1 Edk 24:31 - BAEBOLO ANZƐƐ BULUKU NWUANZANWUANZA

³¹ Abusua kpanyinli ne nee ɔ mediema ngakula ne mɔ ko a guale nzeleba hyɛle gyima ne a, kɛmɔ bɛ busuanli Aalɔn abo zo amra sɛlɛvolɛma ne yɛle la. Belemgbunli Devidi, Sɛlɛvolɛ Zeedɔko, Ahemɛlɛke, yɛɛ sɛlɛvolɛma mbusua mgbanyinli nee Livae mbusua mgbanyinli ne mɔ a nleanle manle bɛguale nzeleba ne bɛyɛle ngyehyɛlɛ ne a.

1 Edk 24:31 ပူးပေါင်းရင်းမြစ်များ

1 Edk 24:30

Muhyae wole mrenya nsa: Malae, Yidɛ, yɛɛ Gyɛlemo. Ɛhye mɔ amuala le Livae mbusua mgbanyinli.

1 Edk 25:8

Bɛguale bɛ muala bɛ ti nzeleba na bɛahyɛ gyima ne. Ɔnva nwolɛ kɛ bie le fofolɛ wɔ nu anzɛɛ bie ze gyima ne anye zo, yɛɛ ɔnva nwolɛ kɛ bie le kpanyinli anzɛɛ kakula.

1 Edk 26:13

Abusua ekpulike ko biala anu amra, bɛguale bɛ ti nzeleba, bɛannea kɛ bɛzonle anzɛɛ bɛanzo, na bɛhilele menli mɔɔ ɔwɔ kɛ sinza anlenkɛ kpole ko biala la.

2 Edk 1:2

Belemgbunli Sɔlɔmɔn dendɛle hilele Yizilayɛma amuala: safohyenlema mɔɔ nea ɛlɔnema apenle apenle nee ɛya ɛya nwo zo, ndɛnebuavolɛma, Yizilayɛ maanle mgbanyima ne mɔ, yɛɛ mbusua mgbanyinli.

2 Edk 31:15

Menli mɔɔ boale ye wɔ azuamgbole mɔɔ sɛlɛvolɛma wɔ zolɛ la a le Livaema ɛhye mɔ: Yidɛn, Menayamen, Gyɛhyua, Hyɛmaya, Amalaya, yɛɛ Hyɛkanaya. Bɛkyɛ aleɛ ne bɛmaa bɛ mediema Livaema ne mɔ, mgbanyinli nee ngakula, kɛmɔ ko biala gyima ne ɛsesebɛ si de la.