1 Edk 28:9 - BAEBOLO ANZƐƐ BULUKU NWUANZANWUANZA

⁹ Akee ɔzele Sɔlɔmɔn kɛ, “Me ra, mese wɔ kɛ, die ɛ ze Nyamenle ne to nu na fa wɔ ahonle muala nee adwenle mɔɔ di munli la sonle ye. Ɔze yɛ adwenle nee mɔɔ yɛkpondɛ la. Saa ɛkɔ ye ɛkɛ ne a, ɔbalie wɔ. Na saa ɛkakyi ɛ nzi ɛsi ye a, ɔbakpo wɔ bɔkɔɔ.

1 Edk 28:9 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 28:13

Ɛdɛnkɛma gyi ɔ ti zo lɔ na ɔlɛka kɛ, “Mame a mele Ɛdɛnkɛma, ɛ nlenya Ebileham nee ɛ ze Ayezeke Nyamenle ne a. Azɛlɛ ne mɔɔ ɛla zolɛ la, mebava meamaa wɔ nee ɛ bo zo amra.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 6:5

Akee Ɛdɛnkɛma nwunle kɛ sonla amumuyɛyɛlɛ ne ɛyɛ kpole kpalɛ wɔ azɛlɛ ye azo, na ɛtane ngome ɛyi ye adwenle nee ye ahonle nu tɛkɛɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 8:21

Nowa azu ne zɔle Ɛdɛnkɛma anye, na ɔzele kɛ, “Ɔvi ɛnɛ mɔɔ kɔ la menrɛdoa sonla nyɛleɛ menrɛmaa munzule mɔɔ le zɛhae la ɛnrɛha azɛlɛ ye bieko; menrɛzɛkye ewiade abɔdeɛ muala, kɛmɔ meyɛ la bieko. Meze kɛ sonla yemɔ, ye ngakula nu amuala ɛnee ye adwenle nee ye ahonle nu le bile.

1 Arl 3:6

Sɔlɔmɔn buale kɛ, “Kɛmɔ wɔ akɛlɛ, egya Devidi lile nɔhalɛ manle wɔ, ɔvale ye ahonle kɔsɔɔti ɔdiele ɛ ne, na ɔbɔle ɛbɛla mɔɔ sɔ ɛ nye la, ɛhulole ye edwɛkɛ bɔkɔɔ. Ɛhye ati wɔhyɛ ye ralɛ nrenya wɔmaa ɛnɛ mede ɔ bo zo ne.

1 Arl 8:39

tie bɛ nzɛlɛlɛ wɔ anwuma lɔ, ɛleka mɔɔ ɛde la, fa bɛ ɛtane ne mɔ kyɛ bɛ na boa bɛ. Ɛ ngomekye yɛɛ ɛze ahonle nu a, yɛ maa awie biala, kɛmɔ bɛ nzɛlɛlɛ ne mɔ se la,

1 Arl 8:43

tie ye nzɛlɛlɛ. Tie ye wɔ anwuma nehane, ɛleka mɔɔ ɛde la, na yɛ debie biala mɔɔ ɔkpondɛ la maa ye. Ɛhye bamaa menli kɔsɔɔti mɔɔ wɔ aleɛabo la anwu wɔ na bɛazulo wɔ, kɛmɔ Yizilayɛma ɛnwu wɔ na bɛsulo wɔ la. Eza bɛbanwu kɛ amgba ɔwɔ kɛ bɛsonle wɔ wɔ sua ɛhye mɔɔ mezi memaa wɔ la anu.

1 Arl 8:61

“Yizilayɛma, bɛva bɛ ahonle muala bɛmaa Ɛdɛnkɛma yɛ Nyamenle ne nɔhalɛ nu na bɛli ye mɛla ne mɔ azo, kɛmɔ bɛyɛ ye ɛnɛ la.”

2 Arl 20:3

“Ɛdɛnkɛma, mebodo wɔ, kakye kɛ meyeye me ahonle nu mezonle wɔ nɔhalɛ nu yɛɛ mebɔ mɔdenle biala kɛ menwɔyɛ debie biala mɔɔ ɛkpondɛ kɛ meyɛ la.” Na ɔbɔle ɔ bo kɛ ɔsu.

2 Arl 21:22

Ɔkpole Ɛdɛnkɛma, ɔ nlenya mɔ Nyamenle ne, na ɔkpole kɛ ɔnrɛli Ɛdɛnkɛma mɛla zo.

