1 Edk 22:3 - BAEBOLO ANZƐƐ BULUKU NWUANZANWUANZA

³ Ɔmanle bɛ mbulalɛ dɔɔnwo kɛ bɛva bɛyɛ agbɛlɛko nee nlenkɛ ne mɔ mɔɔ bɛvale ndaboa bɛbobɔle la anzi mbulalɛ mɔɔ bɛfa bɛtoto nu la. Eza ɔmanle bɛ kɔbele dɔɔnwo mɔɔ bɛngola ye suzu a.

1 Edk 22:3 ပူးပေါင်းရင်းမြစ်များ

1 Arl 7:47

Sɔlɔmɔn ammaa bɛandila ninyɛne ɛhye mɔ anloa, ɔboalekɛ ninyɛne ne mɔ zonle, yemɔti awie annwu bɛ ɛnlomboɛ.

1 Edk 22:14

Mɔɔ fane Ɛzonlenlɛ Sua ne ɛzilɛ nwo, mebɔ mɔdenle mezie ezukoa nvutuke ala mɔɔ ɛsuzu a ɔto tone nu tɔno apenle nsa, ɛya nna, yɛɛ dwɛtɛ fufule tɔno apenle ngoko abulasa nee nna. Ɛye ɛhye ɛsie ahane a, kɔbele nee mbulalɛ dɔɔnwo wɔ ɛkɛ mɔɔ ɛmbangyia bieko anwo a. Melɛ mbaka nee awolɛ, noko ɔwɔ kɛ ɛkpondɛ bie dɔɔnwo ɛboka nwolɛ.

1 Edk 29:2

Mebɔ mɔdenle biala mɔɔ menwɔhola la meboɔboa ninyɛne mɔɔ bɛbava bɛazi Ɛzonlenlɛ Sua ne la anloa: ezukoa nvutuke, dwɛtɛ fufule, kɔbele, mbulalɛ, mbaka, awolɛ mɔɔ sonle bolɛ nee mgbɔba ngakyile, awolɛ memeamemea nee mabolo awolɛ.

1 Edk 29:7

sesale ninyɛne ɛhye mɔ manle kɛ bɛva bɛzi Ɛzonlenlɛ Sua ne: ezukoa nvutuke mɔɔ bo tɔno ɛya ko abulasuu, dwɛtɛ fufule mɔɔ bo tɔno ɛya nsa abulanla, kɔbele asɛɛ tɔno ɛya nsia abulanwiɔ, yɛɛ mbulalɛ mɔɔ bo tɔno apenle nsa ɛya nna la.

2 Edk 4:18

Bɛyɛle ninyɛne dɔɔnwo kpalɛ, yemɔti awie angola anzuzu annwu kɔbele dodo mɔɔ bɛvale bɛyɛle la ɛnlomboɛ.

Gyɛlɛmaya Buluku ne 52:20

Mpila nwiɔ ne, angola ne, kɔbele nlankɛ nyinli bulu nee nwiɔ ne mɔɔ angola ne gyi zo, yɛɛ kɔbele ninyɛne mɔɔ Belemgbunli Sɔlɔmɔn ɛyɛ ɛzie Ɛdɛnkɛma Ɛzonlenlɛ Sua ne anu la amuala le ninyɛne mɔɔ yɛ ɛnlomboɛ somaa a.

Mɛla 8:9

Bɛnrɛhyia aleɛ nwo wɔ azɛlɛ ne azo yɛɛ bɛnrɛhyia ɛhwee nwo. Bulalɛ wɔ awolɛ mɔɔ wɔ azɛlɛ ne azo la anu, yɛɛ bɛbadu kɔbele wɔ ye awoka ne mɔ anu.