1 Edk 22:7 - BAEBOLO ANZƐƐ BULUKU NWUANZANWUANZA

⁷ Ɔzele Sɔlɔmɔn kɛ, “Me ra, ɛnee mekulo kɛ mesi ɛzonlenlɛ sua mefa medi Ɛdɛnkɛma me Nyamenle ne eni.

1 Edk 22:7 ပူးပေါင်းရင်းမြစ်များ

2 Sam 7:1

Akee Devidi bɔle ɔ nwo atɛnlase. Ɛdɛnkɛma bɔle ɔ nwo bane wɔ ye kpɔvolɛma mɔɔ ɛbɔ ɛyia ye la asa anu.

1 Arl 8:29

Sinza Ɛzonlenlɛ Sua ye alehyenlɛ nee aledwolɛ, ɔluakɛ ɛke yɛɛ wɔhile kɛ bɛzonle wɔ a, amaa wɔadie wɔ akɛlɛ nzɛlɛlɛ mɔɔ ɔyɛ wɔ ɛke la.

1 Arl 9:3

Ɛdɛnkɛma zele ye kɛ, “Mede wɔ nzɛlɛlɛ nee wɔ modolɛ mɔ ɛyɛle wɔ ɛke la, yemɔti medu Ɛzonlenlɛ Sua ɛhye mɔɔ wɔzi kɛ bɛzonle me wɔ nuhua la memaa me nwo kɛ ɛkɛ ne a bɛzonle me dahuu a. Mebanlea zolɛ na meabɔ nwolɛ bane.

1 Edk 22:19

Zɔhane ati bɛva bɛ ahonle nee bɛ ɛkɛla muala bɛzonle Ɛdɛnkɛma bɛ Nyamenle ne. Bɛdwazo bɛzi Ɛdɛnkɛma bɛ Nyamenle ne Ɛzonlenlɛ Sua ne, amaa bɛanyia ɛleka kpalɛ bɛava Ɛdɛnkɛma Ngyekyeleɛ Ɛlɛka ne nee Nyamenle ahyɛnze nwuanzanwuanza ne mɔ mɔɔ bɛfa bɛsonle ye la bɛazie.”

1 Edk 29:3

Ɛye ɛhye mɔ ɛsie ahane a, medame meva me ti anwo dwɛtɛ fufule nee ezukoa nvutuke mevi me gya nu meboa, ɔboalekɛ mekulo kɛ bɛsi Nyamenle Ɛzonlenlɛ Sua ne.

2 Edk 2:4

Nea, mesi sua meamaa bɛazonle Ɛdɛnkɛma me Nyamenle ne wɔ nu. Mebadu sua ne meazie ɛkɛ meamaa ye na bɛayela ɛyɛlɛ mɔɔ bɔ evuanlɛ la bɛamaa ye, na yɛava yɛ kpanwo nwuanzanwuanza azubɔdeɛ ne yeamaa ye dahuu. Yɛbayela nane yeabɔ azu wɔ ɛkɛ ne nwonlomɔ nee nɔsolɛ, Ɛnwomenlelielɛ Kenle ne, nee Siane Fofolɛ Ɛvoyialilɛ, yɛɛ ɛvoyia ngakyile mɔɔ ɛha la ɛlilɛ nu. Ɛdɛnkɛma yɛ Nyamenle ne a ɛhyehyɛ na yeyila zolɛ yemaa Yizilayɛma kɛ bɛyɛ ye zɔhane dahuu a.

Ɛzela Buluku ne 6:12

Yɛsɛlɛ kɛ Nyamenle mɔɔ ɔdaye yehyehyɛ kɛ ye duma ɛdɛnla ɛkɛ ne dahuu la, ɛmaa bɛdu belemgbunli anzɛɛ bɛhu maanlema mɔɔ kɛdwazo kɛ bɛsɛkye mɛla ɛhye, anzɛɛ bɛsɛkye Ɛzonlenlɛ Sua ne mɔɔ wɔ Gyɛlusalɛm la. Medame Dalayɛse a meyɛ mɛla ɛhye a. Bɛmaa awie biala ɛli zolɛ kpalɛ.”

Edwɛndolɛ Buluku ne 132:5

kɔkpula kɛ menwɔnyia ɛleka menwɔmaa Ɛdɛnkɛma, ɛleka mɔɔ Gyekɔbo Tumivolɛ Nyamenle ne badɛnla la.”

Mɛla 12:11

yɛɛ bɛbahɔ ɛleka mɔɔ ɔdaye Ɛdɛnkɛma bɛ Nyamenle ne kɛhile kɛ bɛva ye duma bɛvɛlɛ ye la, na bɛahɔzonle a. Ɛkɛ ne yɛɛ bɛbava mɔɔ meha mehile bɛ la amuala: bɛ ɛyelalɛ azubɔlɛ ninyɛne, bɛ azubɔlɛ ngakyile ne mɔ ninyɛne, bɛ ngyɛnu bulu ɛkpɔ ngoko ne mɔ, bɛ ahyɛlɛ ninyɛne nee bɛ ɛwɔkɛ mɔɔ bɛbɔ Ɛdɛnkɛma la ɛyelɛ kɔsɔɔti bɛahɔ a.

Mɛla 12:21

Saa ɛleka mɔɔ Ɛdɛnkɛma bɛ Nyamenle ne kɛva ye duma kɛdo zolɛ kɛ bɛzonle ye la nee ɛleka mɔɔ bɛde la wale somaa a, ɛnee bɛhu bɛ mboane ne mɔ mɔɔ Ɛdɛnkɛma ɛva ɛmaa bɛ la bie bɛli, kɛmɔ meha la. Bɛli dodo biala mɔɔ bɛkulo la wɔ bɛ azua ne mɔ azo.

Mɛla 12:5

Ɛdɛnkɛma bɛ Nyamenle ne banlea aye ɛleka ko avi bɛ mbusua ekpunli ekpunli ne azɛlɛ ne mɔ anu, na yeava ye duma yeado zolɛ, yɛadɛnla ɛkɛ, na ɛkɛ ne yɛɛ ɔwɔ kɛ bɛkɔ bɛkɔsonle ye a.