1 Edk 27:1 - BAEBOLO ANZƐƐ BULUKU NWUANZANWUANZA

¹ Yizilayɛ mbusua safohyenlema mɔɔ nea ɛlɔnema apenle nee ɛlɔnema ɛya nwo zo, nee mbɔlɔba mgbanyinli mɔɔ nleanle maanle ne bule la ɛne. Ɛvolɛ biala anu, siane ko biala ekpunli ko mɔɔ bɛ nloa le menli apenle ngoko abulanwiɔ nee nna la yɛɛ nee bɛ safohyenle kpanyinli ne bayɛ gyima a.

1 Edk 27:1 ပူးပေါင်းရင်းမြစ်များ

2 Sam 23:8

Katakyiema mɔɔ ɛnee Devidi lɛ bɛ la aluma ɛne: mɔɔ lumua la a le Dwohyɛbe Bahyibɛte mɔɔ vi Takemɔn, mɔɔ li “Nsa Ne” ati la. Ɔvale atwɛ ɔ nee menli ɛya mɔtwɛ honle na ɔhunle bɛ muala.

1 Arl 4:27

Ye amɛnladoma bulu nee nwiɔ ne mɔɔ nea maanzinli ne mɔ azo la, saa ko biala siane ɛdeɛ ne dwu a ɔbɛlɛ Sɔlɔmɔn nee ye sua nu amra aleɛ biala mɔɔ ɔwɔ kɛ bɛdi wɔ belemgbunli sua nu ɛkɛ ne la. Ɛhye ati bɛangyia ɛhwee nwo wɔ belemgbunli awuke nu ɛkɛ ne.

1 Arl 4:7

Sɔlɔmɔn dule mgbanyima bulu nee nwiɔ kɛ bɛle maanzinli zo neavolɛma. Bɛnea bɛmaa maanzinli ko biala anu amra fa aleɛ kɔmaa belemgbunli nee ye sua nu amra toonwo siane ko na yeado maanzinli fofolɛ nu amra.

1 Arl 5:14

Ɔvale menli ne ɔwulale Adonaelam asa anu. Ɔhyɛle bɛ nu ekpunli nsa, ekpunli ko biala le menli apenle bulu yɛɛ ɔhyehyɛle ye mɔɔ saa ekpunli ko kɔdi siane ko wɔ Lɛbanɔn a ɛnee yerali siane nwiɔ wɔ sua nu.

1 Edk 11:10

Devidi safohyenlema mɔɔ di munli na bɛboale ye kpalɛ wɔ ye belemgbunlililɛ nu la, bɛmɛ ɛne. Bɛ nee Yizilayɛma amuala hanle bɔle nuhua ziele ye belemgbunli, kɛmɔ Ɛdɛnkɛma hanle ala la.

1 Edk 13:1

Belemgbunli Devidi nee ye safohyenlema mɔɔ nea ɛlɔnema apenle yɛɛ ɛlɔnema ɛya anwo zo la vale adwenle.

1 Edk 26:32

Belemgbunli Devidi yele bɛ nuhua apenle nwiɔ ɛya nsuu mɔɔ lɛ tile la vile Gyɛlaya anwo amra ne anu kɛ bɛnlea nyamenlezonlenlɛ nee edwɛkɛ ngyikyi ngyikyi mɔɔ wɔ Yizilayɛ maanle ne mɔɔ wɔ Azule Dwɔdan aduduleɛ lɔ la na bɛtoto bɛ boɛ. Maanle ne mɔ a le Wulubɛn, Gaade, yɛɛ Manasɛ Aduduleɛ.

