1 Edk 26:32 - BAEBOLO ANZƐƐ BULUKU NWUANZANWUANZA

³² Belemgbunli Devidi yele bɛ nuhua apenle nwiɔ ɛya nsuu mɔɔ lɛ tile la vile Gyɛlaya anwo amra ne anu kɛ bɛnlea nyamenlezonlenlɛ nee edwɛkɛ ngyikyi ngyikyi mɔɔ wɔ Yizilayɛ maanle ne mɔɔ wɔ Azule Dwɔdan aduduleɛ lɔ la na bɛtoto bɛ boɛ. Maanle ne mɔ a le Wulubɛn, Gaade, yɛɛ Manasɛ Aduduleɛ.

1 Edk 26:32 ပူးပေါင်းရင်းမြစ်များ

1 Edk 15:12

Ɔzele Livaema ne mɔ kɛ, “Bɛmɛ a bɛle Livae mbusua mgbanyinli a, bɛzie bɛ nwo nwuanzanwuanza na bɛnlea bɛmaa bɛ mediema Livaema mɔɔ ɛha la ɛzie bɛ nwo nwuanzanwuanza na bɛhɔva Ɛdɛnkɛma, Yizilayɛ Nyamenle ne Ngyekyeleɛ Ɛlɛka ne bɛrazie ɛleka mɔɔ meziezie memaa ye la.

1 Edk 23:24

Ɛnee Livae abo zo amra mbusua ekpulike ekpulike ne mɔ ɛne. Bɛhɛlɛ abusua ko biala nee nuhua menli ne aluma wɔ buluku nu bɛzie ɛkɛ. Ɔ bo zo amra ɛhye mɔ ko biala mɔɔ kɛli ɛvolɛ abulanwiɔ mɔɔ kɔ la, ɔwɔ kɛ yɛ Ɛdɛnkɛma Ɛzonlenlɛ Sua ne gyima ne bie.

1 Edk 24:31

Abusua kpanyinli ne nee ɔ mediema ngakula ne mɔ ko a guale nzeleba hyɛle gyima ne a, kɛmɔ bɛ busuanli Aalɔn abo zo amra sɛlɛvolɛma ne yɛle la. Belemgbunli Devidi, Sɛlɛvolɛ Zeedɔko, Ahemɛlɛke, yɛɛ sɛlɛvolɛma mbusua mgbanyinli nee Livae mbusua mgbanyinli ne mɔ a nleanle manle bɛguale nzeleba ne bɛyɛle ngyehyɛlɛ ne a.

1 Edk 27:1

Yizilayɛ mbusua safohyenlema mɔɔ nea ɛlɔnema apenle nee ɛlɔnema ɛya nwo zo, nee mbɔlɔba mgbanyinli mɔɔ nleanle maanle ne bule la ɛne. Ɛvolɛ biala anu, siane ko biala ekpunli ko mɔɔ bɛ nloa le menli apenle ngoko abulanwiɔ nee nna la yɛɛ nee bɛ safohyenle kpanyinli ne bayɛ gyima a.

2 Edk 19:11

Akee Sɛlɛvolɛ Kpanyinli Amalaya a banlea na yeagua Nyamenlezonlenlɛ nu kpolerazulɛ biala abo a, Yehyemeeyɛle ara Zɛbadaya, Dwuda amɛnlado ne yɛɛ banlea agua maanle ye anu edwɛkɛ biala abo a, yɛɛ Livaema ne mɔ banlea amaa edwɛkɛ biala mɔɔ bɛkɛha wɔ edwɛkɛlilɛ ɛleka ne mɔ la ayɛ zɔhane, kɛmɔ bɛhanle la. Bɛzi ahonle bɛyɛ gyima ne na Ɛdɛnkɛma baboa mɔɔ di nɔhalɛ la.”

Dwɔhyua Buluku ne 1:12

Na Dwɔhyua zele Wulubɛn nee Gaade mbusua ekpunli ekpunli ne mɔ nee Manasɛ abusua ekpunli ne anu foa ko ne anu amra kɛ,