1 Edk 28:8 - BAEBOLO ANZƐƐ BULUKU NWUANZANWUANZA

⁸ “Zɔhane ati, me maanlema, meka ye wɔ yɛ Nyamenle ye anyunlu ɛke, nee bɛdabɛ, Ɛdɛnkɛma menli Yizilayɛma, mɔɔ bɛrayia ɛke la bɛ nyunlu kɛ, debie biala mɔɔ Ɛdɛnkɛma, yɛ Nyamenle ne ɛhyehyɛ ɛmaa yɛ la, bɛdie, na bɛyɛ, amaa bɛahɔ zo bɛadɛnla azɛlɛ kɛnlɛma ɛhye azo na menli mɔɔ li bɛ nzi la noko asa aha ye ayɛ bɛ ɛdeɛ dahuu.”

1 Edk 28:8 ပူးပေါင်းရင်းမြစ်များ

1 Edk 28:7

Saa ɔdi me mɛla ne mɔ azo boɛ kɛmɔ kɛkala ɔdi zolɛ la a, mebamaa ye belemgbunlililɛ ne ahɔ zolɛ dahuu.’

1 Edk 28:9

Akee ɔzele Sɔlɔmɔn kɛ, “Me ra, mese wɔ kɛ, die ɛ ze Nyamenle ne to nu na fa wɔ ahonle muala nee adwenle mɔɔ di munli la sonle ye. Ɔze yɛ adwenle nee mɔɔ yɛkpondɛ la. Saa ɛkɔ ye ɛkɛ ne a, ɔbalie wɔ. Na saa ɛkakyi ɛ nzi ɛsi ye a, ɔbakpo wɔ bɔkɔɔ.

Ɛzela Buluku ne 9:12

Zɔhane ati bɛmmamaa bɛ mra mrenya gya ɛkɛ ne mbɛlɛra ne mɔ bie, yɛɛ bɛmmamaa bɛ mra mraalɛ gya ɛkɛ ne mgbavolɛ ne mɔ bie. Bɛmmakpondɛ bɛ nee anzonudwolɛ anzɛɛ ɛkpazilɛ, amaa bɛdabɛ Yizilayɛma bɛ nwo ayɛ se bɛadidi azɛlɛ ne azo na bɛagyakyi bɛazie bɛ mra nee bɛ nlɔnra wɔ mekɛ biala.’

Edwɛndolɛ Buluku ne 119:27

Maa mende wɔ mɛla ne mɔ abo, na mebadwenledwenle wɔ nwanwane gyima ne mɔ anwo.

Edwɛndolɛ Buluku ne 119:4

Wɔva wɔ mɛla ne mɔ wɔmaa yɛ kɛ yɛli zolɛ kpalɛ.

Edwɛndolɛ Buluku ne 119:44

Mebali wɔ mɛla ne azo dahuu, wɔ melɛ mɔɔ ɛnlɛ awieleɛ,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:13

“Edwɛkɛ biala mɔɔ meha mehile bɛ la, bɛdie ye boɛ. Bɛmmabɔ nyamenle gyɛne biala duma, yɛɛ bɛmmamaa bie duma finde bɛ nloa.

Mrɛlɛbulɛ Buluku ne 13:22

Sonlakpalɛ gyakyi ye nlɔnra agyadeɛ, na ɛtanenli anwonyia wɔ ɛkɛ ne maa tenlenema.

Mrɛlɛbulɛ Buluku ne 3:1

Me ra nrenya, mmamaa ɛ rɛle fi me ngilehilelɛ ne; fa me mɛla ne mɔ sie wɔ ahonle nu,

Ayezaya Buluku ne 34:16

Bɛnleɛnlea Ɛdɛnkɛma buluku ne anu na bɛkpondɛ ye kpalɛ. Ɛhye mɔ anu ko ɛnrɛminli; biala bahɔ ye nyinli nee belɛ. Ɔluakɛ Ɛdɛnkɛma ɛha ɛdo gua na ye Sunsum ne ɛboɔboa bɛ nloa ɛwie.

