1 Edk 22:9 - BAEBOLO ANZƐƐ BULUKU NWUANZANWUANZA

⁹ Na ɔbɔle me ɛwɔkɛ kɛ, ‘Ɛbawo ralɛ nrenya mɔɔ bali ye ebia ne anzonudwolɛ nu a, ɔluakɛ mebamaa ɔ nwo adɔ ye wɔ ye agbɔvolɛ mɔɔ ɛbɔ ɛyia ye la kɔsɔɔti asa anu. Bɛbavɛlɛ ye Sɔlɔmɔn, na ye mekɛ zo, mebamaa Yizilayɛma kɔsɔɔti anzo nu adwo bɛ na bɛ nwo adɔ bɛ.

1 Edk 22:9 ပူးပေါင်းရင်းမြစ်များ

1 Arl 1:13

Ka ɛ nwo kɔnwu Belemgbunli Devidi kɛ, ‘Nana, mekakye kɛ ɛbɔle me ɛwɔkɛ kɛ me ra Sɔlɔmɔn a kenle bie bali wɔ agya, azie maanle ye a. Na duzu ati a akee bɛva Adonaegya bɛzie belemgbunli a?’

1 Arl 2:15

Adonaegya hanle kɛ, “Ɛdawɔ ɛze kɛ ɛnee belemgbunlililɛ ne le me ɛdeɛ, mɔɔ Yizilayɛma amuala ze sie a. Noko kɛkala, ninyɛne ɛhakyi ɛmaa ebia ne ɛhɔli me diema Sɔlɔmɔn ɛkɛ. Ɛhye kile kɛ Ɛdɛnkɛma yɛɛ ɛva ɛmaa ye a.

1 Arl 3:7

O Ɛdɛnkɛma, me Nyamenle, mele kakula somaa mɔɔ menze nwolɛ bie, noko wɔva me wɔzie belemgbunli, wɔ egya Devidi abo zo ne.

1 Arl 4:20

Dwudama nee Yizilayɛma akee dale kpole kpalɛ yɛle kɛ ɛnweazo anwea; bɛlile, bɛnlonle na bɛ nye liele.

1 Arl 4:24

Ɛnee Sɔlɔmɔn sie Azule Yufileti adɔleɛ maanzinli ne mɔ amuala, ɛbɔ ye Tefesa mɔɔ kɔ Gaza, arelemgbunli mɔɔ wɔ Yufileti Adɔleɛ la amuala wɔ ɔ bo, yɛɛ ɔ nee maanle maanle mɔɔ nee ye bɔ ɛweɛne la anloa sɛ bɛ nwo.

1 Arl 4:25

Mekɛ mɔɔ ɔde aze la, Dwuda nee Yizilayɛ maanlema anzo nu dwole bɛ, ɔvi Dan maanzinli nu mɔɔ kɔ Biyɛhyiba la, awie biala anwo dɔle ye; ɔlɛ ye vanye nee feege ɛya mɔɔ ɔdidi nuhua a.

1 Arl 5:4

Kɛkala, mame melɛ anzonudwolɛ; Ɛdɛnkɛma ɛmaa me nzo nu ɛdwo me, mende kpɔvolɛ biala nganeɛ yɛɛ esiane biala ɛtɛbale.

1 Arl 8:56

“Bɛye Ɛdɛnkɛma ayɛlɛ kɛ yemaa ye menli ne anzo nu ɛdwo bɛ a. Mɔɔ ɔhanle la ɛyɛ zɔhane. Edwɛkɛ mɔɔ ɔluale ye akɛlɛ Mosisi anwo zo ɔhanle la ɛyɛ nɔhalɛ mɔɔ ko bɔbɔ anga nu a.

1 Edk 17:11

Saa ɛwu a, mebamaa ɛ kunlu mralɛ mrenya ne mɔ ko ayɛ belemgbunli, na ye belemgbunlililɛ ne bayɛ kpole.

1 Edk 22:18

Ɔzele bɛ kɛ, “Ɛdɛnkɛma bɛ Nyamenle ne nee bɛ ɛlua na yemaa bɛ anzonudwolɛ wɔ adenle biala anu. Yemaa meli menli mɔɔ anrɛɛ de azɛlɛ ye azo la amuala anwo zo konim, na kɛkala bɛwɔ bɛdabɛ nee Ɛdɛnkɛma abo.

2 Edk 6:15

Wɔli wɔ ɛwɔkɛ mɔɔ ɛbɔle me ze Devidi la azo na wɔlua wɔ tumi zo wɔmaa ɛnɛ debie biala ɛyɛ zɔhane.

Dwobu Buluku ne 34:29

“Saa ɔyɛ koonwu a, nwane a kɛbu ye fɔlɛ a, yɛɛ ɔfea ɔ nwo a, nwane a kɛnwu ye a, saa maanle o anzɛɛ sonla ko o?

Edwɛndolɛ Buluku ne 72:1

O Nyamenle, kilehile belemgbunli ne wɔ pɛlepɛlelilɛ ne, na kilehile ɔ ra nrenya ne wɔ tenleneyɛlɛ ne.

Edwɛndolɛ Buluku ne 72:7

Maa tenleneyɛlɛ ɛdende ye mekɛ zo, na anzonudwolɛ ɛrɛla dahuu mekɛ mɔɔ ɛnlɛ awieleɛ.

Ayezaya Buluku ne 26:12

O Ɛdɛnkɛma, ɛbamaa yɛ nzo nu adwo yɛ, wɔyɛ yɛ gyima ne kɔsɔɔti wɔmaa yɛ.

Ayezaya Buluku ne 45:7

Medame a mebɔ wienyi nee awozinli a, medame a memaa sonla kpazi na memaa munzule to ye a, medame a mele Ɛdɛnkɛma mɔɔ yɛ ninyɛne ɛhye mɔ kɔsɔɔti a.

Ayezaya Buluku ne 57:19

Anzonudwolɛ, anzonudwolɛ ɛha bɛdabɛ mɔɔ bɛwɔ moa moa nee bɛdabɛ mɔɔ bɛbikye la, medame Ɛdɛnkɛma a mese a; yɛɛ mebayɛ bɛ ayile.

Ayezaya Buluku ne 66:12

Ɛdɛnkɛma se, “Bɛnlea, mebamaa bɛakpazi na maanle maanle ne mɔ anwonyia abu bɛ nwo zo kɛ azule mɔɔ bu aze la. Mebanloa bɛ nyɛfonlɛ, mebavia bɛ me nzi, na meadedɛ bɛ me gyakɛ azo meaha bɛ nwɔhoa.

Hagae Buluku ne 2:9

Amozi sua ɛdeɛ ne bayɛ kɛnlɛma kpole kpalɛ adɛla alumua ɛdeɛ ne, na ɛke yɛɛ mebamaa me menli ne akpazi a, medame Ɛdɛnkɛma a mese a.”

Maanlebuvolɛma Buluku ne 6:24

Akee Gedɛyɔn yɛle azukponle manle Ɛdɛnkɛma na ɔvɛlɛle ye “Ɛdɛnkɛma le anzonudwolɛ.” Na ɛnɛ nee ɛnɛ ala, ɔtɛgyi Ɔfela. Ɔfela le Ebayizɛma sua zo.