1 Edk 25:1 - BAEBOLO ANZƐƐ BULUKU NWUANZANWUANZA

¹ Belemgbunli Devidi nee Livae mbusua mgbanyinli eza nleanle yele Livae mbusua ɛhye mɔ kɛ bɛdo edwɛne wɔ ɛzonlenlɛ biala anu. Bɛmɛ a le Esafe, Himan, yɛɛ Gyɛdutɛn. Bɛ gyima a le kɛ, ɔwɔ kɛ bɛfa Nyamenle nrɛlaleɛ ne bɛto gua, na bɛto edwɛne bɛbɔ agole. Menli mɔɔ bɛyele bɛ kɛ bɛli ɛzonlenlɛ ne ati nee gyima holɛ ko mɔɔ bɛbayɛ la ɛne.

1 Edk 25:1 ပူးပေါင်းရင်းမြစ်များ

1 Arl 10:12

Sɔlɔmɔn vale mbaka ne yɛle sika sosɔle Ɛzonlenlɛ Sua ne nee belemgbunli sua ne na ɔvale bie ɔyɛle getaa mgbole nee ngyikyi ɔmanle edwɛndolɛma. Ɛbɔ ye mekɛ zɔhane mɔɔ bakpula ɛnɛ la, awie ɛtɛnwunle zɛhae dwunipa mbaka ngɛnlɛma ne bie ɛlɛ.)

2 Arl 3:15

Bɛvɛlɛ awie mɔɔ bɔ getaa la bɛmaa me.” Mɔɔ ahenle ne bɔle ɔ bo kɛ ɔbɔ getaa ne ala la yɛɛ Ɛdɛnkɛma Sunsum ne dwule Yilaehya anwo zo a,

1 Edk 13:8

Devidi nee menli ne mɔ amuala vale bɛ anwosesebɛ muala zile agole dole edwɛne na bɛbɔle akɛya, aweɛne ndendenle, getaa yɛɛ sɔnwosɔnwo bɛyeyɛle Nyamenle.

1 Edk 15:28

Akee Yizilayɛma kɔsɔɔti vale anyelielɛ, aweɛnebɔlɛ, mɛne, sɔnwosɔnwo nee getaa bɔle agole lile Ɛdɛnkɛma Ngyekyeleɛ Ɛlɛka ne anzi toonwo bɛradwule Gyɛlusalɛm.

1 Edk 23:2

Belemgbunli Devidi manle Yizilayɛma mbusua mgbanyinli nee sɛlɛvolɛma nee Livaema ne mɔ amuala rayiale.

1 Edk 25:2

Esafe amra mrenya nna ne: Zakɛ, Dwosefi, Nɛtanaya, yɛɛ Ahyalila; bɛ kpanyinli a le Esafe. Yemɔ yɛɛ saa belemgbunli maa adenle a ɛnee ɔka Nyamenle edwɛkɛ ne a.

1 Edk 25:3

Gyɛdutɛn amra mrenya nsia ne: Gɛdalaya, Zilae, Gyɛhyaya, Hyemɛyae, Hahyabaya, yɛɛ Matetaya. Bɛ ze a li bɛ ti a. Bɛ gyima a le kɛ bɛka Nyamenle edwɛkɛ ne, bɛbɔ agole na bɛto edwɛne bɛye Ɛdɛnkɛma ayɛlɛ bɛyɛ ye mo.

1 Edk 25:9

Menli ɛya nwiɔ abulatwɛ nee mɔtwɛ ɛhye, bɛhyehyɛ nuhua mbusua ekpulike ekpulike nu, ekpunli abulanwiɔ nee nna. Ekpunli ko biala le menli bulu nee nwiɔ, yɛɛ ekpunli ko biala lɛ ye sonla mɔɔ li ɔ ti a. Bɛ gyima ɛyɛlɛ ne ngyehyɛlɛ ne kɛ kɔ ye la ɛne: 1. Dwosefi mɔɔ vi Esafe abusua nu 2. Gɛdalaya 3. Zakɛ 4. Zilae 5. Nɛtanaya 6. Bɛkaya 7. Ahyalila 8. Gyɛhyaya 9. Matanaya 10. Hyemɛyae 11. Ɛzeɛle 12. Hahyabaya 13. Hyɛbuwɛle 14. Matetaya 15. Gyɛlemo 16. Hananaya 17. Dwɔhyebɛkahya 18. Haneenae 19. Malotae 20. Yilayata 21. Hotɛ 22. Gedaletae 23. Maheezeyo 24. Wolomametae Yizɛ

1 Edk 6:16

Livae wole mrenya nsa: Gɛhyɔn, Kohate, yɛɛ Mɛlɛlae.

