1 Edk 23:23 - BAEBOLO ANZƐƐ BULUKU NWUANZANWUANZA

²³ Mɛlɛlae ara nrenya ne mɔɔ tɔ zolɛ nwiɔ la, Muhyae, wole mrenya nsa. Bɛmɛ a le Malae, Yida, yɛɛ Gyɛlɛmo.

1 Edk 23:23 ပူးပေါင်းရင်းမြစ်များ

1 Edk 23:22

Ɛlieza anwo nrenya na yeawu. Ɔ mra ne mɔ amuala le mraalɛ ngome. Ɔ mra mraalɛ ne mɔ gyale ɔ diema Kehye amra mrenya ne mɔ.

1 Edk 23:24

Ɛnee Livae abo zo amra mbusua ekpulike ekpulike ne mɔ ɛne. Bɛhɛlɛ abusua ko biala nee nuhua menli ne aluma wɔ buluku nu bɛzie ɛkɛ. Ɔ bo zo amra ɛhye mɔ ko biala mɔɔ kɛli ɛvolɛ abulanwiɔ mɔɔ kɔ la, ɔwɔ kɛ yɛ Ɛdɛnkɛma Ɛzonlenlɛ Sua ne gyima ne bie.

1 Edk 24:30

Muhyae wole mrenya nsa: Malae, Yidɛ, yɛɛ Gyɛlemo. Ɛhye mɔ amuala le Livae mbusua mgbanyinli.

2 Edk 35:4

Bɛboɔboa bɛ nloa wɔ bɛ ekpunli ekpunli ne mɔ anu, kɛmɔ bɛ ze mɔ mbusua ne mɔ de la, na bɛyɛ bɛ gyima ne, kɛmɔ Yizilayɛ Belemgbunli Devidi nee ɔ ra Sɔlɔmɔn hyehyɛle dole ɛkɛ ne la.

2 Edk 8:14

Kɛmɔ ɔ ze Devidi hyehyɛle la, Sɔlɔmɔn hyɛle sɛlɛvolɛma gyima ne manle bɛ. Eza ɔhyɛle Livaema ne mɔ mɔɔ bado ayɛlɛyelɛ edwɛne aboa sɛlɛvolɛma ne la gyima ne ɔmanle bɛ, kɛmɔ kenle ko biala gyima ne si de la. Ɔhyɛle nlenkɛ mgbole sinzavolɛma ɔmanle ekpunli ko biala nwunle nlenkɛ mgbole mɔɔ bɛbazinza la, kɛmɔ Nyamenle sonla Devidi hyehyɛle dole ɛkɛ ne la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:19

Mɛlɛlae wole mrenya nwiɔ: Maalae nee Muhyae. Livae mbusua ne mɔ, kɛmɔ bɛ awolɛndoazo ne mɔ de la ɛne.