1 Edk 23:4 - BAEBOLO ANZƐƐ BULUKU NWUANZANWUANZA

⁴ Belemgbunli ne yele nuhua apenle ngoko abulanwiɔ nee nna kɛ bɛnlea Ɛzonlenlɛ Sua ne gyima ne azo, nuhua apenle nsia ɛyɛ ndɛnebuavolɛma nee kɛlɛhɛlɛvolɛma,

1 Edk 23:4 ပူးပေါင်းရင်းမြစ်များ

1 Edk 6:48

Bɛyele bɛ mediema Livaema mɔɔ hale la kɛ bɛmɛ bɛyɛ ɛzonlenlɛ gyima mɔɔ ɛha Nyamenle Ndanlɛ Sua ne anu la.

2 Edk 19:8

Eza Gyɛhɔhyafate yeyele Livaema, nee sɛlɛvolɛma bie mɔ, yɛɛ Yizilayɛ mbusua mgbanyinli ne bie mɔ kɛ bɛyɛ ndɛnebuavolɛma wɔ Gyɛlusalɛm, bɛli menli mɔɔ kɛvo Nyamenle Mɛla ne la edwɛkɛ na bɛziezie kpolera biala mɔɔ kɛdɔ bɛ avinli la.

2 Edk 23:18

Na Gyɛhɔyada manle menli zinzale Ɛzonlenlɛ Sua ne na ɔvale bɛ ɔwulale sɛlɛvolɛma nee Livaema mɔɔ Devidi hyehyɛle kɛ bɛnlea Ɛzonlenlɛ Sua ne gyimayɛlɛ zo la asa anu. Akee ɔzele bɛ kɛ bɛbɔ ɛyelalɛ azu bɛmaa Ɛdɛnkɛma, kɛmɔ bɛhɛlɛ ye wɔ Mosisi mɛla ne anu la, na bɛdo edwɛne bɛmaa bɛ nye ɛlie, kɛmɔ Belemgbunli Devidi hyehyɛle la.

2 Edk 34:13

Livaema bie mɔ noko nleanle menli mɔɔ twe ninyɛne ara bɛamaa bɛava bɛayɛ sua ne boɛ, nee menli mɔɔ yɛ gyima ngakyile la anwo zo. Bie mɔ noko hɛlɛhɛlɛle gyima ne anwo ngɛlata, yɛɛ bie mɔ zinzale nlenkɛ.

Nihɛmaya Buluku ne 11:22

Sonla mɔɔ nleanle Livaema mɔɔ dɛnlanle Gyɛlusalɛm la anwo zo la a le Beenae ara Ɛzae, ɔle Hahyabaya anlɔnra. Ye mgbanyima ne bie mɔ a le Matanaya nee Maeka. Ɔbɔ Esafe abusua ekpulike ne bie; bɛmɛ a Ɛzonlenlɛ Sua ne anu edwɛndolɛ nwo ngyehyɛlɛ wɔ bɛ sa nu a.

Nihɛmaya Buluku ne 11:9

Zekelae ara Dwowɛle a le bɛ kpanyinli a, yɛɛ Dwuda mɔɔ le Hasɛnua ara nrenya ne la le suakpole ne azo neavolɛ mɔɔ tɔ zolɛ nwiɔ.

Yizikeɛle Buluku ne 44:24

Saa kpolera si a, sɛlɛvolɛma ne bayɛ ndɛnebuavolɛma na bɛabua edwɛkɛ ne, kɛmɔ me mɛla ne se la. Bɛbali me mɛla nee me ngyehyɛlɛ ne mɔ azo, na bɛazie me ɛvoyia ne mɔ nee me Ɛnwomenlelielɛ Kenle ne mɔ nwuanzanwuanza.

Malakae Buluku ne 2:7

Ɔluakɛ ɔwɔ kɛ ndelebɛbo finde sɛlɛvolɛ biala anloa edwɛkɛ nu, yɛɛ ɔwɔ kɛ menli fa ɛzukoalɛdeɛ wɔ ye ɛdendɛlɛ nu, ɔboalekɛ ɔle Tumivolɛ Ɛdɛnkɛma soanvolɛ.

Ɛzoanvolɛma Gyima ne 20:28

Bɛnlea bɛ nwo boɛ na bɛnlea mboane ne mɔ mɔɔ Sunsum Nwuanzanwuanza ne ɛva bɛ ɛwula bɛ sa nu la boɛ. Bɛnlea Nyamenle asɔne ne mɔɔ yeva ɔ Ra ne mogya a yekpondɛ la azo boɛ.

Mɛla 16:18

“Bɛye ndɛnebuavolɛma na bɛdu maanle mgbanyima wɔ bɛ azua ne mɔ mɔɔ Ɛdɛnkɛma bɛ Nyamenle ne kɛva kɛmaa bɛ la azo, kɛmɔ bɛ mbusua ekpunli ekpunli ne mɔ de la. Ɔwɔ kɛ menli ɛhye mɔ nea di menli ne mɔ edwɛkɛ wɔ pɛlepɛle adenle zo; ɔnle kɛ bɛnea sonla nyunlu.