1 Edk 6:33

Menli mɔɔ yɛle gyima ne la nee bɛ mra ne mɔ ɛne: Kohate sua nu amra: Kpanyinli mɔɔ lile edwɛndolɛma ne ati la a le Dwowɛle ara Himan. Ye abusua ɛlɔnwɔne ne kɛ kɔ ye la ɛne. Himan, Dwowɛle, Samoɛle,

1 Edk 6:39

Himan adiema Esafe a le edwɛndolɛma ekpunli ne mɔɔ tɔ zolɛ nwiɔ la kpanyinli a. Ye abusua ɛlɔnwɔne ne ɛne: Esafe, Bɛlikaya, Hyemɛya,

1 Edk 6:44

Yitan mɔɔ vi Mɛlɛlae sua nu la a le edwɛndolɛma ekpunli ne mɔɔ tɔ zolɛ nsa la kpanyinli a. Ye abusua ɛlɔnwɔne ne ɛne: Yitan, Kehyae, Abedae, Malɛke,

1 Edk 9:33

Livae abusua ne anu mgbanyinli ne bie mɔ a nea Ɛzonlenlɛ Sua ne anu edwɛndolɛ zo a. Mbusua mgbanyinli ɛhye mɔ dede Ɛzonlenlɛ Sua ne ekpumgbunli ne bie mɔ anu; bɛnyɛ gyima gyɛne biala, ɔboalekɛ bɛyɛ gyima nɔɔzo nee ewiazo.

2 Edk 23:1

Atalaya lile Dwuda ebia ne ɛvolɛ nsia. Wɔ ye ɛvolɛ nsuu ne anu, sɛlɛvolɛ Gyɛhɔyada zile ɔ kɛnra ɔ nee safohyenlema mɔɔ nea ɛlɔnema ɛya ɛya nwo zo la yɛle ngyehyɛlɛ. Safohyenlema ne mɔ a le Gyɛloham ara Azalaya, Gyihɔheenan ara Yehyemeeyɛle, Obɛde ara Azalaya, Adaya ara Meeyasaya, yɛɛ Zekelae ara Yilaehyafate.

2 Edk 23:13

na ɔhɔnwunle kɛ belemgbunli ne gyi ye mpila ne anwo wɔ anuhɔlɛ ne, safohyenlema ne nee bɛdabɛ mɔɔ bɛbɔ aweɛne ndendenle la gyigyi ɔ nwo ɛkɛ, na menli ne kɔsɔɔti anye ɛlie, bɛlɛbɔ aweɛne, na Ɛzonlenlɛ Sua nu edwɛndolɛma li bɛ ti bɛlɛto edwɛne na bɛlɛbɔ agole bɛazi. Atalaya suosuanle ye adɛladeɛ mɔɔ ɔwula la anu ɛkɛ ne ala, na ɔdeanle nuhua kɛ, “Maamɔlɛ ɛbɛla a le ɛhye! Maamɔlɛ ɛbɛla a le ɛhye!”

2 Edk 23:18

Na Gyɛhɔyada manle menli zinzale Ɛzonlenlɛ Sua ne na ɔvale bɛ ɔwulale sɛlɛvolɛma nee Livaema mɔɔ Devidi hyehyɛle kɛ bɛnlea Ɛzonlenlɛ Sua ne gyimayɛlɛ zo la asa anu. Akee ɔzele bɛ kɛ bɛbɔ ɛyelalɛ azu bɛmaa Ɛdɛnkɛma, kɛmɔ bɛhɛlɛ ye wɔ Mosisi mɛla ne anu la, na bɛdo edwɛne bɛmaa bɛ nye ɛlie, kɛmɔ Belemgbunli Devidi hyehyɛle la.

2 Edk 23:9

Gyɛhɔyada yele Belemgbunli Devidi atwɛ ne mɔ nee bɛ sa nu enyinlike mgbole nee ngyikyi ne mɔ mɔɔ ɛnee wɔ Ɛzonlenlɛ Sua ne anu la manle safohyenlema ne mɔ.

2 Edk 31:2

Belemgbunli Hɛzikaya ziale hyɛle sɛlɛvolɛma nee Livaema anu ekpunli ekpunli, yɛɛ ekpunli ko biala nee ye gyima. Bɛmɛ a le sɛlɛvolɛma nee Livaema mɔɔ nea ɛyelalɛ nee anzonudwolɛ azubɔlɛ ninyɛne zo, bɛdabɛ mɔɔ bɛsinza Ɛzonlenlɛ Sua ne nlenkɛ mgbole ne mɔ, yɛɛ bɛdabɛ mɔɔ bɛyɛ Nyamenle mo bɛaye ye ayɛlɛ la.

2 Edk 34:12

Menli ne noko yɛle gyima ne nɔhalɛ nu. Menli mɔɔ ɛnee nea gyimayɛvoma ne anwo zo la a le Gyeehate nee Obadaya, bɛle Livaema mɔɔ vi Mɛlɛlae abusua nu, yɛɛ akee Zɛkalaya nee Mɛhyɛlam mɔɔ vi Kohate abusua nu la. (Livaema le menli mɔɔ ze edwɛne to, bɛkola agole bɔ kpalɛ a.)

