1 Edk 27:24 - BAEBOLO ANZƐƐ BULUKU NWUANZANWUANZA

²⁴ Dwowabe mɔɔ ɔ nli a le Zɛluaya la bɔle ɔ bo kɛ ɔtia menli ne, noko yeandwu ɛleka bie. Nyamenle deanle Yizilayɛma wɔ menli ɛdianlɛ ɛhye anwo, yemɔti menli dodo mɔɔ bɛnyianle ye la bɛangɛlɛ ye wɔ Belemgbunli Devidi mbuluku ne mɔ anu.

1 Edk 27:24 ပူးပေါင်းရင်းမြစ်များ

1 Edk 27:25

Bɛdabɛ mɔɔ bɛbule belemgbunli ninyɛne nwo amaamuo la ɛne: Belemgbunli ninyɛnezielɛ ekpumgbunli ne mɔ: Adeɛle ara Azemeevɛte Sua ne aze ninyɛnezielɛ ekpumgbunli ne mɔ: Ɛzaya ara Dwɔnatan Egyinli nu gyimayɛlɛ: Kilɛbe ara Ɛzelae Vanye egyinli ne mɔ: Hyemɛyae, ɔvi Releema Ɛleka mɔɔ bɛsie nwanye la: Zabedae, ɔvi Hyifam Ɔlivi nee sekamɔ mbaka (mɔɔ wɔ adɔleɛ awoka ngyikyi ne mɔ azo la): Beeyale Heenan, ɔvi Gidɛ Ɔlivi nwole ɛzielɛ: Dwowahye Nlankɛ mɔɔ wɔ Hyɛlɔn fienemgbole nu la: Hyɛtae, ɔvi Hyɛlɔn Nlankɛ mɔɔ wɔ mbɔnza ne mɔ anu la: Adeleeyae ara Hyeefate Afunlumu: Obele, ɔle Yehyemeeyɛlenli Asoaso: Gyɛdaya: Ɔvi Mɛlɔno Mboane nee mbɔnkye: Gyeezeze, ɔle Heeganli