1 Edk 27:2

Safohyenlema mɔɔ nleanle siane siane gyimayɛlɛ ne azo la ɛne: Siane mɔɔ lumua: Zabedeɛle ara Gyahyɔbɛyam (ɔvi Pɛlɛze abusua nu. Pɛlɛze abusua ne le Dwuda abusua ekpunli ne foa ko.) Siane mɔɔ tɔ zo nwiɔ: Dodae, ɔle Ahohae abo zo amra ne bie. (Ɔnle ɛkɛ ne a Mekelo a wɔ ɛkɛ a.) Siane mɔɔ tɔ zo nsa: Sɛlɛvolɛ Gyɛhɔyada ara Bɛnaya, yemɔ a ɔli “Abulasa Ne” ati a. (Ɔ ra Amezabade a lile ye agya nleanle ekpunli ɛhye anwo zo a.) Siane mɔɔ tɔ zo nna: Dwowabe adiema Asahɛle. (Ɔ ra Zɛbadaya a lile ye agya a.) Siane mɔɔ tɔ zo nnu: Hyamehɛte, ɔle Yezehaa abo zo sonla. Siane mɔɔ tɔ zo nsia: Yekɛhye mɔɔ vi Tɛkowa la ara Yila. Siane mɔɔ tɔ zo nsuu: Hilɛze, ɔle Yifelaemenli, ɔvi Pilɔn. Siane mɔɔ tɔ zo mɔtwɛ: Sebɛkae, ɔvi Huhya. (Ɔvi Zila abusua nu, yɛɛ Zila abusua ne le Dwuda abusua ekpunli ne foa ko.) Siane mɔɔ tɔ zo ngɔnla: Ebayizɛ, ɔvi Anato mɔɔ wɔ Bɛngyaman abusua ekpunli ne maanzinli nu la. Siane mɔɔ tɔ zo bulu: Meehalae, ɔvi Nɛtɔfa. (Ɔbɔ Zila abusua ne bie.) Siane mɔɔ tɔ zo bulu nee ko: Bɛnaya, ɔvi Paeleetɔn mɔɔ wɔ Yifelaem abusua ekpunli ne maanzinli nu la. Siane mɔɔ tɔ zo bulu nee nwiɔ: Hɛledae, ɔvi Nɛtɔfa. (Ɔle Ɔteneɛle abo zo sonla.)

1 Edk 28:1

Belemgbunli Devidi akee yɛle kɛ Yizilayɛ mgbanyima kɔsɔɔti ɛrayia Gyɛlusalɛm. Yemɔti mbusua ekpunli ekpunli ne mɔ mgbanyinli, mgbanyima mɔɔ maanle ne anu gyima nwo amaamuo wɔ bɛ sa nu, mbusua mgbanyinli, bɛdabɛ mɔɔ bɛnea belemgbunli nee ɔ mra ne mɔ nyɛmoa nee gya zo, suakunlu ɛkɛ ne mgbanyima kɔsɔɔti, safohyenle mgbanyinli mɔɔ nea ɛlɔnema apenle nee ɛlɔnema ɛya nwo zo, yɛɛ maanle ne anu adile adile rayiale Gyɛlusalɛm.

1 Edk 29:6

Na mbusua mgbanyinli ne mɔ, awuke nu mgbanyinli, safohyenlema, nee bɛdabɛ mɔɔ bɛbu belemgbunli sua nu amaamuo ne la vale anyelielɛ

2 Edk 1:2

Belemgbunli Sɔlɔmɔn dendɛle hilele Yizilayɛma amuala: safohyenlema mɔɔ nea ɛlɔnema apenle apenle nee ɛya ɛya nwo zo, ndɛnebuavolɛma, Yizilayɛ maanle mgbanyima ne mɔ, yɛɛ mbusua mgbanyinli.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 18:25

Ɔyele Yizilayɛma bie mɔ mɔɔ bɔ mɔdenle kpalɛ la na ɔyɛle bɛ mgbanyinli wɔ menli ne anwo zo, bie sie menli apenle, bie menli ɛya, bie menli abulanlu, yɛɛ bie menli bulu.

Maeka Buluku ne 5:2

Na Ɛdɛnkɛma hanle kɛ, “Na wɔmɔ, O Bɛtelɛhɛm Ɛfelata, ɛle sua ekyi kpalɛ wɔ Dwuda maanle ne anu, noko wɔ nuhua yɛɛ awie vi bara, aragyinla me gyakɛ anu, na yeazie Yizilayɛma amuala a. Ye abusua ɛlɔnwɔne ne abo vi tete.”

Mɛla 1:15

Yemɔti menvale bɛ mbusua mgbanyinli mɔɔ ze nrɛlɛbɛ na bɛ ti ɛdi la menziele mgbanyinli mɔɔ nea menli apenle, ɛya, abulanlu, nee bulu la anwo zo, yɛɛ menyɛle bie mɔ noko mbɔlɔba mgbanyinli wɔ bɛ mbusua ekpunli ekpunli ne mɔ kɔsɔɔti anu.

Dwɔhyua Buluku ne 23:1

Mekɛ ne hɔle bie la, Ɛdɛnkɛma bɔle Yizilayɛma anwo bane wɔ bɛ kpɔvolɛma mɔɔ ɛbɔ ɛyia bɛ la asa anu. Mekɛ ne anu ɛnee Dwɔhyua ɛyɛ kpanyinli,

1 Sam 8:12

Ɔbayɛ bie mɔ ɛlɔnema apenle nwo zo safohyenlema, yɛɛ bie mɔ noko bayɛ ɛlɔnema abulanlu nwo zo safohyenlema. Bɛ mra mrenya ne mɔ bayɛ ye ɛyazonlɛma, bie mɔ babu ye ɛya ne mɔ anu bɛyɔba ne, na bie mɔ ayɛ ye konle ehwili ne mɔ anwo ninyɛne nee adu.