1 Edk 23:24 - BAEBOLO ANZƐƐ BULUKU NWUANZANWUANZA

²⁴ Ɛnee Livae abo zo amra mbusua ekpulike ekpulike ne mɔ ɛne. Bɛhɛlɛ abusua ko biala nee nuhua menli ne aluma wɔ buluku nu bɛzie ɛkɛ. Ɔ bo zo amra ɛhye mɔ ko biala mɔɔ kɛli ɛvolɛ abulanwiɔ mɔɔ kɔ la, ɔwɔ kɛ yɛ Ɛdɛnkɛma Ɛzonlenlɛ Sua ne gyima ne bie.

1 Edk 23:24 ပူးပေါင်းရင်းမြစ်များ

1 Edk 23:23

Mɛlɛlae ara nrenya ne mɔɔ tɔ zolɛ nwiɔ la, Muhyae, wole mrenya nsa. Bɛmɛ a le Malae, Yida, yɛɛ Gyɛlɛmo.

1 Edk 23:27

Na ɔlua Devidi ngyehyɛlɛ ne azo, bɛyɛle ye kɛ Livaenli biala mɔɔ kɛli ɛvolɛ abulanwiɔ la ɔwɔ kɛ yɛ nyamenlezonlenlɛ gyima ne bie.

1 Edk 23:3

Ɔdianle mrenya mɔɔ wɔ Livae abusua ekpunli ne anu, mɔɔ ɛli ɛvolɛ abulasa mɔɔ kɔ la, na bɛnyianle apenle ngoko abulasa nee mɔtwɛ.

2 Edk 31:17

Bɛfa sɛlɛvolɛma ne bɛfi bɛ ze mɔ anu, yɛɛ Livaema mɔɔ ɛli ɛvolɛ abulanwiɔ mɔɔ kɔ la, bɛnea gyima mɔɔ bɛyɛ wɔ bɛ ekpunli ekpunli ne mɔ anu la na bɛava bɛ.

Ɛzela Buluku ne 3:8

Menli ne vi nlɔnu rale Ɛzonlenlɛ Sua ne anwo wɔ Gyɛlusalɛm la, ye ɛvolɛ nwiɔ, siane nwiɔ ne azo yɛɛ bɛbɔle sua ne ɛzilɛ bo a. Zɛlɛbabɛle, Dwɔhyua, nee bɛ mediema mɔɔ ɛha la, sɛlɛvolɛma nee Livaema mɔɔ ɛnee bɛ muala bɛhye bɛ bɛhɔ nlɔnu na bɛzia bɛra Gyɛlusalɛm la amuala zɔle nu kɛ bɛsi sua ne. Bɛvale Livaema mɔɔ ɛli ɛvolɛ abulanwiɔ mɔɔ kɔ la kɛ bɛnlea bɛmaa bɛzi Ɛdɛnkɛma Ɛzonlenlɛ Sua ne.

Nihɛmaya Buluku ne 7:1

Akee bɛwiele bane ne kɔsɔɔti die. Menduoduale nlenkɛ mgbole ne mɔ ɛbonle, menyeyele nlenkɛ mgbole ne mɔ sinzavolɛma, edwɛndolɛma yɛɛ Livaema.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 1:18

vɛlɛle menli ne kɔsɔɔti wɔ siane nwiɔ ne anu, ye kenle ne mɔɔ lumua la azo na bɛhɛlɛle bɛ aluma, kɛmɔ bɛ mbusua ekpunli ekpunli nee bɛ mbusua ekpulike ekpulike ne mɔ de la. Bɛhɛlɛle menli mɔɔ ɛli ɛvolɛ abulanwiɔ mɔɔ kɔ la aluma na bɛdianle bɛ,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 10:17

Saa bɛtudu Ndanlɛ Sua ne bɛwie a, Gɛhyɔn nee Mɛlɛlae mbusua ekpulike ne mɔ mɔɔ soa la akee tɔ adenle zo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 10:21

Akee Kohate abusua ekpulike ne mɔɔ soa ninyɛne nwuanzanwuanza ne mɔ la toa bɛ. Saa bɛdwu azokoɛleɛ fofolɛ a, ɔwɔ kɛ bɛkyehyɛ Ɛdɛnkɛma Ndanlɛ Sua ne bɛwie kolaa na Livaema mɔɔ zo ninyɛne nwuanzanwuanza ne mɔ la adwu ɛkɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:5

Ɔwɔ kɛ ɛdawɔ nee ɛ mra mrenya angomekye a yɛ gyima wɔ Ɛleka Nwuanzanwuanza ne nee azukponle ne anwo a, amaa meanva Yizilayɛma anwo ɛya bieko.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 2:32

Yizilayɛma mɔɔ bɛdianle bɛ ekpunli ekpunli nee awuke awuke la, bɛ kɔsɔɔti bɛle apenle ngoko ɛya nsia nee nsa, menli ɛya nnu abulanlu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 3:15

“Tia Livaema ne amuala. Bɔ ye wɔ bɛ ze mɔ awuke nu kɔdwu bɛ mbusua ekpulike ekpulike ne mɔ azo. Bɔ ye mrenya mɔɔ ɛli siane ko mɔɔ kɔ la anwo zo.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 3:47

Ɔwɔ kɛ bɛtua sonla ko biala ati dwɛtɛ fufule nnu, kɛmɔ bɛ ezukoa awolɛ ne mɔ de la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 4:23

na kɛlɛ mrenya mɔɔ ɛli ɛvolɛ abulasa mɔɔ kɔdwu abulanlu, mɔɔ kola yɛ gyima la aluma maa bɛyɛ gyima wɔ Ɛdɛnkɛma Ndanlɛ Sua ne anu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 4:3

na bɛhɛlɛ mrenya mɔɔ ɛli ɛvolɛ abulasa mɔɔ kɔdwu abulanlu, mɔɔ kola gyima yɛ la aluma bɛmaa bɛyɛ Ɛdɛnkɛma Ndanlɛ Sua ne anu gyima.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 8:24

“Mɔɔ Livaema bayɛ la ɛne: Livaenli biala mɔɔ ɛli ɛvolɛ abulanwiɔ nee nnu mɔɔ kɔ la bahɔ Ndanlɛ Sua ne anu ahɔyɛ gyima.