2 Arl 22:2

Dwosaya yɛle mɔɔ sɔ Ɛdɛnkɛma anye la. Ɔvale ɔ nlenya Devidi agyakɛ na ɔlile Nyamenle Mɛla ne mɔ azo kpalɛ kpalɛ.

1 Edk 22:19

Zɔhane ati bɛva bɛ ahonle nee bɛ ɛkɛla muala bɛzonle Ɛdɛnkɛma bɛ Nyamenle ne. Bɛdwazo bɛzi Ɛdɛnkɛma bɛ Nyamenle ne Ɛzonlenlɛ Sua ne, amaa bɛanyia ɛleka kpalɛ bɛava Ɛdɛnkɛma Ngyekyeleɛ Ɛlɛka ne nee Nyamenle ahyɛnze nwuanzanwuanza ne mɔ mɔɔ bɛfa bɛsonle ye la bɛazie.”

1 Edk 28:8

“Zɔhane ati, me maanlema, meka ye wɔ yɛ Nyamenle ye anyunlu ɛke, nee bɛdabɛ, Ɛdɛnkɛma menli Yizilayɛma, mɔɔ bɛrayia ɛke la bɛ nyunlu kɛ, debie biala mɔɔ Ɛdɛnkɛma, yɛ Nyamenle ne ɛhyehyɛ ɛmaa yɛ la, bɛdie, na bɛyɛ, amaa bɛahɔ zo bɛadɛnla azɛlɛ kɛnlɛma ɛhye azo na menli mɔɔ li bɛ nzi la noko asa aha ye ayɛ bɛ ɛdeɛ dahuu.”

1 Edk 29:9

Menli ne yeyele bɛ ahonle nu vale ninyɛne ne manle Ɛdɛnkɛma na bɛ nye liele kɛ bɛhola bɛyeye ninyɛne dɔɔnwo zɛhae a. Belemgbunli Devidi ɔdaye noko ɔ nye liele kpole kpalɛ.

2 Edk 12:5

Nyamenle kpɔmanvolɛ Hyɛmaya rale Belemgbunli Rilihɔbowam nee Dwuda mgbanyima ne mɔ kɔsɔɔti mɔɔ ɛnee Hyaehyake ati bɛyia Gyɛlusalɛm la anwo ɛkɛ na ɔzele bɛ kɛ, “Ɛdɛnkɛma se, ‘Bɛkpo me, yemɔti medame noko mekpo bɛ memaa Hyaehyake.’ ”

2 Edk 15:2

Na ɔhɔyiale Belemgbunli Esa na ɔzele ye kɛ, “Wɔmɔ Esa, yɛɛ Dwudama nee Bɛngyamanema amuala, bɛdie me. Ɛdɛnkɛma nee bɛ lua, kɛmɔ bɛ nee ye lua la. Saa bɛkpondɛ ɔ bo zo a, bɛkɛnwu ye, na saa bɛkpo ye a, ɔbakpo bɛ.

2 Edk 6:30

tie bɛ wɔ anwuma lɔ, ɛleka mɔɔ ɛde la, na fa bɛ ɛtane ne mɔ kyɛ bɛ. Ɛ ngomekye yɛɛ ɛze sonla ahonle nu a, yɛ maa awie biala kɛmɔ bɛ nzɛlɛlɛ ne mɔ se la,

Ɛzela Buluku ne 8:22

Ɔyɛle me nyiane kɛ kpɔvolɛ ti menwɔbiza belemgbunli kɛ ɔmaa ɛlɔnema ɛzinza yɛ wɔ adenle nu a, ɔluakɛ ɛnee meha mehile ye kɛ Nyamenle yila awie biala mɔɔ fa ɔ rɛle wula ye nu la. Ɔ nye ɛnlie bɛdabɛ mɔɔ bɛmbu ye la anwo, na ɔtea bɛdabɛ mɔɔ bɛkakyi bɛ nzi bɛsi ye la.

Edwɛndolɛ Buluku ne 101:2

Mebalua adenle mɔɔ ngehanleɛ ɛnle nwo la anu; O, kenlenzu yɛɛ ɛkɛra me nwo a? Mebava pɛlepɛlelilɛ meadɛnla me sua nu.

Edwɛndolɛ Buluku ne 139:2

Ɛze me azedɛnlanlɛ nee me ɛdwazolɛ nu; ɛze me adwenle muala.

Edwɛndolɛ Buluku ne 17:3

Saa ɛsɔ me ɛnea, saa ɛba me nwo nɔɔzo, saa ɛneɛnlea me nu a, ɛkɛnwu kɛ menle amumuyɛ; menva me nloa menga ɛtane.

