1 Edk 28:5 - BAEBOLO ANZƐƐ BULUKU NWUANZANWUANZA

⁵ Ɔmanle me mralɛ mrenya dɔɔnwo, na ɔnleanle nu ɔyele Sɔlɔmɔn kɛ yemɔ a ɔzie Yizilayɛ, Ɛdɛnkɛma ɔdaye ye belemgbunli maanle ne a.

1 Edk 28:5 ပူးပေါင်းရင်းမြစ်များ

1 Arl 1:13

Ka ɛ nwo kɔnwu Belemgbunli Devidi kɛ, ‘Nana, mekakye kɛ ɛbɔle me ɛwɔkɛ kɛ me ra Sɔlɔmɔn a kenle bie bali wɔ agya, azie maanle ye a. Na duzu ati a akee bɛva Adonaegya bɛzie belemgbunli a?’

1 Arl 1:20

Na kɛkala, Nana, wɔmɔ yɛɛ Yizilayɛma kɔsɔɔti ɛlɛnea wɔ a. Bɛtie kɛ ɛkɛze kɛ asomasi yɛɛ di me agya adɛnla belemgbunli ebia ne azo a.

1 Arl 1:30

suzuamgba ala mɔɔ meneanle Ɛdɛnkɛma, Yizilayɛ Nyamenle ne membɔle wɔ ɛwɔkɛ kɛ, ‘ɛ ra Sɔlɔmɔn a bali me agya adɛnla ebia ne azo’ la, zɔhane ala yɛɛ meyɛ ye ɛnɛ demua ye a.”

1 Arl 1:35

Bɛyɛ ɛhye mɔ na akee bɛli ɔ nzi bɛva ye bɛradɛnla me ebia ne azo, ɔluakɛ yemɔ a ɔdi me gyakɛ anu yeali Yizilayɛma belemgbunli a. Meva ye mezie Yizilayɛma nee Dwudama belemgbunli.”

1 Arl 2:15

Adonaegya hanle kɛ, “Ɛdawɔ ɛze kɛ ɛnee belemgbunlililɛ ne le me ɛdeɛ, mɔɔ Yizilayɛma amuala ze sie a. Noko kɛkala, ninyɛne ɛhakyi ɛmaa ebia ne ɛhɔli me diema Sɔlɔmɔn ɛkɛ. Ɛhye kile kɛ Ɛdɛnkɛma yɛɛ ɛva ɛmaa ye a.

1 Arl 8:20

“Ɛdɛnkɛma ɛli ye ɛwɔkɛ ne mɔɔ ɔbɔle la azo. Ɔluakɛ meli Egya Devidi agya, meli ye ebia ne, melɛsie Yizilayɛ maanle ne, yɛɛ mezi Ɛzonlenlɛ Sua memaa Yizilayɛ Ɛdɛnkɛma Nyamenle ne.

1 Edk 17:14

Mebava ɛ ra zɔhane meayɛ me menli ne amuala kpanyinli na yeanlea me belemgbunli maanle ne azo dahuu. Ye belemgbunlililɛ ɛnrɛbɔ aze ɛlɛ!’ ”

1 Edk 23:1

Devidi akee yɛle ɛrelera nwosonwoso, na ɔvale ɔ ra Sɔlɔmɔn ɔziele Yizilayɛ belemgbunli.

1 Edk 29:1

Belemgbunli Devidi akee zele ɛlɔne mɔɔ rayiale la kɛ, “Me ra Sɔlɔmɔn yɛɛ Nyamenle ɛnlea nu ɛye ye a, noko ɔtɛde kakula, ɔ ti ɛtɛtinle. Gyima ne mɔɔ gyi ɔ nyunlu la le kpole. Ɔluakɛ suakunlu ne mɔɔ bɛbazi la ɛnle sonla ɛdeɛ. Ɔle Ɛdɛnkɛma Nyamenle ne suakunlu.

1 Edk 29:23

Yemɔti Sɔlɔmɔn lile ɔ ze Devidi agya wɔ belemgbunli ebia ne mɔɔ Ɛdɛnkɛma ɔdaye yehyehyɛ la azo. Ɔyɛle belemgbunli kpole, na Yizilayɛma kɔsɔɔti yɛle tieyɛ manle ye.

1 Edk 29:28

Ɔyɛle nwosonwoso na yeawu, ɔnyianle ɔ nwo yɛɛ bɛlile ye eni. Ɔ ra Sɔlɔmɔn a lile ye agya a.

2 Edk 9:8

Ayɛlɛyelɛ ɛha Ɛdɛnkɛma wɔ Nyamenle ne kɛ yehulo wɔ na yemaa bɛva wɔ bɛzie Yizilayɛ belemgbunli ebia ne azo la. Kɛmɔ Ɛdɛnkɛma kulo Yizilayɛma na ɔkulo kɛ bɛtɛnla ɛkɛ dahuu la ati yɛɛ yemaa bɛva wɔ bɛzie belemgbunli a, amaa wɔava pɛlepɛlelilɛ wɔazie bɛ.”

Mɛla 17:15

bɛkola bɛsie ahenle mɔɔ Ɛdɛnkɛma bɛ Nyamenle ne kɛye ye kɛmaa bɛ la belemgbunli bɛmaa ɔsie bɛ. Bɛdabɛ bɛ nuhua ko yɛɛ bɛva ye bɛzie bɛ belemgbunli a; bɛmmafa ɛyɛvolɛ biala mɔɔ ɔnle bɛ diema la bɛsie belemgbunli.