1 Edk 24:1 - BAEBOLO ANZƐƐ BULUKU NWUANZANWUANZA

¹ Aalɔn abo zo amra ne a le ɛhye mɔ. Aalɔn wole mrenya nna: Needabe, Abaehu, Ɛlieza, yɛɛ Yetamaa.

1 Edk 24:1 ပူးပေါင်းရင်းမြစ်များ

1 Edk 23:6

Devidi hyɛle Livaema ne anu nsa, kɛmɔ bɛ mbusua ekpulike ne mɔ de la. Bɛmɛ a le Gɛhyɔn, Kohate, yɛɛ Mɛlɛlae.

1 Edk 28:13

Devidi eza vale kɛ yezi yehyehyɛ ye kɛ sɛlɛvolɛma nee Livaema bazi ayɛ gyima, Ɛzonlenlɛ Sua ne anwo gyimayɛlɛ, nee Ɛzonlenlɛ Sua ne anu ninyɛne ne mɔ boɛ ɛnleanlɛ nwo ngɛlata manle Sɔlɔmɔn.

1 Edk 6:3

Amelam wole mrenya nwiɔ: Aalɔn nee Mosisi. Eza ɔwole raalɛ ko, bɛfɛlɛ ye Meleam. Aalɔn wole mrenya nna: Needabe, Abaehu, Ɛlieza, yɛɛ Yitamaa.

1 Edk 6:34

Ɛlekeena, Gyɛloham, Yilayɛle, Towa,

2 Edk 23:8

Livaema nee Dwudama amuala lile ngyehyɛlɛ mɔɔ sɛlɛvolɛ Gyɛhɔyada vale manle bɛ la azo. Sɛlɛvolɛ Gyɛhɔyada anzɛkye sɛlɛvolɛ ekpunli ekpunli ne mɔ mɔɔ bɛhyehyɛ la. Yemɔti ekpunli ko biala vale ye menli mɔɔ ba gyima nee mɔɔ ɛnle gyima nu kenle ko ne la amuala rale gyima Ɛnwomenlelielɛ Kenle ne.

2 Edk 31:2

Belemgbunli Hɛzikaya ziale hyɛle sɛlɛvolɛma nee Livaema anu ekpunli ekpunli, yɛɛ ekpunli ko biala nee ye gyima. Bɛmɛ a le sɛlɛvolɛma nee Livaema mɔɔ nea ɛyelalɛ nee anzonudwolɛ azubɔlɛ ninyɛne zo, bɛdabɛ mɔɔ bɛsinza Ɛzonlenlɛ Sua ne nlenkɛ mgbole ne mɔ, yɛɛ bɛdabɛ mɔɔ bɛyɛ Nyamenle mo bɛaye ye ayɛlɛ la.

2 Edk 5:11

Sɛlɛvolɛma mɔɔ rale la amuala dule bɛ nwo manle Ɛdɛnkɛma, bɛandwenle bɛ ekpunli ngakyile ne mɔ anwo. Akee Livae edwɛndolɛma mɔɔ le Esafe, Himan, nee Gyɛdutɛn, nee bɛ mbusuafoɔ ne mɔ amuala wulowulale adɛladeɛ fufule. Edwɛndolɛma ɛhye mɔ gyinlanle azukponle ne aduduleɛ afoa nu, bɛdedɛ sɔnwosɔnwo nee getaa, yɛɛ sɛlɛvolɛma ɛya ko abulanwiɔ ɛlɛbɔ aweɛne ndendenle. Aweɛnebɔlɛ ne, sɔnwosɔnwobɔlɛ ne, nee ninyɛne mɔɔ ɛha la nee edwɛndolɛ ne kɔ zolɛ pɛpɛ, na bɛyele Ɛdɛnkɛma ayɛlɛ kɛ, “Bɛye Ɛdɛnkɛma ayɛlɛ, ɔboalekɛ ɔle kpalɛ, yɛɛ ye ɛhulolɛ ɛmbɔ aze ɛlɛ.” Mɔɔ sɛlɛvolɛma ne vi Ɛzonlenlɛ Sua ne anu ɛlɛfinde la, arɛlevilɛ nu ala, amungu nwohyee rayile sua ne na ɔmanle Ɛdɛnkɛma anyunlunyia dale hilele kɛ Ɛdɛnkɛma wɔ ɛkɛ. Na sɛlɛvolɛma ne angola bɛ gyima ne di bieko.

2 Edk 8:14

Kɛmɔ ɔ ze Devidi hyehyɛle la, Sɔlɔmɔn hyɛle sɛlɛvolɛma gyima ne manle bɛ. Eza ɔhyɛle Livaema ne mɔ mɔɔ bado ayɛlɛyelɛ edwɛne aboa sɛlɛvolɛma ne la gyima ne ɔmanle bɛ, kɛmɔ kenle ko biala gyima ne si de la. Ɔhyɛle nlenkɛ mgbole sinzavolɛma ɔmanle ekpunli ko biala nwunle nlenkɛ mgbole mɔɔ bɛbazinza la, kɛmɔ Nyamenle sonla Devidi hyehyɛle dole ɛkɛ ne la.

Ɛzela Buluku ne 6:18

Akee bɛhyɛle sɛlɛvolɛma gyima ne bɛmanle bɛ. Bɛhyɛle bɛ nu ekpunli ekpunli. Bɛyɛle Livaema noko zɔhane ala, kɛmɔ bɛhɛlɛ ye wɔ Mosisi buluku ne anu mɔɔ fane Nyamenle ɛzonlenlɛ gyima ne mɔɔ wɔ Gyɛlusalɛm la anwo la.

Ɛzela Buluku ne 7:5

Bɛkae ɔ ze a le Abaehyua, Abaehyua ɔ ze a le Fenɛhase, yɛɛ Fenɛhase ɔ ze a le Ɛlieza, Ɛlieza ɔ ze a le Sɛlɛvolɛma Kpanyinli Aalɔn.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:1

“Akee maa ɛ diema Aalɔn nee ɔ mra mrenya ne mɔ, Needabe, Abaehu, Ɛlieza, yɛɛ Yetamaa ɛbikye wɔ na ye bɛ fi Yizilayɛma avinli sie ahane, amaa bɛanyia adenle bɛazonle me kɛ me sɛlɛvolɛma.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:23

Aalɔn gyale Amenadabe ara raalɛ Yilaehyɛba mɔɔ ɔ diema raalɛ a le Nahyɔn la. Yilaehyɛba wole Needabe, Abaehu, Ɛlieza, yɛɛ Yetamaa.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 26:60

Aalɔn wole mrenya nna, Needabe, Abaehu, Ɛlieza, yɛɛ Yetamaa.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 3:2

Aalɔn wole mralɛ mrenya nna. Bɛ aluma ɛne: Needabe, yemɔ a ɔle awolɛ kpanyinli a, Abaehu, Ɛlieza, yɛɛ Yetamaa.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 3:4

Needabe nee Abaehu vale senle mɔɔ ɛnle nwuanzanwuanza la hɔle Ɛdɛnkɛma anyunlu wɔ Saenae fienemgbole ne anu, na bɛwule. Bɛanwo mralɛ yɛɛ bɛwule a, yemɔti Ɛlieza nee Yetamaa ala a yɛle sɛlɛvolɛ gyima ne wɔ mekɛ mɔɔ bɛ ze Aalɔn de aze la a.