Edwɛndolɛ Buluku ne 18:2

Ɛdɛnkɛma le me bodane, me aranemgbole nee me dievolɛ, me Nyamenle, me bodane mɔɔ menriandi mefea nu a, me enyinlike, me ngoanedievolɛ nee me ɛvealeka kpundii.

Edwɛndolɛ Buluku ne 7:10

Me enyinlike a le Nyamenle, ɔdie menli mɔɔ bɛ ahonle nu te la.

Edwɛndolɛ Buluku ne 7:9

O maa amumuyɛma ɛgyakyi ɛtaneyɛlɛ; maa tenlenema ɛgyinla kpundii; ɛle pɛlepɛlelilɛ Nyamenle, mɔɔ kola sɔ ahonle nee adwenle nea a.

Edwɛndolɛ Buluku ne 89:26

Ɔbazu yeavɛlɛ me kɛ, ‘Wɔmɔ a ɛle me Ze a; ɛle me Nyamenle nee me ngoanelielɛ Bodane.’

Edwɛndolɛ Buluku ne 89:38

Noko wɔva wɔ belemgbunli ne mɔɔ wɔkpa nu wɔye ye la anwo ɛya, wɔkpo ye na wɔvuandi ye wɔdo.

Edwɛndolɛ Buluku ne 9:10

Menli mɔɔ ze wɔ la fa bɛ rɛle wula wɔ nu, ɔluakɛ, O Ɛdɛnkɛma, ɛtɛkpole menli mɔɔ sonle wɔ la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:2

Ɛdɛnkɛma le me anwosesebɛ nee me edwɛne, yɛɛ yeyɛ me ngoanedievolɛ. Me Nyamenle ne ɛne, mebaye ye ayɛlɛ, me ze Nyamenle ne, mebayeyɛ ye.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:16

Kɔboɔboa Yizilayɛ mgbanyima kɔsɔɔti anloa na ka kile bɛ kɛ: Ɛdɛnkɛma, bɛ ze mɔ Nyamenle ne, Ebileham Nyamenle ne, Ayezeke Nyamenle ne, nee Gyekɔbo Nyamenle ne ɛye ɔ nwo ɛhile me. Ka kile bɛ kɛ menwu mɔɔ bɛva bɛyɛ bɛ wɔ Yigyibiti la,

Mrɛlɛbulɛ Buluku ne 17:3

Bɛfa senle a bɛsɔ dwɛtɛ fufule nee ezukoa nvutuke bɛnea a, yɛɛ Ɛdɛnkɛma a sɔ ahonle kɔsɔɔti nea a.

Mrɛlɛbulɛ Buluku ne 3:6

Nwu Nyamenle wɔ wɔ ɛbɛlabɔlɛ muala anu, na ɔbamaa wɔ ndenle adenrɛ fɔɔnwo amaa wɔ.

Mrɛlɛbulɛ Buluku ne 4:4

egya hilehilele me, na ɔzele me kɛ, “Sɔ me nloa edwɛkɛ nu boɛ kpalɛ, di me mɛla zo na wɔanyia ngoane.

Ayezaya Buluku ne 1:28

Bɛbazɛkye ɛtanema nee atuadelɛma, na bɛahu menli mɔɔ kpo Ɛdɛnkɛma la amuala.

Ayezaya Buluku ne 38:3

“O Ɛdɛnkɛma, mebodo wɔ, kakye kɛ meyeye me ahonle nu mezonle wɔ nɔhalɛ nu, yɛɛ mebɔ mɔdenle meyɛ mɔɔ ɛkpondɛ la.” Na ɔzunle alɔbɔlɛ ɛzunlɛ.

Ayezaya Buluku ne 45:19

Meanga ye fealera nu, wɔ awozinli azɛlɛ bie azo; meanga meangile Gyekɔbo abo zo amra kɛ, ‘Bɛva basabasayɛlɛ bɛkpondɛ me bo zo.’ Medame Ɛdɛnkɛma, meka nɔhalɛ ne, meka mɔɔ le nɔhalɛ la meto gua.”

Gyɛlɛmaya Buluku ne 11:20

Yemɔti Gyɛlɛmaya zɛlɛle kɛ, “Tumivolɛ Ɛdɛnkɛma, ɛle ndɛnebuavolɛ mɔɔ di pɛlepɛle a; ɛneɛnlea menli ahonle nee bɛ adwenle nu. Me edwɛkɛ ye wɔ ɛ sa nu. Senra menli ɛhye mɔ maa me.”

