1 Edk 26:20 - BAEBOLO ANZƐƐ BULUKU NWUANZANWUANZA

²⁰ Livaema bie mɔ noko lile gyima ngakyile wɔ Ɛzonlenlɛ Sua ne anu. Ahaegya a nea Ɛzonlenlɛ Sua ne gya ne nee ninyɛne mɔɔ bɛdu bɛzie ɛkɛ bɛmaa Nyamenle la azo a.

1 Edk 26:20 ပူးပေါင်းရင်းမြစ်များ

1 Arl 14:26

Ɔsesale Ɛzonlenlɛ Sua ne anu ninyɛne ne mɔ nee ninyɛne mɔɔ wɔ belemgbunli sua nu la amuala ɔhɔle. Ɔvale debie biala, ɔsesale bɛ sa nu enyinlike ne mɔ mɔɔ Sɔlɔmɔn manle bɛvale ezukoa nvutuke bɛyɛle la bɔbɔ ɔhɔle.

1 Arl 15:18

Esa vale dwɛtɛ fufule nee ezukoa nvutuke mɔɔ wɔ Ɛzonlenlɛ Sua ne anu la nee mɔɔ wɔ belemgbunli sua nu ɛkɛ ne la amuala manle ye sonvolɛma ne mɔ kɛ bɛva bɛhɔmaa Bɛneheedade, mɔɔ le Selea belemgbunli ne mɔɔ de Dɛmasekɛse la. Bɛneheedade ɔ ze a le Tabelamɔn yɛɛ ɔ nlenya a le Hizeɔn. Esa manle bɛhɔzele Bɛneheedade kɛ,

1 Arl 7:51

Mɔɔ Belemgbunli Sɔlɔmɔn wiele Ɛzonlenlɛ Sua ne anwo debie biala yɛ la, ɔvale ninyɛne mɔɔ ɔ ze Devidi ɛva ɛgua ɛkɛ ɛmaa Ɛdɛnkɛma la amuala ɔhɔziele ekpumgbunli ne mɔ mɔɔ wɔ Ɛzonlenlɛ Sua ne anu la bie mɔ anu. Ɛhye mɔ le dwɛtɛ fufule, ezukoa nvutuke, nee ninyɛne dɔɔnwo bie.

1 Edk 18:11

Belemgbunli Devidi dule ninyɛne ɛhye mɔ ziele ahane kɛ bɛva bɛboka ezukoa nvutuke nee dwɛtɛ fufule mɔɔ ɔzale maanle maanle mɔɔ ɔlile bɛ nwo zo konim la ɔliele la anwo bɛva bɛzonle Nyamenle. Ɔliele ezukoa nvutuke ne nee dwɛtɛ fufule ne mɔ ɔvile maanle maanle ɛhye mɔ ɛkɛ: Yidɔm, Mowabe, Amɔn, Filisitia, yɛɛ Amalɛke.

1 Edk 26:19

Ɛzinzalɛ gyima ne mɔɔ bɛvale bɛmanle Kɔla nee Mɛlɛlae mbusua ne mɔ la ɛne.

1 Edk 26:21

Leedan le Gɛhyɔn amra mrenya ne mɔ ko, ɔ bo zo amra bɔle ɛdane dɔɔnwo, ɔ ra Gyihayɛle abusua ne boka nwolɛ.

1 Edk 26:22

Leedan amra mrenya nwiɔ ne mɔɔ hale la a nea Ɛzonlenlɛ Sua ne gya nee ekpumgbunli mɔɔ bɛfa ahyɛlɛ ninyɛne bɛsiezie nu la azo a. Bɛmɛ a le Zitam nee Dwowɛle.

1 Edk 26:24

Hyɛbuwɛle mɔɔ vi Mosisi ara Gɛhyɔn abusua nu la a le kpanyinli mɔɔ Ɛzonlenlɛ Sua ne gya wɔ ɔ sa nu a.

2 Edk 8:15

Bɛangakyi debie biala mɔɔ Belemgbunli Devidi hyehyɛle mɔɔ fane sɛlɛvolɛma nee Livaema ne mɔ anwo la, yɛɛ bɛangakyi debie biala mɔɔ fane gya nwo ngyehyɛlɛ ne mɔ anwo la. Bɛyɛle debie biala pɛpɛ.

Ɛzela Buluku ne 2:69

Kɛmɔ bɛ anwosesebɛ ne si to kɔ la, bɛvale ezukoa nvutuke mɔɔ bɛsuzu a ɔto tone nu kilo ɛya nnu, dwɛtɛ fufule kilo apenle nwiɔ, ɛya mɔtwɛ, yɛɛ sɛlɛvolɛ adɛladeɛ ɛya ko a bɛmanle a.

Ɛzela Buluku ne 8:28

Menganle mengilele bɛ kɛ, “Bɛ nwo te wɔ Ɛdɛnkɛma anyunlu, yɛɛ ninyɛne ne mɔ noko anwo te. Dwɛtɛ fufule ne nee ezukoa nvutuke ne le azubɔlɛ ninyɛne mɔɔ bɛfa bɛahɔbɔ azu bɛamaa Ɛdɛnkɛma, bɛ ze mɔ Nyamenle ne a.

Nihɛmaya Buluku ne 12:44

Mekɛ ne anu bɛyele menli mɔɔ nea Ɛzonlenlɛ Sua ne ninyɛnezielɛ azua ne mɔ azo la. Ninyɛne mɔɔ kɔ azua zɔhane mɔ anu la a le debie biala mɔɔ bɛkɛnyia ye, abɛlɛ, nee ma mɔɔ bɛkɛlumua bɛkɛde ye ɛvolɛ biala anu la, yɛɛ ngyɛnu bulu ɛkpɔ ngoko ne mɔɔ bɛkɛva bɛkɛra la. Menli ɛhye mɔ a nea dielie ninyɛne ne fi ɛyazonlɛma ne mɔ mɔɔ zuozua azuamgbole ne mɔ la ɛkɛ a. Bɛfa ninyɛne ɛhye mɔ bɛnea sɛlɛvolɛma nee Livaema, kɛmɔ mɛla ne se la. Na Dwudama kɔsɔɔti anye liele sɛlɛvolɛma nee Livaema anwo.

Malakae Buluku ne 3:10

Ɛkpɔ ne mɔ mɔɔ le me ɛdeɛ la, bɛva bɛ kɔsɔɔti bɛrɛla bɛragua ɛleka mɔɔ mesie me ninyɛne ne la, amaa aleɛ ara me sua nu. Bɛzɔ me bɛnlea wɔ ɛhye anwo na bɛnlea saa menrɛbuke anwuma nlenkɛ menrɛgua nwolɛ menrɛmaa bɛnrɛnyia nyilalɛ dɔɔnwo a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 8:26

noko bɛbahola bɛaboa bɛ mediema Livaema ne wɔ bɛ gyima ne ɛyɛlɛ nu wɔ Ɛdɛnkɛma Ndanlɛ Sua ne anu, ɔnle kɛ bɛmaa bɛ gyima kɛ bɛyɛ. Ɛnee kɛ ɛbazi wɔahyehyɛ Livaema gyima ne la ɛne.”