1 Edk 25:8 - BAEBOLO ANZƐƐ BULUKU NWUANZANWUANZA

⁸ Bɛguale bɛ muala bɛ ti nzeleba na bɛahyɛ gyima ne. Ɔnva nwolɛ kɛ bie le fofolɛ wɔ nu anzɛɛ bie ze gyima ne anye zo, yɛɛ ɔnva nwolɛ kɛ bie le kpanyinli anzɛɛ kakula.

1 Edk 25:8 ပူးပေါင်းရင်းမြစ်များ

1 Edk 15:22

Kɛmɔ ɛnee Kɛnanaya ze edwɛndolɛ nye zo kpalɛ la ati, bɛyele ye bɛmanle ɔlile edwɛndolɛma ne ati.

1 Edk 24:31

Abusua kpanyinli ne nee ɔ mediema ngakula ne mɔ ko a guale nzeleba hyɛle gyima ne a, kɛmɔ bɛ busuanli Aalɔn abo zo amra sɛlɛvolɛma ne yɛle la. Belemgbunli Devidi, Sɛlɛvolɛ Zeedɔko, Ahemɛlɛke, yɛɛ sɛlɛvolɛma mbusua mgbanyinli nee Livae mbusua mgbanyinli ne mɔ a nleanle manle bɛguale nzeleba ne bɛyɛle ngyehyɛlɛ ne a.

1 Edk 24:5

Kɛmɔ ɛnee sunsum nu gyima zo neavolɛ mgbanyinli nee Ɛzonlenlɛ Sua ne neavolɛ mgbanyinli wɔ Ɛlieza nee Yetamaa abo zo amra ne mɔ anu la ati, bɛguale nzeleba na bɛaye ekpunli ko mɔɔ ɔwɔ kɛ yɛ gyima la.

1 Edk 25:2

Esafe amra mrenya nna ne: Zakɛ, Dwosefi, Nɛtanaya, yɛɛ Ahyalila; bɛ kpanyinli a le Esafe. Yemɔ yɛɛ saa belemgbunli maa adenle a ɛnee ɔka Nyamenle edwɛkɛ ne a.

1 Edk 25:9

Menli ɛya nwiɔ abulatwɛ nee mɔtwɛ ɛhye, bɛhyehyɛ nuhua mbusua ekpulike ekpulike nu, ekpunli abulanwiɔ nee nna. Ekpunli ko biala le menli bulu nee nwiɔ, yɛɛ ekpunli ko biala lɛ ye sonla mɔɔ li ɔ ti a. Bɛ gyima ɛyɛlɛ ne ngyehyɛlɛ ne kɛ kɔ ye la ɛne: 1. Dwosefi mɔɔ vi Esafe abusua nu 2. Gɛdalaya 3. Zakɛ 4. Zilae 5. Nɛtanaya 6. Bɛkaya 7. Ahyalila 8. Gyɛhyaya 9. Matanaya 10. Hyemɛyae 11. Ɛzeɛle 12. Hahyabaya 13. Hyɛbuwɛle 14. Matetaya 15. Gyɛlemo 16. Hananaya 17. Dwɔhyebɛkahya 18. Haneenae 19. Malotae 20. Yilayata 21. Hotɛ 22. Gedaletae 23. Maheezeyo 24. Wolomametae Yizɛ

1 Edk 26:13

Abusua ekpulike ko biala anu amra, bɛguale bɛ ti nzeleba, bɛannea kɛ bɛzonle anzɛɛ bɛanzo, na bɛhilele menli mɔɔ ɔwɔ kɛ sinza anlenkɛ kpole ko biala la.

1 Edk 26:16

Hyɛpem nee Hosa a sinza adɔleɛ anlenkɛ kpole ne nee Hyalɛkɛte anlenkɛ kpole ne mɔɔ wɔ sɔlɔ adenle zo la a. Bɛhyehyɛle ɛzinzalɛ gyima ne mɔɔ saa ko kpɔne a ɛnee ko ɛrali ɔ gyakɛ anu.

2 Edk 23:13

na ɔhɔnwunle kɛ belemgbunli ne gyi ye mpila ne anwo wɔ anuhɔlɛ ne, safohyenlema ne nee bɛdabɛ mɔɔ bɛbɔ aweɛne ndendenle la gyigyi ɔ nwo ɛkɛ, na menli ne kɔsɔɔti anye ɛlie, bɛlɛbɔ aweɛne, na Ɛzonlenlɛ Sua nu edwɛndolɛma li bɛ ti bɛlɛto edwɛne na bɛlɛbɔ agole bɛazi. Atalaya suosuanle ye adɛladeɛ mɔɔ ɔwula la anu ɛkɛ ne ala, na ɔdeanle nuhua kɛ, “Maamɔlɛ ɛbɛla a le ɛhye! Maamɔlɛ ɛbɛla a le ɛhye!”

Nihɛmaya Buluku ne 12:24

Livae mgbanyinli ɛhye mɔ: Hahyabaya, Hyɛlibaya, Gyɛhyua, Benuwae, yɛɛ Kademeɛle a nleanle manle bɛhyɛle Livaema anu ekpunli ekpunli a. Mekɛ ko biala ekpunli nwiɔ to ayɛlɛyelɛ nee moyɛlɛ edwɛne maa Nyamenle, kɛmɔ Nyamenle sonla Belemgbunli Devidi hyehyɛle la.

Mrɛlɛbulɛ Buluku ne 16:33

Menli twe adunyi kpondɛ mɔɔ ɔwɔ kɛ bɛyɛ la, na Ɛdɛnkɛma ɔdaye a ɔkile mɔɔ ɔwɔ kɛ sonla yɛ la a.

Sɛlɛ 16:8

Ɔbagua mbɔnkye nwiɔ ne ati nzeleba, yeaye ko yeamaa Ɛdɛnkɛma na ko ne noko ahɔ Azazɛle ɛkɛ ne.

Ɛzoanvolɛma Gyima ne 1:26

Na bɛguale menli nwiɔ ne ati nzeleba la ɔbɔle Matayase. Yemɔti bɛvale ye bɛbokale ɛzoanvolɛma bulu nee ko ne anwo.