Gyɛlɛmaya Buluku ne 17:10

Medame Ɛdɛnkɛma a meneɛnlea sonla adwenle nu na meneɛnlea ye ahonle nu a. Meboa awie biala, kɛmɔ ye ndenle ne mɔ de la, kɛmɔ ye nyɛleɛ ne si kɔ ye la.”

Gyɛlɛmaya Buluku ne 20:12

O Tumivolɛ Ɛdɛnkɛma, mɔɔ sɔ tenlenema nea, mɔɔ ɛnwu sonla biala ahonle nee ye adwenle nu, maa menwu kɛ wɔli me kpɔvolɛma nzenralɛ, ɔluakɛ meva me edwɛkɛ ne memaa wɔ.

Gyɛlɛmaya Buluku ne 22:16

Saa ɔlile pɛlepɛle ɔmanle ehyianvolɛma, yeambua menli mɔɔ ehyia la mgbɔvondɛne a ɛnee ɔle kpalɛ. Medame Ɛdɛnkɛma, mese, kɛ me ɛnwunlɛ de la ɛne.

Gyɛlɛmaya Buluku ne 24:7

Mebamaa bɛ ahonle meamaa bɛanwu kɛ medame a mele Ɛdɛnkɛma a; bɛbayɛ me menli na meayɛ bɛ Nyamenle, ɔluakɛ bɛbava bɛ ahonle kɔsɔɔti bɛazia bɛara me ɛkɛ.”

Gyɛlɛmaya Buluku ne 29:13

Bɛbakpondɛ me, na bɛbanwu me. Saa bɛfa bɛ ahonle muala bɛkpondɛ me a, bɛbanwu me.

Gyɛlɛmaya Buluku ne 29:14

Mebaye bɛ meavi maanle maanle ne mɔ azo ɛleka biala mɔɔ bɛwɔ, yɛɛ ɛleka biala mɔɔ memkpondenle bɛ la meara Gyɛlusalɛm, na meava bɛ debie biala meazia meamaa bɛ. Medame Ɛdɛnkɛma a mese a.

Gyɛlɛmaya Buluku ne 31:34

Bɛ nuhua biala ɛnrɛhilehile ɔ gɔnwo anzɛɛ ɛnrɛze adiema kɛ, ‘Maa mengile wɔ Nyamenle,’ ɔluakɛ bɛ kɔsɔɔti, kpanyinli o, kakula o, bɛbanwu me. Mebava bɛ ɛtane meahyɛ bɛ, yɛɛ menrɛhakye bɛ ɛtane ne mɔ mɔɔ bɛyɛ la bieko. Medame Ɛdɛnkɛma a mese a.”

Gyɛlɛmaya Buluku ne 9:24

Saa awie ɛlɛtu ɔ nwo a, ɔdu ɔ nwo kɛ ɔze me na ɔte me edwɛkɛ bo, kɛ mame a mele Ɛdɛnkɛma a. Me ɛhulolɛ ne gyi kpundii, yɛɛ meyɛ mɔɔ le pɛpɛ nee fɔɔnwo. Ɛhye mɔ a sɔ me nye a. Medame Ɛdɛnkɛma a mese a.”

Yizikeɛle Buluku ne 11:5

Ɛdɛnkɛma Sunsum ne wolole me na ɔzele me kɛ menga kɛ, “Ɛdɛnkɛma se, O, Yizilayɛma, kɛ bɛ adwenle yɛ bɛ la ɛhye ɔ? Meze debie biala mɔɔ wɔ bɛ adwenle nu la.

Yizikeɛle Buluku ne 38:10

Awulae Nyamenle ne se, “Mekɛ zɔhane anu, ɛbanyia adwenle dɔɔnwo na wɔabɔ adwenle ɛtane wɔaha kɛ,

Hozia Buluku ne 4:1

O Yizilayɛma, bɛdie Ɛdɛnkɛma edwɛkɛ ne, ɔluakɛ Ɛdɛnkɛma lɛ edwɛkɛ tia bɛdabɛ mɔɔ bɛde azɛlɛ ne azo la. Ɔse, “Bɛnli nɔhalɛ anzɛɛ bɛnyɛ atiakunlukɛnlɛma yɛɛ bɛnlɛ Nyamenle anwo adwenle biala wɔ azɛlɛ ne azo.