2 Edk 35:15

Esafe abo zo amra ne noko ɛnee anye ɛbolo ɛlɛto edwɛne, kɛmɔ Belemgbunli Devidi, Esafe, Himan, nee Nyamenle kpɔmanvolɛ Gyɛdutɛn hyehyɛle dole ɛkɛ ne la. Nlenkɛ sinzavolɛma ne noko anvi bɛ bo zo ne mɔ, ɔluakɛ bɛ mediema Livaema ne vale bɛ afoa nu ɛdeɛ rɛlɛle bɛ.

2 Edk 8:14

Kɛmɔ ɔ ze Devidi hyehyɛle la, Sɔlɔmɔn hyɛle sɛlɛvolɛma gyima ne manle bɛ. Eza ɔhyɛle Livaema ne mɔ mɔɔ bado ayɛlɛyelɛ edwɛne aboa sɛlɛvolɛma ne la gyima ne ɔmanle bɛ, kɛmɔ kenle ko biala gyima ne si de la. Ɔhyɛle nlenkɛ mgbole sinzavolɛma ɔmanle ekpunli ko biala nwunle nlenkɛ mgbole mɔɔ bɛbazinza la, kɛmɔ Nyamenle sonla Devidi hyehyɛle dole ɛkɛ ne la.

Ɛzela Buluku ne 6:18

Akee bɛhyɛle sɛlɛvolɛma gyima ne bɛmanle bɛ. Bɛhyɛle bɛ nu ekpunli ekpunli. Bɛyɛle Livaema noko zɔhane ala, kɛmɔ bɛhɛlɛ ye wɔ Mosisi buluku ne anu mɔɔ fane Nyamenle ɛzonlenlɛ gyima ne mɔɔ wɔ Gyɛlusalɛm la anwo la.

Nihɛmaya Buluku ne 11:17

Maeka ara Matanaya, ɔle Zabedae anlɔnra yɛɛ ɔle Esafe abo zo sonla. Yemɔ yɛɛ ɔlumuale ɔgyinlanle Ɛzonlenlɛ Sua nu edwɛndolɛma ati ɔmanle bɛdole moyɛlɛ nzɛlɛlɛ edwɛne ne a. Bakebukaya a ɛnee le Matanaya boavolɛ a. Hyamua ara Abeda, ɔle Geelale anlɔnra yɛɛ Gyɛdutɛn abo zo sonla ɔ.

Nihɛmaya Buluku ne 12:24

Livae mgbanyinli ɛhye mɔ: Hahyabaya, Hyɛlibaya, Gyɛhyua, Benuwae, yɛɛ Kademeɛle a nleanle manle bɛhyɛle Livaema anu ekpunli ekpunli a. Mekɛ ko biala ekpunli nwiɔ to ayɛlɛyelɛ nee moyɛlɛ edwɛne maa Nyamenle, kɛmɔ Nyamenle sonla Belemgbunli Devidi hyehyɛle la.

Nihɛmaya Buluku ne 12:27

Mekɛ dwule mɔɔ ɔwɔ kɛ akee bɛbuke Gyɛlusalɛm bane ne na bɛtu bɛmaa Nyamenle la, bɛkpondɛle Livaema mɔɔ wɔ ɛleka biala la abo zo bɛ nee bɛ rale Gyɛlusalɛm, amaa bɛ kɔsɔɔti bɛava fɛlɛkolilɛ bɛabɔ nuhua bɛava sɔnwosɔnwo, getaa mgbole nee ngyikyi, moyɛlɛ, nee edwɛndolɛ bɛali ɛvoyia ne.

Edwɛndolɛ Buluku ne 81:2

Bɛvɛlɛ edwɛne ne, bɛbɔ akɛya ne, bɛbɔ getaa ngyikyi ne nee mgbole ne mɔ.

Edwɛndolɛ Buluku ne 81:3

Siane ne fi fofolɛ a bɛwu aweɛne tendenle ne anu, siane ne yɛ mumua a bɛwu nu bɛli ɛvoyia ne.

Yizikeɛle Buluku ne 40:44

Akee nrenya ne nee me vi findezo alie nwo ɛkɛ hɔle sua ne akunlu lɔ alie ne anwo. Azua ekpumgbunli nwiɔ wɔ ɛkɛ, ko gyi sɔlɔ anlenkɛ kpole ne anwo, ɔ nye kɔne nyiakɛ, yɛɛ ko noko gyi nyiakɛ anlenkɛ kpole ne anwo, ɔ nye kɔne sɔlɔ.

1 Sam 10:5

Akee ɛbadwu Nyamenle Boka, wɔ Gebɛya, ɛleka mɔɔ Filisitiama azokoɛleɛ ne wɔ la ademgbole ne mɔɔ fa kɔ sua ne azo la anu, ɛbanwu Nyamenle kpɔmanvolɛma ekpunli bie mɔɔ vi boka ne azo azukponle ne anwo ɛlɛtolo ara la na bɛlɛka Nyamenle nrɛlaleɛ, bɛsi agole na bɛbɔ getaa kpole, akɛya, fulutu, yɛɛ ɛto.