1 Edk 23:13 - BAEBOLO ANZƐƐ BULUKU NWUANZANWUANZA

¹³ Amelam a wole Aalɔn nee Mosisi a. (Bɛdule Aalɔn nee ɔ bo zo amra bɛziele ahane kɛ bɛmɛ ala a bɛnlea ninyɛne mɔɔ anwo te na bɛfa bɛsonle Nyamenle la azo dahuu a, eza ɔwɔ kɛ bɛmɛ a bɛkpu ɛyɛlɛ wɔ mekɛ biala mɔɔ bɛlɛsonle Ɛdɛnkɛma la, na bɛsɛlɛ Ɛdɛnkɛma nyilalɛ bɛmaa menli ne dahuu a.

1 Edk 23:13 ပူးပေါင်းရင်းမြစ်များ

1 Edk 23:12

Kohate wole mrenya nna: Amelam, Yezehaa, Hibulɔn, yɛɛ Ɛzeɛle.

1 Edk 6:3

Amelam wole mrenya nwiɔ: Aalɔn nee Mosisi. Eza ɔwole raalɛ ko, bɛfɛlɛ ye Meleam. Aalɔn wole mrenya nna: Needabe, Abaehu, Ɛlieza, yɛɛ Yitamaa.

1 Edk 6:34

Ɛlekeena, Gyɛloham, Yilayɛle, Towa,

Edwɛndolɛ Buluku ne 106:16

Mɔɔ menli mɔɔ wɔ azokoɛleɛ ne la anye bolole Mosisi nee Aalɔn, nwuanzanwuanza ko ne mɔɔ Ɛdɛnkɛma ɛye ye la,

Edwɛndolɛ Buluku ne 99:6

Mosisi nee Aalɔn boka ye sɛlɛvolɛma ne, Samoɛle boka bɛdabɛ mɔɔ bɛzonlenle ye la. Bɛdeanle bɛvɛlɛle Ɛdɛnkɛma, na ɔliele bɛ zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:36

“Fa ezukoa nvutuke tagyee bolo yɛ ye ɛdɛbaa na kɛlɛ zolɛ, ‘Bɛdu bɛzie ɛkɛ bɛmaa Ɛdɛnkɛma.’

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:44

Mebade Ndanlɛ Sua ne nee azukponle ne anwo na meadu Aalɔn nee ɔ mra mrenya meazie ahane kɛ bɛle me sɛlɛvolɛma.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:20

Amelam gyale ɔ ze adiema raalɛ Dwɔkɛbɛde na ɔwole Aalɔn nee Mosisi. Aalɔn lile ɛvolɛ ɛya ko abulasa nee nsuu.

Sɛlɛ 10:10

Ɔwɔ kɛ bɛnwu mɔɔ le nwuanzanwuanza la na bɛnwu mɔɔ anwo ɛngyia la; ɔwɔ kɛ bɛnwu mɔɔ anwo te la na bɛnwu mɔɔ anwo ɛnde la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:1

Akee Ɛdɛnkɛma zele Aalɔn kɛ, “Ɛdawɔ, ɛ mra mrenya nee Livaema a banwu amaneɛ wɔ nvonleɛ biala mɔɔ kɛra Ndanlɛ Sua ne anu gyimayɛlɛ nu la; na ɛdawɔ nee ɛ mra mrenya bɛ ngomekye yɛɛ bɛbanwu amaneɛ wɔ nvonleɛ biala mɔɔ kɛra sɛlɛvolɛma gyimalilɛ ne anu la a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 26:59

ɔgyale Livae ara raalɛ Dwɔkɛbɛde mɔɔ bɛwole ye Yigyibiti la. Dwɔkɛbɛde nee ɔ hu Amelam wole mralɛ mrenya nwiɔ, Aalɔn nee Mosisi, yɛɛ raalɛ ko, Meleam.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 3:27

Amelam, Yezaa, Hibulɔn, yɛɛ Ɛzeɛle mbusua ne mɔ a bɔ nu yɛ Kohate abusua ekpulike ne a.