Hozia Buluku ne 4:6

Me menli ne ɛnlɛ adwenle la ati bɛzɛkye bɛ; kɛmɔ bɛkpo adwenlenubukelɛ la ati, medame noko mekpo bɛ kɛ bɛnle me sɛlɛvolɛma bieko, yɛɛ kɛmɔ bɛ rɛle ɛvi bɛ Nyamenle ne mɛla ne la, medame noko me rɛle bavi bɛ mra.

Dw 1:47

Mɔɔ Gyisɛse nwunle kɛ Natanayɛle ɛlɛba la, ɔzele kɛ, “Bɛnlea, Yizilayɛnli kpalɛ mɔɔ ɛnze adalɛ bɔ la ɛne!”

Dw 17:3

Ngoane mɔɔ ɛnlɛ awieleɛ la a le kɛ bɛkɛnwu kɛ wɔmɔ a ɛle nɔhalɛ Nyamenle kokye ne a, na bɛkɛnwu Gyisɛse Kelaese, mɔɔ wɔzoa ye la.

Dw 2:25

Yeangyia kɛ awie kɛha sonla nwo edwɛkɛ kɛhile ye, ɔboalekɛ ɔdaye mumua ne ɔze mɔɔ wɔ sonla biala ahonle nu la.

Dw 21:17

Fane nsa ne azo eza Gyisɛse bizale Pita kɛ, “Dwɔn ara Saemɔn, asoo ɛkulo me?” Nyane hanle Pita kɛ Gyisɛse ɛbiza ye fane nsa kɛ, “Asoo ɛkulo me?” a, na ɔbuale ye kɛ, “Awulae ɛze debie biala; ɛze kɛ mekulo wɔ.” Gyisɛse zele ye kɛ, “Nea me mboane ne mɔ boɛ.

Dw 4:24

Nyamenle le Sunsum, yemɔti ɔwɔ kɛ bɛdabɛ mɔɔ bɛsonle ye la bɛsonle ye wɔ sunsum nu nee nɔhalɛ nu.”

Dw 8:55

Bɛtɛnwunle ye ɛlɛ, na mame meze ye. Saa meka kɛ menze ye a, ɛnee mebɔ adalɛ kɛ bɛdabɛ la. Meze ye, yɛɛ medi ye edwɛkɛ zo.

Ɛzoanvolɛma Gyima ne 1:24

Bɛyɛle nzɛlɛlɛ bɛzele kɛ, “Awulae, wɔmɔ yɛɛ ɛze menli kɔsɔɔti ahonle nu a. Zɔhane ati Awulae, ɛdawɔ kilehile yɛ maa yɛye menli nwiɔ ye anu ko mɔɔ wɔvɛlɛ ye la,

Ɛzoanvolɛma Gyima ne 17:23

Mekpɔsa suakpole ye azo dɔɔnwo, na mɔɔ menwu ye la a le kɛ ɛleka biala mɔɔ bɛsonle la ɛdɛneyelɛ ninyɛne wɔ ɛkɛ ne, yɛɛ eza bɛlɛ azubɔlɛ mokyea ko mɔɔ bɛhɛlɛ nwolɛ ‘Ɛhye le Nyamenle ne mɔɔ yɛnze ye la ɛdeɛ’ la wɔ ɛkɛ. Na mɔɔ bɛsonle ye, noko bɛnze ye la, yemɔ yɛɛ mebaha ɔ nwo edwɛkɛ meahile bɛ kɛkala la.

Ɛzoanvolɛma Gyima ne 17:30

Nyamenle bule ɔ nye guale zo wɔ mekɛ mɔɔ ɛnee menli ɛnze la. Kɛkala, ɔlɛka yeahile menli kɔsɔɔti mɔɔ wɔ ɛleka biala la kɛ bɛnlu bɛ nwo wɔ bɛ ninyɛndane nwo.

1 Kɔl 15:34

Bɛzia bɛ nzi bɛva adwenle kpalɛ na bɛgyakyi ɛtaneyɛlɛ. Ɔyɛ anyiemgba bɔbɔ kɛ menwɔha kɛ bɛ bie mɔ ɛnze Nyamenle a.

2 Kɔl 4:6

Nyamenle ne mɔɔ zele kɛ, “Wienyi vi awozinli nu ɛda” la a le Nyamenle ko ne ala mɔɔ manle ye wienyi ne dale yɛ ahonle nu la, amaa yɛanwu Nyamenle anyunlunyia ne mɔɔ ɛlɛta Kelaese anyunlu la.

