1 Edk 23:5 - BAEBOLO ANZƐƐ BULUKU NWUANZANWUANZA

⁵ apenle nna ɛzinza nlenkɛ ne mɔ, yɛɛ nuhua apenle nna noko ɛva agole ninyɛne mɔɔ belemgbunli ɛyɛ ɛmaa bɛ la ɛdo edwɛne ɛye Ɛdɛnkɛma ayɛlɛ.

1 Edk 23:5 ပူးပေါင်းရင်းမြစ်များ

1 Arl 10:12

Sɔlɔmɔn vale mbaka ne yɛle sika sosɔle Ɛzonlenlɛ Sua ne nee belemgbunli sua ne na ɔvale bie ɔyɛle getaa mgbole nee ngyikyi ɔmanle edwɛndolɛma. Ɛbɔ ye mekɛ zɔhane mɔɔ bakpula ɛnɛ la, awie ɛtɛnwunle zɛhae dwunipa mbaka ngɛnlɛma ne bie ɛlɛ.)

2 Arl 7:10

Yemɔti bɛrale na bɛhanle bɛhilele anlenkɛ kpole sinzavolɛma ne kɛ: Yɛhɔle Seleama azokoɛleɛ lɔ na yɛnwunle kɛ awie biala ɛnle ɛkɛ. Anloma nee akɔlɛ bɔbɔ, yeande bie nganeɛ kɛ bɛ mgbɔnwɔ nee bɛ asoaso ne mɔ mɔɔ bɛhendɛhenda bɛ la a yɛnwunle bɛ a, yɛɛ bɛ ndanlɛ azua ne mɔ noko bɛanyɛ bɛ ɛhwee.”

1 Edk 16:38

Gyɛdutɛn ara Obɛde Yidɔm nee ye abusua ne anu amra abulasia nee mɔtwɛ a ɔwɔ kɛ boa bɛ a. Akee Hosa nee Obɛde Yidɔm a nlenkɛ ne mɔ ɛzinzalɛ wɔ bɛ sa nu a.

1 Edk 16:4

Devidi yele Livaema bie mɔ kɛ bɛgyinla Ngyekyeleɛ Ɛlɛka ne anyunlu na bɛli menli ne ati bɛmaa bɛdo moyɛlɛ nee ayɛlɛyelɛ edwɛne bɛmaa Ɛdɛnkɛma, Yizilayɛ Nyamenle ne, wɔ mekɛ biala mɔɔ bɛkɛra ye ɛzonlenlɛ la.

1 Edk 23:30

Ɔwɔ kɛ bɛye Ɛdɛnkɛma ayɛlɛ na bɛyeyɛ ye nwonlomɔ nee nɔsolɛ,

1 Edk 9:33

Livae abusua ne anu mgbanyinli ne bie mɔ a nea Ɛzonlenlɛ Sua ne anu edwɛndolɛ zo a. Mbusua mgbanyinli ɛhye mɔ dede Ɛzonlenlɛ Sua ne ekpumgbunli ne bie mɔ anu; bɛnyɛ gyima gyɛne biala, ɔboalekɛ bɛyɛ gyima nɔɔzo nee ewiazo.

2 Edk 20:28

Bɛbɔle getaa mgbole nee ngyikyi nee aweɛne ndendenle toonwo bɛrawolole Ɛdɛnkɛma Ɛzonlenlɛ Sua ne anu.

2 Edk 34:13

Livaema bie mɔ noko nleanle menli mɔɔ twe ninyɛne ara bɛamaa bɛava bɛayɛ sua ne boɛ, nee menli mɔɔ yɛ gyima ngakyile la anwo zo. Bie mɔ noko hɛlɛhɛlɛle gyima ne anwo ngɛlata, yɛɛ bie mɔ zinzale nlenkɛ.

2 Edk 35:15

Esafe abo zo amra ne noko ɛnee anye ɛbolo ɛlɛto edwɛne, kɛmɔ Belemgbunli Devidi, Esafe, Himan, nee Nyamenle kpɔmanvolɛ Gyɛdutɛn hyehyɛle dole ɛkɛ ne la. Nlenkɛ sinzavolɛma ne noko anvi bɛ bo zo ne mɔ, ɔluakɛ bɛ mediema Livaema ne vale bɛ afoa nu ɛdeɛ rɛlɛle bɛ.

2 Edk 8:14

Kɛmɔ ɔ ze Devidi hyehyɛle la, Sɔlɔmɔn hyɛle sɛlɛvolɛma gyima ne manle bɛ. Eza ɔhyɛle Livaema ne mɔ mɔɔ bado ayɛlɛyelɛ edwɛne aboa sɛlɛvolɛma ne la gyima ne ɔmanle bɛ, kɛmɔ kenle ko biala gyima ne si de la. Ɔhyɛle nlenkɛ mgbole sinzavolɛma ɔmanle ekpunli ko biala nwunle nlenkɛ mgbole mɔɔ bɛbazinza la, kɛmɔ Nyamenle sonla Devidi hyehyɛle dole ɛkɛ ne la.

Nihɛmaya Buluku ne 7:73

Na akee Yizilayɛma kɔsɔɔti, sɛlɛvolɛma, Livaema, Ɛzonlenlɛ Sua ne sinzavolɛma, edwɛndolɛma, Ɛzonlenlɛ Sua nu sonvolɛma yɛɛ Yizilayɛma mɔɔ hale la amuala hɔdɛnlanle aze wɔ bɛ azua ne mɔ azo.

Edwɛndolɛ Buluku ne 87:7

Edwɛndolɛma nee agolezilɛma amuala se, “Me nyilalɛ kɔsɔɔti vi wɔ ɛkɛ.”

Ayezaya Buluku ne 64:10

Wɔ azuamgbole nwuanzanwuanza ne mɔ azo ɛhakyi ɛsɛlɛ. Gyɛlusalɛm ɛhakyi ɛsɛlɛ, awie fee ɛnle zolɛ.

Emɔzo Buluku ne 6:5

Bɛkulo kɛ bɛyɛ edwɛne, kɛmɔ Devidi yɛle la, na bɛbɔ wɔ bɛ getaa ne mɔ azo.