1 Edk 29:1 - BAEBOLO ANZƐƐ BULUKU NWUANZANWUANZA

¹ Belemgbunli Devidi akee zele ɛlɔne mɔɔ rayiale la kɛ, “Me ra Sɔlɔmɔn yɛɛ Nyamenle ɛnlea nu ɛye ye a, noko ɔtɛde kakula, ɔ ti ɛtɛtinle. Gyima ne mɔɔ gyi ɔ nyunlu la le kpole. Ɔluakɛ suakunlu ne mɔɔ bɛbazi la ɛnle sonla ɛdeɛ. Ɔle Ɛdɛnkɛma Nyamenle ne suakunlu.

1 Edk 29:1 ပူးပေါင်းရင်းမြစ်များ

2 Sam 3:39

Ɛdɛnkɛma ɛyila me ɛzie me belemgbunli, noko ɛnɛ kenle ye, me sa ɛhondo aze. Zɛluaya amra mrenya ne mɔ te me ɛbolɛ somaa. Ɛdɛnkɛma ɛdua ɛtanevolɛma kakɛ mɔɔ ɔfɛta bɛ amumuyɛ ne mɔ la.”

1 Arl 1:20

Na kɛkala, Nana, wɔmɔ yɛɛ Yizilayɛma kɔsɔɔti ɛlɛnea wɔ a. Bɛtie kɛ ɛkɛze kɛ asomasi yɛɛ di me agya adɛnla belemgbunli ebia ne azo a.

1 Arl 3:7

O Ɛdɛnkɛma, me Nyamenle, mele kakula somaa mɔɔ menze nwolɛ bie, noko wɔva me wɔzie belemgbunli, wɔ egya Devidi abo zo ne.

1 Edk 22:2

Belemgbunli Devidi manle nyɛvolɛ mɔɔ wɔ maanle ne anu la amuala yiale, na ɔmanle bɛyɛle gyima. Bɛ bie mɔ kpukekpukele awolɛ mgbole mɔɔ bɛfa bɛazi Nyamenle Ɛzonlenlɛ Sua ne la.

1 Edk 22:5

Devidi dwenlenle nwolɛ kɛ, “Ɛzonlenlɛ Sua ne mɔɔ me ra Sɔlɔmɔn bazi la, ɔwɔ kɛ ɔyɛ kpole, ɔyɛ kɛnlɛma mɔɔ awie biala kanvo ye a. Noko Sɔlɔmɔn le kakula, yɛɛ ɔ ti ɛtɛtinle. Yemɔti meboɔboa ninyɛne mɔɔ bɛbava bɛazi la anloa meamaa ye.” Yemɔti Devidi nyianle ninyɛne mɔɔ bɛbava bɛazi sua ne la anu dɔɔnwo kolaa na yeawu.

1 Edk 28:1

Belemgbunli Devidi akee yɛle kɛ Yizilayɛ mgbanyima kɔsɔɔti ɛrayia Gyɛlusalɛm. Yemɔti mbusua ekpunli ekpunli ne mɔ mgbanyinli, mgbanyima mɔɔ maanle ne anu gyima nwo amaamuo wɔ bɛ sa nu, mbusua mgbanyinli, bɛdabɛ mɔɔ bɛnea belemgbunli nee ɔ mra ne mɔ nyɛmoa nee gya zo, suakunlu ɛkɛ ne mgbanyima kɔsɔɔti, safohyenle mgbanyinli mɔɔ nea ɛlɔnema apenle nee ɛlɔnema ɛya nwo zo, yɛɛ maanle ne anu adile adile rayiale Gyɛlusalɛm.

1 Edk 28:10

Ɔwɔ kɛ ɛnwu ye kɛ Ɛdɛnkɛma ɛnlea nu ɛye wɔ kɛ ɛzi ye Ɛzonlenlɛ Sua nwuanzanwuanza ne. Si, fa wɔ ahonle nee wɔ anwosesebɛ kɔsɔɔti si.”

1 Edk 28:8

“Zɔhane ati, me maanlema, meka ye wɔ yɛ Nyamenle ye anyunlu ɛke, nee bɛdabɛ, Ɛdɛnkɛma menli Yizilayɛma, mɔɔ bɛrayia ɛke la bɛ nyunlu kɛ, debie biala mɔɔ Ɛdɛnkɛma, yɛ Nyamenle ne ɛhyehyɛ ɛmaa yɛ la, bɛdie, na bɛyɛ, amaa bɛahɔ zo bɛadɛnla azɛlɛ kɛnlɛma ɛhye azo na menli mɔɔ li bɛ nzi la noko asa aha ye ayɛ bɛ ɛdeɛ dahuu.”

1 Edk 29:19

Maa me ra Sɔlɔmɔn ahonle kpalɛ maa ɔli debie biala mɔɔ ɛkɛze ye la azo na ɔzi Ɛzonlenlɛ Sua ne mɔɔ yemɔti meboɔboa ninyɛne ɛhye mɔ anloa la.”

2 Edk 1:2

Belemgbunli Sɔlɔmɔn dendɛle hilele Yizilayɛma amuala: safohyenlema mɔɔ nea ɛlɔnema apenle apenle nee ɛya ɛya nwo zo, ndɛnebuavolɛma, Yizilayɛ maanle mgbanyima ne mɔ, yɛɛ mbusua mgbanyinli.

2 Edk 13:7

Menli agbamgbanvolɛ bie bɛdabɛ noko bɛhɔlile ɔ nzi na bɛkpole Sɔlɔmɔn ara Rilihɔbowam wɔ mekɛ mɔɔ Rilihɔbowam le kakula na ye adwenle ɛtɛtinle na yeahola yeagyinla bɛ nloa la.

Mrɛlɛbulɛ Buluku ne 4:3

Mekɛ mɔɔ mele kakula na me nee egya de, mele ekyi bie, na me ngome a ɔmɔ anye die me nwo la,

Gyɛlɛmaya Buluku ne 30:18

Ɛdɛnkɛma se, “Bɛnlea, mebava Yizilayɛma azɛlɛ ne meazia meamaa bɛ, na meanwu bɛ anwunvɔne wɔ bɛ tɛnlabelɛ nu; bɛbakyekye Gyɛlusalɛm bieko wɔ ɔ bo zo ne, na bɛazi suakunlu ne wɔ ɔ bo zo dɛba ne ala.