2 Kɔl 8:12

Ɔluakɛ saa ɔwɔ bɛ nuhua kɛ bɛkɛmaa debie a, ɛnee mɔɔ bɛlɛ ye la azo a Nyamenle balua alie bɛ ahyɛlɛdeɛ ne a. Ɔnrɛnlea mɔɔ bɛnlɛ ye la azo ɔnrɛlie.

2 Kɔl 9:7

Awie biala ɛva mɔɔ yezuzu nwo wɔ ye ahonle nu la ɛmaa. Ɔmmatwenlehwenle ɔ bo aze anzɛɛ ɔyɛ ye kɛ asɛɛ yemia la ati ɔ, ɔluakɛ Nyamenle kulo sonla mɔɔ te ɔ nyunlu kyɛ debie la.

Mɛla 10:12

“Yizilayɛma, akee bɛdie. Mɔɔ Ɛdɛnkɛma bɛ Nyamenle ne kpondɛ wɔ bɛ ɛkɛ ne la a le kɛ: bɛzulo Ɛdɛnkɛma bɛ Nyamenle ne, bɛlua ye ndenle ne mɔ anu, bɛhulo ye, na bɛva bɛ ahonle nee bɛ ɛkɛla muala bɛzonle ye,

Mɛla 31:21

Na saa edwɛkɛ to bɛ na munzule si bɛ nwo zo a, edwɛne ɛhye bara bɛ ti anu yeamaa bɛ ti anu aze bɛ, ɔboalekɛ bɛ bo zo amra bɔbɔ arɛle ɛnrɛvi edwɛne ɛhye. Bɛbahakye ye dahuu. Bɛtɛdwule azɛlɛ ne mɔɔ meva mebɔ bɛ ɛwɔkɛ la azo bɔbɔ, noko meze mɔɔ kɛkala angome bɛlɛdwenle debie mɔɔ bɛdwu a bɛbayɛ la anwo.”

Mɛla 4:35

Bɛyɛle ɛhye bɛmanle bɛnwunle ye, amaa bɛanwu kɛ Ɛdɛnkɛma a le Nyamenle a; nyamenle bieko ɛnle ɛkɛ.

Kɛlata mɔɔ bɛhɛlɛle bɛhɔmanle Hibuluma la 12:28

Zɔhane ati, bɛmaa yɛyɛ Nyamenle mo kɛ yemaa yɛ belemgbunlililɛ kpalɛ mɔɔ abo ɛmkpusu ɛlɛ, na yɛva ɛzulolɛ, enililɛ yɛɛ moyɛlɛ yɛzonle ye yɛmaa ɔzɔ ɔ nye,

Kɛlata mɔɔ bɛhɛlɛle bɛhɔmanle Hibuluma la 4:13

Wɔ Nyamenle anyunlu, debie biala ɛnvea; debie biala mɔɔ wɔ aleɛabo la la ɔ nyunlu wienyi, na yemɔ yɛɛ yɛbabu yɛ mgbonda yɛahile ye a.

1 Pit 5:2

bɛnlea mboane ekpunli ne mɔɔ Nyamenle ɛva ɛwula bɛ sa nu la boɛ, bɛva ahunlundwolɛ bɛnlea bɛ, kɛmɔ Nyamenle kpondɛ la, na bɛmmatwenlehwenle bɛ bo aze. Bɛyɛ gyima kɛ bɛkulo kɛ bɛsonle la ati ɔ na tɛ kɛ asɛɛ bɛkpondɛ ɔ nzi ahatualɛ la ati ɔ.

Yekile 2:23

Eza menli mɔɔ li ɔ nzi la, mebahu bɛ muala na asɔnema ne amuala anwu kɛ medame a menwu sonla biala ati anu nee ye ahonle nu a. Me nee bɛ nuhua ko biala bali wɔ mɔɔ yeyɛ la anwo.

1 Sam 12:20

Na Samoɛle zele menli ne kɛ, “Bɛmmasulo; bɛbɔ munzule bɔbɔ ɛdeɛ, noko bɛmmakpo kɛ bɛnrɛdoa Ɛdɛnkɛma abo zo. Bɛva bɛ ahonle kɔsɔɔti bɛzonle ye.

1 Sam 16:7

Na Ɛdɛnkɛma zele ye kɛ, “Mmanea ɔ nyunlu anzɛɛ ye anyinlima ne anwo, ɔboalekɛ tɛ yemɔ yɛɛ meye ye a, ɔluakɛ mennea sonla kɛmɔ dasanli si nea ye la. Dasanli nea sonla ɛnyelɛ zo ala, na mame, menea sonla ahonle nu.”