1 Edk 28:18 - BAEBOLO ANZƐƐ BULUKU NWUANZANWUANZA

¹⁸ nee ezukoa nvutuke tagyee dodo mɔɔ bɛva bɛyɛ azukponle ne mɔɔ bɛbayela ɛyɛlɛ zo nee ehwili ne mɔɔ bazoa abɔdeɛ ne mɔ mɔɔ lɛ ndɛbalɛ na bɛdɛlɛdɛlɛ bɛ ndɛba ne mɔ anu bɛheda Ɛdɛnkɛma Ngyekyeleɛ Ɛlɛka ne azo la.

1 Edk 28:18 ပူးပေါင်းရင်းမြစ်များ

1 Arl 7:48

Sɔlɔmɔn eza manle bɛyɛle ezukoa nvutuke ninyɛne bɛvale bɛzieziele Ɛzonlenlɛ Sua ne anu. Bɛmɛ a le: azukponle ne, ɛkponle ne mɔɔ bɛfa kpanwo ne mɔɔ bɛva bɛbɔ azu bɛmaa Nyamenle la bɛgua zo la,

1 Edk 28:17

Eza ɔhilele ezukoa nvutuke tagyee dodo mɔɔ bɛva bɛyɛ faka ne mɔ, ahyɛnze nee kanrɛlɛ ne mɔ la, dwɛtɛ fufule nee ezukoa nvutuke dodo mɔɔ bɛva bɛyɛ kula ne mɔ la,

Edwɛndolɛ Buluku ne 18:10

Ɔdɛnlanle tease abɔdeɛ zo ɔdule; na ndɛndɛ ne ala ɔragyinlanle anwoma ne azo.

Edwɛndolɛ Buluku ne 68:17

Ɔvale konle ehwili dɔɔnwo, apenle bulu mɔnwo, apenle apenle kɛyɛ nyɛ, Awulae vi Saenae rale ɛleka nwuanzanwuanza ne.

Edwɛndolɛ Buluku ne 80:1

O Yizilayɛma anwo zo neavolɛ, tie yɛ, wɔmɔ, ɛhanle Dwosefi abo zo amra kɛ mboane na ɛlile bɛ nyunlu. Wɔmɔ mɔɔ wɔ belemgbunli ebia gyi tease abɔdeɛma azo a, ta bɛla,

Edwɛndolɛ Buluku ne 99:1

Ɛdɛnkɛma le belemgbunli; bɛmaa menli ne anwo ɛwozo bɛ. Ɔde belemgbunli ebia nu wɔ tease abɔdeɛ ne mɔ azo anwuma; bɛmaa azɛlɛ ɛkpusu!

Kɛlata mɔɔ bɛhɛlɛle bɛhɔmanle Hibuluma la 9:5

Akee anyunlunyia abɔdeɛ mɔɔ lɛ ndɛbalɛ la zinze Ɛlɛka ne azo anwuma na bɛdɛlɛdɛlɛ bɛ ndɛba anu wɔ anwunvɔnezelɛ ebia ne azo, bɛlɛkile kɛ Nyamenle wɔ ɛkɛ. Na kɛkala, mekɛ ɛtɛdwule mɔɔ yɛkilehile debie biala mɔɔ wɔ ɛkɛ ne la anu ngoko ngoko a.

1 Sam 4:4

Yemɔti bɛzoanle menli bɛmanle bɛhɔle Hyaelo bɛhɔvale Ngyekyeleɛ Ɛlɛka ne mɔɔ Tumivolɛ Ɛdɛnkɛma de ye ebia nu wɔ tease abɔdeɛ ne mɔ avinli anwuma la rale. Yilae amra mrenya nwiɔ ne, Hɔfenae nee Fenɛhaze boka nwolɛ a bɛrale a.