1 Edk 28:1 - BAEBOLO ANZƐƐ BULUKU NWUANZANWUANZA

¹ Belemgbunli Devidi akee yɛle kɛ Yizilayɛ mgbanyima kɔsɔɔti ɛrayia Gyɛlusalɛm. Yemɔti mbusua ekpunli ekpunli ne mɔ mgbanyinli, mgbanyima mɔɔ maanle ne anu gyima nwo amaamuo wɔ bɛ sa nu, mbusua mgbanyinli, bɛdabɛ mɔɔ bɛnea belemgbunli nee ɔ mra ne mɔ nyɛmoa nee gya zo, suakunlu ɛkɛ ne mgbanyima kɔsɔɔti, safohyenle mgbanyinli mɔɔ nea ɛlɔnema apenle nee ɛlɔnema ɛya nwo zo, yɛɛ maanle ne anu adile adile rayiale Gyɛlusalɛm.

1 Edk 28:1 ပူးပေါင်းရင်းမြစ်များ

1 Edk 22:17

Devidi eza zele Yizilayɛ mgbanyima kɔsɔɔti kɛ bɛboa ɔ ra Sɔlɔmɔn.

1 Edk 23:2

Belemgbunli Devidi manle Yizilayɛma mbusua mgbanyinli nee sɛlɛvolɛma nee Livaema ne mɔ amuala rayiale.

1 Edk 29:1

Belemgbunli Devidi akee zele ɛlɔne mɔɔ rayiale la kɛ, “Me ra Sɔlɔmɔn yɛɛ Nyamenle ɛnlea nu ɛye ye a, noko ɔtɛde kakula, ɔ ti ɛtɛtinle. Gyima ne mɔɔ gyi ɔ nyunlu la le kpole. Ɔluakɛ suakunlu ne mɔɔ bɛbazi la ɛnle sonla ɛdeɛ. Ɔle Ɛdɛnkɛma Nyamenle ne suakunlu.

1 Edk 29:6

Na mbusua mgbanyinli ne mɔ, awuke nu mgbanyinli, safohyenlema, nee bɛdabɛ mɔɔ bɛbu belemgbunli sua nu amaamuo ne la vale anyelielɛ

2 Edk 1:2

Belemgbunli Sɔlɔmɔn dendɛle hilele Yizilayɛma amuala: safohyenlema mɔɔ nea ɛlɔnema apenle apenle nee ɛya ɛya nwo zo, ndɛnebuavolɛma, Yizilayɛ maanle mgbanyima ne mɔ, yɛɛ mbusua mgbanyinli.

Dwɔhyua Buluku ne 23:2

yemɔti ɔvɛlɛle Yizilayɛma amuala, bɛ mgbanyima, bɛ mbusua mgbanyinli, ndɛnebuavolɛma, nee bɛ mbɔlɔba ne mɔ amuala na ɔzele bɛ kɛ, “Kɛkala, akee meyɛ kpanyinli.

Dwɔhyua Buluku ne 24:1

Dwɔhyua manle Yizilayɛ mbusua ekpunli ekpunli ne mɔ amuala yiale Hyikɛm. Ɔvɛlɛle mgbanyima ne mɔ, mbusua mgbanyinli nee, ndɛnebuavolɛma ne mɔ, yɛɛ Yizilayɛ mbɔlɔba kɔsɔɔti ɔmanle bɛrayiale Nyamenle duma nu wɔ Hyikɛm.