1 Edk 25:5 - BAEBOLO ANZƐƐ BULUKU NWUANZANWUANZA

⁵ Nyamenle a manle ɔwole mralɛ mrenya ɛhye mɔ nee mralɛ mraalɛ nsa ne a, amaa Himan anyia anwosesebɛ dɔɔnwo, kɛmɔ Nyamenle vale bɔle ye ɛwɔkɛ la. Himan le Nyamenle Kpɔmanvolɛ na ɔka Nyamenle nrɛlaleɛ ɔkile belemgbunli ne.

1 Edk 25:5 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 33:5

Mɔɔ Yisɔ manle ɔ nye zo na ɔnwunle mraalɛ ne mɔ nee ngakula ne mɔ la, ɔbizale Gyekɔbo kɛ, “Nwane mɔ a le ɛhye mɔ mɔɔ ɛ nee bɛ lua la?” Gyekɔbo buale kɛ, “Ngakula ɛhye mɔ a Nyamenle ɛlolɛ nu yeva yemaa wɔ sonvolɛ a.”

2 Sam 24:11

Nwonlomɔ ne mɔɔ Devidi dwazole la, Ɛdɛnkɛma edwɛkɛ ne dwule Nyamenle kpɔmanvolɛ Gaade mɔɔ yemɔ a ɔka Nyamenle nrɛlaleɛ ɔkile Devidi la anwo zo na ɔzele ye kɛ,

1 Edk 21:9

Na Ɛdɛnkɛma zele Gaade, Devidi ɔdaye ye Nyamenle kpɔmanvolɛ ne mɔɔ sinza ye la kɛ,

1 Edk 25:4

Himan amra mrenya bulu nee nna ne: Bɛkaya, Matanaya, Ɛzeɛle, Hyɛbuwɛle, Gyɛlemo, Hananaya, Haneenae, Yilayata, Gedaletae, Wolomametae Yizɛ, Dwɔhyebɛkahya, Malotae, Hotɛ, yɛɛ Maheezeyo.

1 Edk 28:5

Ɔmanle me mralɛ mrenya dɔɔnwo, na ɔnleanle nu ɔyele Sɔlɔmɔn kɛ yemɔ a ɔzie Yizilayɛ, Ɛdɛnkɛma ɔdaye ye belemgbunli maanle ne a.

2 Edk 35:15

Esafe abo zo amra ne noko ɛnee anye ɛbolo ɛlɛto edwɛne, kɛmɔ Belemgbunli Devidi, Esafe, Himan, nee Nyamenle kpɔmanvolɛ Gyɛdutɛn hyehyɛle dole ɛkɛ ne la. Nlenkɛ sinzavolɛma ne noko anvi bɛ bo zo ne mɔ, ɔluakɛ bɛ mediema Livaema ne vale bɛ afoa nu ɛdeɛ rɛlɛle bɛ.

Edwɛndolɛ Buluku ne 127:3

Nea, mralɛ mrenya le agyadeɛ mɔɔ vi Ɛdɛnkɛma ɛkɛ a; awolɛ le nyilalɛ.

Ayezaya Buluku ne 8:18

Bɛnlea, medame yɛɛ me mra mrenya mɔɔ Ɛdɛnkɛma ɛva ɛmaa me la ɛyɛ sɛkɛlɛneɛ nee nwanwane nrɛlaleɛ mɔɔ Tumivolɛ Ɛdɛnkɛma, mɔɔ de ye ebia nu wɔ Boka Zayɔn la ɛva ɛmaa Yizilayɛma a.

1 Sam 9:9

Sɔɔlo buale ye kɛ, “Wɔ adwenle ne le kpalɛ, maa yɛhɔ.” Yemɔti bɛhɔle suakpole ne mɔɔ Nyamenle sonla ne wɔ zolɛ la azo. Mɔɔ bɛfo boka ne bɛahɔ sua ne azo la, bɛ nee mbɛlɛra bie mɔɔ ɛlɛkɔ azule la yiale. Bɛbizale mbɛlɛra ne mɔ kɛ, “Sonla ne mɔɔ nwu Nyamenle ɛhulolɛdeɛ la wɔ ɛkɛ ɔ?” (Mekɛ ne anu, wɔ Yizilayɛ maanle nu ɛnee bɛfɛlɛ Nyamenle kpɔmanvolɛma “Sonla mɔɔ nwu Nyamenle ɛhulolɛdeɛ la.” Yemɔti mekɛ biala mɔɔ awie kpondɛ abiza Nyamenle edwɛkɛ la ɛnee ɔse, “Maa yɛhɔ sonla ne mɔɔ nwu Nyamenle ɛhulolɛdeɛ la” ɛkɛ.)