1 Edk 22:2 - BAEBOLO ANZƐƐ BULUKU NWUANZANWUANZA

² Belemgbunli Devidi manle nyɛvolɛ mɔɔ wɔ maanle ne anu la amuala yiale, na ɔmanle bɛyɛle gyima. Bɛ bie mɔ kpukekpukele awolɛ mgbole mɔɔ bɛfa bɛazi Nyamenle Ɛzonlenlɛ Sua ne la.

1 Edk 22:2 ပူးပေါင်းရင်းမြစ်များ

2 Sam 5:11

Taya Belemgbunli Helam zoanle menli wɔ Devidi anwo ɛkɛ. Ɔmanle kapentama nee suazilɛma vale sida mbaka nee awolɛ hɔzile sua manle ye.

1 Arl 6:7

Awolɛ ne mɔɔ bɛzieziele nwolɛ wɔ ɛleka mɔɔ bɛdule bɛ la a bɛvale bɛzile sua ne a. Zɔhane ati awie ande kɛ bɛlɛfa hamenle anzɛɛ akuma anzɛɛ bulalɛ bie bɛabɔ debie zo wɔ mekɛ mɔɔ bɛlɛsi Ɛzonlenlɛ Sua ne la.

2 Arl 12:12

menli mɔɔ gua belekese nee menli mɔɔ kpukekpuke awolɛ la kakɛ a. Ɔfa bie ɔtɔ mbaka mgbole nee awolɛ mɔɔ bɛfa bɛayɛ sua ne boɛ la na ɔtua sua ne anwo kakɛ biala.

2 Arl 22:6

kapentama, menli mɔɔ si sua la, menli mɔɔ gua belekese la, nee menli mɔɔ kpuke awolɛ la, bɛva bie bɛdɔ mgbunla nee awolɛ mɔɔ bɛfa bɛayɛ sua ne boɛ la.

1 Edk 14:1

Taya Belemgbunli Helam zoanle menli wɔ Devidi ɛkɛ ne. Menli mɔɔ rale la bie mɔ le menli mɔɔ fa awolɛ sisi azua a, yɛɛ bie mɔ le kapentama; bɛvale sida mbaka bɛrale kɛ bɛbazi sua bɛamaa Devidi.

1 Edk 29:1

Belemgbunli Devidi akee zele ɛlɔne mɔɔ rayiale la kɛ, “Me ra Sɔlɔmɔn yɛɛ Nyamenle ɛnlea nu ɛye ye a, noko ɔtɛde kakula, ɔ ti ɛtɛtinle. Gyima ne mɔɔ gyi ɔ nyunlu la le kpole. Ɔluakɛ suakunlu ne mɔɔ bɛbazi la ɛnle sonla ɛdeɛ. Ɔle Ɛdɛnkɛma Nyamenle ne suakunlu.

2 Edk 2:16

Yɛbapɛ mbaka dodo biala mɔɔ ɛkpondɛ wɔ Lɛbanɔn la, na yeakyekye bɛ avile yeava yɛalua nyevile nye yɛara Dwɔpa, na wɔarava wɔahɔ Gyɛlusalɛm.”

2 Edk 2:17

Belemgbunli Sɔlɔmɔn manle bɛdianle nyɛvolɛ mɔɔ wɔ maanle ne anu la amuala, kɛmɔ ɔ ze Devidi yɛle la. Bɛnyianle menli apenle ngoko ɛya ko abulanlu nee nsa, menli ɛya nsia.

Ɛzela Buluku ne 3:7

Akee bɛvale ezukoa bɛmanle menli mɔɔ si sua la nee kapentama, yɛɛ bɛvale aleɛ, nza, nee nwole bɛhɔmanle menli mɔɔ wɔ Saedɛn nee Taya la, amaa bɛava sida mbaka mgbole bɛalua nyevile nye bɛvi Lɛbanɔn bɛara Dwɔpa. Pɛhyea Maanle Maanle Belemgbunli Saelɛse a manle adenle kɛ bɛyɛ ye zɔhane a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:12

Bɛhakye kɛ mekɛ ne anu ɛnee bɛ nee Kelaese avinli twe, ɛnee bɛle nyɛvolɛ mɔɔ bɛmboka Yizilayɛ maanlema ne anwo a, ɛnee bɛnze ngyekyeleɛ ne mɔ mɔɔ ɔlua zo a Nyamenle bɔle ye menli ne ɛwɔkɛ la anwo bie. Bɛdɛnlanle ewiade ye anu kɛ menli mɔɔ ɛnlɛ anyelazo na bɛnze Nyamenle la.