Ɛzoanvolɛma Gyima ne 10:33

Ɛhye ati a menzoanle kɛ bɛrava wɔ a, yɛɛ ɛdawɔ noko wɔandwenlehwenle ɛ bo aze na wɔra a. Yemɔti yɛ muala yɛyia wɔ Nyamenle anyunlu ɛke kɛ yɛtie mɔɔ Awulae ɛva ɛmaa wɔ kɛ ɛraha ɛhile yɛ la.”

Ɛzoanvolɛma Gyima ne 17:11

Dwuuma mɔɔ wɔ ɛkɛ ne la adwenle nu ɛbuke ɛdɛla bɛdabɛ mɔɔ bɛwɔ Tɛsalonaeka la. Zɔhane ati bɛliele Edwɛkpa ne na dahuu bɛnleɛnleanle Nyamenle Edwɛkɛ ne anu kpalɛ kɛ saa mɔɔ Pɔɔlo ɛlɛka la le nɔhalɛ a.

Mɛla 27:1

Akee Mosisi nee Yizilayɛ mgbanyima ne mɔ zele kɛ, “Bɛli mɛla ne mɔɔ meva memaa bɛ ɛnɛ la amuala azo.

Mɛla 29:10

“Ɛnɛ bɛ muala bɛgyi Ɛdɛnkɛma bɛ Nyamenle ne anyunlu ɛke, bɛ mbusua ekpunli ekpunli ne mɔ mgbanyinli, maanle mgbanyima, bɛ mbɔlɔba mgbanyinli, Yizilayɛma kɔsɔɔti,

Mɛla 29:15

Me nee bɛdabɛ mɔɔ bɛnle ɛke kɛkala la nee bɛdabɛ mɔɔ bɛwɔ ɛke, bɛgyi Ɛdɛnkɛma yɛ Nyamenle ne anyunlu ɛke la yɛɛ ɛlɛyɛ ngyekyeleɛ ne a.

Mɛla 4:1

Na Mosisi zele menli ne kɛ, “Yizilayɛma, kɛkala, akee bɛdie mɛla nee ngyehyɛlɛ mɔɔ melɛkilehile bɛ la na bɛli zolɛ, amaa bɛanyi bɛahyɛ na bɛahɔva azɛlɛ ne mɔɔ Ɛdɛnkɛma, bɛ ze mɔ Nyamenle ne ɛlɛfa amaa bɛ la.

Mɛla 4:26

meka anwuma nee aze ɛnɛ kenle ye kɛ, ɔnrɛhyɛ biala na bɛ bo zo abɔ bɔkɔɔ wɔ azɛlɛ ne mɔɔ bɛlɛpɛ Azule Dwɔdan ne bɛahɔva bɛayɛ bɛ ɛdeɛ la azo, bɛnrɛhyɛ zolɛ fee.

Mɛla 4:6

Bɛva bɛzie na bɛli zolɛ, ɔluakɛ yemɔ yɛɛ ɔbahile bɛ nrɛlɛbɛ nee ndelebɛbo mɔɔ bɛlɛ ye wɔ menli ne anyunlu a. Ɔboalekɛ saa bɛte mɛla ɛhye mɔ amuala a, bɛbaha kɛ, ‘Amgba, maanle kpole ɛhye anu amra ze nrɛlɛbɛ, bɛlɛ ndelebɛbo.’

Mɛla 5:32

“Zɔhane ati bɛnlea boɛ na bɛyɛ kɛmɔ Ɛdɛnkɛma bɛ Nyamenle ne ɛze bɛ la, bɛmmakɔ fema zo anzɛɛ bɛne zo.

Mɛla 5:33

Bɛlua adenle mɔɔ Ɛdɛnkɛma bɛ Nyamenle ne ɛze bɛ la azo, amaa bɛanyia ngoane, na yeayɛ boɛ yeamaa bɛ, na bɛanyi bɛahyɛ wɔ azɛlɛ ne mɔɔ bɛbahɔva bɛayɛ bɛ ɛdeɛ la azo.

Dwɔhyua Buluku ne 24:20

yemɔti saa bɛgyakyi ye na bɛkɔsonle nyamenle gyɛne biala anzɛɛ awozonle a, ɔbahakyi ɔ nzi yeazi bɛ na yeadea bɛ. Ɔnvane ɔ nwo kɛ yeyɛ kpalɛ yemaa bɛ ɛlɛ, ɔbazɛkye bɛ.”