1 Edk 28:2 - BAEBOLO ANZƐƐ BULUKU NWUANZANWUANZA

² Devidi dwazole gyinlanle bɛ nyunlu ɛkɛ na ɔzele bɛ kɛ, “Me mediema nee me ɛlɔnema, bɛdie me. Menyɛle me adwenle kɛ mesi sua meamaa bɛava Ngyekyeleɛ Ɛlɛka ne, mɔɔ le Ɛdɛnkɛma yɛ Nyamenle ne agyakɛ abo ebia la bɛazie nuhua mɔɔ bɛndu ɔ bo bieko ɛlɛ a. Meboɔboa me nwo kɛ mesi Ɛzonlenlɛ Sua ne.

1 Edk 28:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 48:2

Na bɛhanle bɛhilele Gyekɔbo kɛ, “Ɛ ra Dwosefi ɛra bakpɔla wɔ.” Yemɔti ɔmianle ɔ nye ɔdwazole ɔdɛnlanle ye ɛkpa ne azo.

1 Arl 1:47

Eza yeanga ye zɔ, belemgbunli mbɔlɔba ne mɔ amuala ɛrayɛ Belemgbunli Devidi mo na bɛze ye kɛ, ‘Wɔ Nyamenle ne ɛmaa Sɔlɔmɔn duma ɛyɛ kpole ɛdɛla wɔ duma ne na ɔmaa ye belemgbunlililɛ ne ɛhɔ zolɛ ɛdɛla wɔ ɛdeɛ ne.’ Bɛhanle edwɛkɛ ɛhye la belemgbunli bɔle ɔ ti aze wɔ mekɛ mɔɔ ɔla ye ɛkpa ne azo la

1 Arl 5:3

“Ɛdawɔ ɛze kɛ egya Devidi angola anzi sua ammaa Ɛdɛnkɛma yɛ Nyamenle ne, ɔboalekɛ ye kpɔvolɛma mɔɔ ɛnee ɛbɔ ɛyia ye la vale konle gyegyele ye dɔɔnwo na nzinlii, ɔdaye Ɛdɛnkɛma ɔhonle ɔmanle ye na ɔlile bɛ muala bɛ nwo zo konim.

1 Edk 17:4

“Kɔha kile me sonvolɛ Devidi kɛ, ‘Kɛ mese la ɛne: Tɛ wɔmɔ yɛɛ ɛsi Ɛzonlenlɛ Sua wɔamaa meadɛnla nuhua a.

1 Edk 22:14

Mɔɔ fane Ɛzonlenlɛ Sua ne ɛzilɛ nwo, mebɔ mɔdenle mezie ezukoa nvutuke ala mɔɔ ɛsuzu a ɔto tone nu tɔno apenle nsa, ɛya nna, yɛɛ dwɛtɛ fufule tɔno apenle ngoko abulasa nee nna. Ɛye ɛhye ɛsie ahane a, kɔbele nee mbulalɛ dɔɔnwo wɔ ɛkɛ mɔɔ ɛmbangyia bieko anwo a. Melɛ mbaka nee awolɛ, noko ɔwɔ kɛ ɛkpondɛ bie dɔɔnwo ɛboka nwolɛ.

1 Edk 22:6

Akee Devidi manle bɛvɛlɛle ɔ ra Sɔlɔmɔn bɛmanle ye na ɔzele ye kɛ anrɛɛ ɔzi ɛzonlenlɛ sua ɔmaa Ɛdɛnkɛma, Yizilayɛ Nyamenle ne.

1 Edk 22:7

Ɔzele Sɔlɔmɔn kɛ, “Me ra, ɛnee mekulo kɛ mesi ɛzonlenlɛ sua mefa medi Ɛdɛnkɛma me Nyamenle ne eni.

1 Edk 6:31

Menli mɔɔ Belemgbunli Devidi vale Ɛdɛnkɛma Sua nu ɛzonlenlɛ edwɛndolɛ nwo ngyehyɛlɛ ne wulale bɛ sa nu wɔ mekɛ mɔɔ bɛvale Ngyekyeleɛ Ɛlɛka ne bɛziele aze la ɛne:

2 Edk 6:7

Sɔlɔmɔn hɔle zo hanle kɛ, “Me ze Devidi a hyehyɛle kɛ ɔsi Ɛzonlenlɛ Sua yeamaa bɛazonle Yizilayɛ Ɛdɛnkɛma Nyamenle ne wɔ nu a.

