha wɔ dahuu!

1 Edk 29:17

Meze kɛ ɛsɔ awie biala ɛnea na ɛ nye die mɔɔ di nɔhalɛ la anwo. Meyeye me ahonle nu, nɔhalɛ nu yɛɛ meva ɛhye mɔ amuala memaa wɔ a, yɛɛ menwu kɛ me menli ye ɛzi ɛva fɛlɛkolilɛ nee anyelielɛ ɛva ninyɛne ɛrabɔ azu ɛmaa wɔ a.

2 Edk 17:16

yɛɛ mɔɔ tɔ zo nsa la a le Zekelae ara Amasaya (mɔɔ ɛdu ɔ nwo ɛmaa kɛ ɔsonle Ɛdɛnkɛma la). Ɔnea ɛlɔnema apenle ngoko ɛya nwiɔ mɔɔ ze ko kpalɛ la anwo zo.

2 Edk 24:10

Na menli ne amuala nee mgbanyima ne mɔ amuala anye liele na bɛraduale bɛ adwule ne bɛguale ɛlɛka ne anu, hɔdwule kɛ bɛ muala bɛwiele ye tua la.

2 Edk 31:8

Belemgbunli Hɛzikaya nee ye mgbanyima ne mɔ ranwunle ninyɛne mɔɔ bɛ nee bɛ ɛra la somaa la, bɛyele Ɛdɛnkɛma ayɛlɛ na bɛyele ye menli Yizilayɛma noko ayɛlɛ.

Ɛzela Buluku ne 1:6

Bɛ gɔnwo mɔ amuala boale bɛ. Bɛmanle bɛ ahyɛnze mɔɔ bɛva dwɛtɛ fufule nee ezukoa nvutuke bɛyɛ la, nane mɔɔ soa ninyɛne, aleɛ, yɛɛ ninyɛne mɔɔ sonle bolɛ, yɛɛ akee ahunlundwolɛ ahyɛlɛ ninyɛne mɔɔ bɛfa bɛahɔbɔ azu la.

Edwɛndolɛ Buluku ne 110:3

Wɔ menli ne mɔ bava bɛ nwo amaa wɔ, wɔ mekɛ mɔɔ ɛkɛze kɛ ɛdi wɔ ɛlɔnema ati wɔ boka nwuanzanwuanza ne azo la. Wɔ mgbavolɛ ne mɔ bara ɛ nwo nwonlomɔ mangyee ne, kɛ nwonlomɔ ɛbɔlɛ mɔɔ ɛlɛtɔ la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 35:29

Yizilayɛma kɔsɔɔti, mraalɛ nee mrenya mɔɔ lɛ ɛhulolɛ la yeyele bɛ ahonle nu vale bɛ azubɔdeɛ rɛlɛle Ɛdɛnkɛma manle bɛvale bɛyɛle gyima ne mɔɔ ɔzele Mosisi kɛ ɔyɛ la.

Edwɛkpa ne kɛmɔ Luku hɛlɛle la 15:6

ɔfa ye ɔba sua nu. Akee ɔfɛlɛvɛlɛ ɔ gɔnwo mɔ nee ye kpalɛzo amra, na ɔse bɛ kɛ, ‘Ɔyɛ me fɛ kɛ menwu me boane ne mɔɔ minlinle la. Bɛmaa yɛlie yɛ nye!’

Dw 15:11

“Meha ɛhye mehile bɛ, amaa me fɛlɛkolilɛ adɛnla bɛ nu na bɛdabɛ noko bɛ fɛlɛkolilɛ ne ali munli.

2 Kɔl 8:12

Ɔluakɛ saa ɔwɔ bɛ nuhua kɛ bɛkɛmaa debie a, ɛnee mɔɔ bɛlɛ ye la azo a Nyamenle balua alie bɛ ahyɛlɛdeɛ ne a. Ɔnrɛnlea mɔɔ bɛnlɛ ye la azo ɔnrɛlie.

2 Kɔl 8:3

Medi daselɛ kɛ bɛmanle ahyɛlɛdeɛ, kɛmɔ bɛkɛhola ala la, na bɛboale bɔbɔ bɛmanle ɔbole zolɛ. Bɛvale ɛhulolɛ

Pɔɔlo Kɛlata mɔɔ ɔhɛlɛle ɔhɔmanle Felepaema la 4:1

Zɔhane ati, me mediema kulovolɛma, mɔɔ me nwo dɔ bɛ a, me ahyɛlɛdeɛ mɔɔ me nye die bɛ nwo, na mefa bɛ metu me nwo a! Mediema kpalɛ, bɛgyinla kpundii kɛ bɛle Kelaese ɛdeɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:10

Medi fɛlɛko kpole wɔ Awulae ati kɛ mekɛ tendenle ye anzi, eza bɛnyia adenle bɛlɛkile kɛ bɛdwenle me nwo a. Menga kɛ bɛgyakyi me nwo ɛdwenlenlɛ, na ɛnee bɛnnyia adenle.

Maanlebuvolɛma Buluku ne 5:9

Me ahonle la Yizilayɛ safohyenlema anwo, bɛmɛ a bɛdule bɛ nwo bɛmanle menli ne a. Ayɛlɛyelɛ ɛha Ɛdɛnkɛma.