Edwɛkpa ne kɛmɔ Luku hɛlɛle la 1:9

Kɛmɔ sɛlɛvolɛma ngyehyɛlɛ ne de la, bɛguale nzeleba ne la ɔbɔle Zɛkalaya kɛ yemɔ a ɔwɔ kɛ ɔkpu ɛyɛlɛ wɔ azukponle ne azo a. Yemɔti ɔhɔwolole Ɛzonlenlɛ Sua ne anu na ɔhɔle Awulae azukponle ne anwo

Ɛzoanvolɛma Gyima ne 13:2

Mɔɔ ɛnee bɛlɛyɛ nzɛlɛlɛ na bɛlɛkye ɛhɔne la, Sunsum Nwuanzanwuanza ne zele bɛ kɛ, “Bɛdu Baanabase nee Sɔɔlo bɛzie ahane bɛmaa me na memaa bɛhɔyɛ gyima mɔɔ yemɔti menvɛlɛle bɛ la.”

Wulo 1:1

Medame Pɔɔlo, mɔɔ mele Kelaese Gyisɛse akɛlɛ, na Nyamenle ɛvɛlɛ me kɛ membanyɛ ɛzoanvolɛ na yeze me kɛ membɔ ye Edwɛkpa ne nolo la a melɛkɛlɛ kɛlata ɛhye a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:15

Na amuanrɛɛ wɔ ɛhye mɔ amuala anu, ɛnee Nyamenle ɛye me ɛzie ɛkɛ dɛba ɛmaa ɔ nwo, bɔbɔ kolaa na bɛawo me, yɛɛ akee yelua ye ɛlolɛ zo yevɛlɛ me kɛ mendoa ɔ bo zo na menyɛ ye gyima a. Yemɔti mɔɔ mekɛ ne dwule na ɔbɔle kpɔkɛ

Mɛla 10:8

Mekɛ ne anu yɛɛ Ɛdɛnkɛma yele Livae abusua ekpunli ne kɛ bɛzoa Ɛdɛnkɛma Ngyekyeleɛ Ɛlɛka ne, na bɛgyinla ɔ nyunlu bɛzonle ye, na bɛva ye duma bɛyila menli ne a. Bɛyɛ debie zɛhae toonwo a yeradwu ɛnɛ a.

Mɛla 21:5

Ɔwɔ kɛ sɛlɛvolɛma ne, mɔɔ le Livae abo zo amra ne kɔ bie, ɔluakɛ bɛmɛ yɛɛ Ɛdɛnkɛma ɛye bɛ kɛ bɛzonle ye na bɛva ye duma bɛyila menli ne a. Edwɛkɛ biala mɔɔ bɛkɛha wɔ edwɛkɛ mɔɔ ɛbɔ kpolera la anwo anzɛɛ ndɛne biala mɔɔ bɛkɛbua wɔ konle biala anwo la ɛnee ɔdaye ne ala ɛne.

Kɛlata mɔɔ bɛhɛlɛle bɛhɔmanle Hibuluma la 5:4

Awie ko ɔdaye ɔngola ɔnyɛ ɔ nwo sɛlɛvolɛ kpanyinli. Bɛdua Nyamenle ɛvɛlɛlɛ zo a bɛyɛ sonla sɛlɛvolɛ kpanyinli a, kɛmɔ bɛyɛle Aalɔn la.

Yekile 8:3

Nyamenle soanvolɛ ko noko mɔɔ lɛ ezukoa nvutuke dwora mɔɔ bɛyela ɛyɛlɛ evuanlɛ nu la ragyinlanle azukponle ne anwo. Bɛmanle ye ɛyɛlɛ dɔɔnwo kɛ ɔva ɔboka Nyamenle menli ne nzɛlɛlɛ ne anwo na ɔkpu ye wɔ ezukoa nvutuke azukponle ne mɔɔ gyi belemgbunli ebia kpole ne anyunlu la azo.

1 Sam 2:28

Menyele ye abusua ɛdeɛ ne menvile Yizilayɛ mbusua ekpunli ne mɔ amuala anu kɛ bɛmɛ yɛɛ bɛyɛ me sɛlɛvolɛma, bɛzonle wɔ azukponle ne anwo, bɛyela ɛyɛlɛ bɛbɔ azu na bɛwula Yifɔdo bɛrɛla me nyunlu a. Eza memanle bɛ adenle kɛ bɛva azukponle ne azo azubɔdeɛ ne mɔ mɔɔ Yizilayɛma kɛva kɛra la bie.