Edwɛndolɛ Buluku ne 110:1

Ɛdɛnkɛma zele me Awulae kɛ, “Tɛnla me sa fema zo, kɔkpula kɛ menwɔva wɔ kpɔvolɛma amuala menwɔwula ɛ gyakɛ abo.” 1 Kɔl 15.25; Ɛfɛ 1.20-22; Kɔlɔ 3.1

Edwɛndolɛ Buluku ne 132:14

Ɔse, “Ɛke le me ɛnwomenlelielɛ ɛleka dahuu; ɛke a mebadɛnla a, ɔluakɛ mehulo ɛke.

Edwɛndolɛ Buluku ne 132:2

ye ɛwɔkɛ mɔɔ ɔbɔle wɔmɔ Ɛdɛnkɛma nee amonle mɔɔ ɔlile ɔhilele Gyekɔbo Tumivolɛ Nyamenle ne

Edwɛndolɛ Buluku ne 22:22

Mebabɔ wɔ duma meahile me mediema; mebaye wɔ ayɛlɛ wɔ wɔ menli ne ayia kpole ne anu.

Edwɛndolɛ Buluku ne 99:5

Bɛhanvo Ɛdɛnkɛma yɛ Nyamenle ne; bɛzonle ye wɔ ɔ gyakɛ abo! Ɔle nwuanzanwuanza.

Ayezaya Buluku ne 60:13

“Lɛbanɔn anyunlunyia ne bara wɔ ɛkɛ ne, Sepelɛse nee paanye mbaka nee mbaka ɛsesebɛ, Yɛɛ bɛbava bɛaziezie me Ɛzonlenlɛ Sua ne anu a; Mebamaa ɛleka mɔɔ metɛnla la ayɛ kɛnlɛma.

Ayezaya Buluku ne 66:1

Ɛdɛnkɛma se, “Anwuma le me belemgbunli ebia, yɛɛ azɛlɛ ye le me gyakɛ abo ebia. Duzu sua a bɛkɛzi bɛkɛmaa me a, yɛɛ nienwu a medie me ɛnwomenle a?

Gyɛlɛmaya Awolɛyelɛ 2:1

Nea kɛ Awulae ɛzi ɛva ɛya, ɛmaa awozinli ɛva Zayɔn a. Yevuandi Yizilayɛ anyunlunyia ne yedo aze. Mekɛ mɔɔ ɔvale ɛya la yeanvavi ye Ɛzonlenlɛ Sua ne bɔbɔ.

Yizikeɛle Buluku ne 43:7

Ɔse, “Sonla ra, me belemgbunli ebia ne nee ɛleka mɔɔ mefa me gyakɛ mesiezie la ɛne. Mebadɛnla Yizilayɛma avinli dahuu. Yizilayɛma ɛnrɛzɛkye me duma nwuanzanwuanza ne bieko. Bɛdabɛ Yizilayɛma o, anzɛɛ bɛ arelemgbunli o, bɛ biala ɛnrɛva bɛ tuutuulilɛ nee bɛ arelemgbunli avunli ɛnrɛgua me duma nwuanzanwuanza ne anwo evinli.

Edwɛkpa ne kɛmɔ Mateyu hɛlɛle la 25:16

Sonvolɛ ne mɔɔ bɛmanle ye nzunza apenle nnu ne la vale ye ɛdeɛ ne hɔlile gua na ɔnyianle nzunza apenle nnu nvasoɛ wɔ nwolɛ.

Ɛzoanvolɛma Gyima ne 7:49

‘Awulae se, Anwuma le me belemgbunli ebia, yɛɛ azɛlɛ ye le me gyakɛ abo ebia. Duzu sua a bɛsi bɛamaa me a? Nienwu ɛleka a metɛnla mealie me ɛnwomenle a?

Mɛla 17:15

bɛkola bɛsie ahenle mɔɔ Ɛdɛnkɛma bɛ Nyamenle ne kɛye ye kɛmaa bɛ la belemgbunli bɛmaa ɔsie bɛ. Bɛdabɛ bɛ nuhua ko yɛɛ bɛva ye bɛzie bɛ belemgbunli a; bɛmmafa ɛyɛvolɛ biala mɔɔ ɔnle bɛ diema la bɛsie belemgbunli.

Mɛla 17:20

Ɛhye bazi ye adenle amaa yeammemaa ɔ nwo zo yeangile ɔ mediema ne mɔ. Eza ɔnrɛmaa ɔnrɛvi mɛla ne nee ngyehyɛlɛ ne mɔ anwo ɔnrɛhɔ fema zo anzɛɛ bɛne zo, na ɔdaye nee ɔ mra bɛali belemgbunli wɔ Yizilayɛ bɛahyɛ.