1 Edk 28:11 - BAEBOLO ANZƐƐ BULUKU NWUANZANWUANZA

¹¹ Devidi vale Ɛzonlenlɛ Sua ne anwo ngɛlata mɔɔ bɛhyehyɛ, mɔɔ kile kɛ bɛsi bɛazi sua ne la wɔ zolɛ la manle Sɔlɔmɔn. Wɔ ngɛlata ne mɔ azo, bɛhile Ɛzonlenlɛ Sua mumua ne, nwolɛ azua, ɛleka mɔɔ bɛsie ninyɛne, anwuma ekpumgbunli ne mɔ, suakunlu ne mɔ, yɛɛ Nwuanzanwuanza Nu Nwuanzaanwu Ɛleka ne mɔɔ ɛkɛ ne a bɛbava sonla mɔɔ kɛyɛ ɛtane la ɛtane bɛahyɛ ye la.

1 Edk 28:11 ပူးပေါင်းရင်းမြစ်များ

1 Arl 6:10

Sua nzɛzo nsa ne mɔɔ bɛdole ye wɔ Ɛzonlenlɛ Sua ne anwo la, ko biala anwumahɔlɛ le mita nwiɔ nee ekyi, yɛɛ bɛvale sida mgbunla a bɛzɔle ye nee Ɛzonlenlɛ Sua ne a.

1 Arl 6:3

Sua ne anyunlu abenlana ne tɛtɛlɛ le mita nna nee foa ko yɛɛ ye tendenle le mita ngɔnla, kɛ ɛleka nwuanzanwuanza ne ɛdeɛ ne la.

1 Edk 28:12

Eza ɔvale debie biala mɔɔ wɔ ye adwenle nu kɛ ɔbayɛ la anwo ngɛlata ɔmanle Sɔlɔmɔn. Ngɛlata ne mɔ kile kɛ bɛbazi bɛazi ɛleka mɔɔ bɛbali edwɛkɛ baguasee, nee ekpumgbunli ne mɔ mɔɔ ɛbɔ ye ɛyia, ye ekpumgbunli mɔɔ bɛbava ahyɛlɛ ninyɛne mɔɔ bɛdu bɛzie ahane bɛmaa Ɛdɛnkɛma nee ahyɛnze mɔɔ bɛfa bɛyɛ ɛzonlenlɛ gyima wɔ Ɛzonlenlɛ Sua ne anu la bɛazie nu la.

1 Edk 28:19

Belemgbunli Devidi zele kɛ, “Bɛhɛlɛ ɛhye mɔ amuala wɔ ngɛlata zo, kɛmɔ Ɛdɛnkɛma mumua ne zele me kɛ menyɛ la.”

2 Edk 5:7

Akee sɛlɛvolɛma ne vale Ɛdɛnkɛma Ngyekyeleɛ Ɛlɛka ne raziele ɛleka mɔɔ bɛziezie bɛmaa ye wɔ Ɛzonlenlɛ Sua ne anu, wɔ Nwuanzanwuanza Nu Nwuanzaanwu Ɛleka ne, wɔ abɔdeɛ nwiɔ ne mɔɔ lɛ ndɛbalɛ la abo.

Nihɛmaya Buluku ne 13:5

Ɔlua zolɛ ɔmanle Tobaya adenle ɔmanle ɔdɛnlanle ekpumgbunli kpole ko anu. Zɔhane ekpumgbunli ne bɛfa aleɛ mɔɔ bɛfa bɛbɔ azu, ɛyɛlɛ, Ɛzonlenlɛ Sua ne anu ninyɛne, abɛlɛ ngyɛnu bulu ɛkpɔ ko ne, nwanye yɛɛ ɔlivi nwole mɔɔ bɛfa bɛmaa sɛlɛvolɛma la a bɛgua nu a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 25:40

Nea maa bɛyɛ bɛ kɛmɔ melɛfa meahile wɔ wɔ boka ye azo la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 25:9

Yɛɛ siezie nuhua, kɛmɔ menwɔzi menwɔhile wɔ la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 26:30

Si Ndanlɛ Sua ne kɛ mɔɔ bɛhile wɔ wɔ boka ne azo la.

Gyɛlɛmaya Buluku ne 35:2

“Gyɛlɛmaya, kɔ Rilikabema ɛkɛ ne, ɛ nee bɛ ɛhɔdendɛ, na fa bɛ bɛla Ɛdɛnkɛma Ɛzonlenlɛ Sua ne ekpumgbunli ne mɔ ko anu, na maa bɛ nwanye bɛnlo.”

Yizikeɛle Buluku ne 40:15

Ɔvi anlenkɛ kpole ne findezo bane ne anwo mɔɔ kɔdwu azua nsa ne ati lɔ la le mita abulanwiɔ nee nnu.

Edwɛkpa ne kɛmɔ Luku hɛlɛle la 21:1

Gyisɛse dole ɔ nye na ɔnwunle kɛ sukoavolɛma lɛ bɛ ahyɛlɛ ninyɛne ɛlɛgua Ɛzonlenlɛ Sua ne gya ɛlɛka ne anu.

Kɛlata mɔɔ bɛhɛlɛle bɛhɔmanle Hibuluma la 8:5

Na mɔɔ bɛyɛ la le gyima mɔɔ bɛyɛ ye wɔ anwuma lɔ la sɔhovolɛ. Ɔluakɛ mɔɔ Mosisi bazi ndanlɛ sua ne la, Nyamenle zele ye kɛ, “Bɔ mɔdenle kɛ ɛkɛyɛ debie biala ɛkɛmaa ɔkɛzɔho mɔɔ bɛvale bɛhilele wɔ wɔ boka ne azo lɔ la.”