1 Edk 22:19 - BAEBOLO ANZƐƐ BULUKU NWUANZANWUANZA

¹⁹ Zɔhane ati bɛva bɛ ahonle nee bɛ ɛkɛla muala bɛzonle Ɛdɛnkɛma bɛ Nyamenle ne. Bɛdwazo bɛzi Ɛdɛnkɛma bɛ Nyamenle ne Ɛzonlenlɛ Sua ne, amaa bɛanyia ɛleka kpalɛ bɛava Ɛdɛnkɛma Ngyekyeleɛ Ɛlɛka ne nee Nyamenle ahyɛnze nwuanzanwuanza ne mɔ mɔɔ bɛfa bɛsonle ye la bɛazie.”

1 Edk 22:19 ပူးပေါင်းရင်းမြစ်များ

1 Arl 5:3

“Ɛdawɔ ɛze kɛ egya Devidi angola anzi sua ammaa Ɛdɛnkɛma yɛ Nyamenle ne, ɔboalekɛ ye kpɔvolɛma mɔɔ ɛnee ɛbɔ ɛyia ye la vale konle gyegyele ye dɔɔnwo na nzinlii, ɔdaye Ɛdɛnkɛma ɔhonle ɔmanle ye na ɔlile bɛ muala bɛ nwo zo konim.

1 Arl 8:21

Eza meyɛ ɛleka wɔ Ɛzonlenlɛ Sua ne anu meva Ɛdɛnkɛma Ngyekyeleɛ Ɛlɛka ne mɔɔ awolɛ ndɛbandɛba ne mɔ wɔ nu la mezie ɛkɛ. Ɔ nee yɛ nlenya mɔ a yɛle ngyekyeleɛ ne wɔ mekɛ mɔɔ ɔyele bɛ ɔvile Yigyibiti la a.”

1 Arl 8:6

Akee sɛlɛvolɛma ne mɔ vale Ɛdɛnkɛma Ngyekyeleɛ Ɛlɛka ne raziele Ɛzonlenlɛ Sua ne Nwuanzanwuanza Nu Nwuanzaanwu Ɛleka ne wɔ abɔdeɛ nwiɔ ne mɔɔ lɛ ndɛbalɛ la abo.

1 Edk 16:10

Bɛli fɛlɛko wɔ ye duma nwuanzanwuanza ne ati; bɛmaa bɛdabɛ mɔɔ bɛkpondɛ Ɛdɛnkɛma la anye ɛlie.

1 Edk 16:11

Bɛkpondɛ Ɛdɛnkɛma nee ye anwosesebɛ ne, bɛkpondɛ ɔ nyunlu dahuu.

1 Edk 22:16

Dwinvolɛma ɛhye mɔ kola fa ezukoa nvutuke, dwɛtɛ fufule, kɔbele, yɛɛ mbulalɛ yɛ gyima. Zɔhane ati bɔ gyima ne abo, Ɛdɛnkɛma nee wɔ ɛdɛnla.”

1 Edk 22:7

Ɔzele Sɔlɔmɔn kɛ, “Me ra, ɛnee mekulo kɛ mesi ɛzonlenlɛ sua mefa medi Ɛdɛnkɛma me Nyamenle ne eni.

1 Edk 28:9

Akee ɔzele Sɔlɔmɔn kɛ, “Me ra, mese wɔ kɛ, die ɛ ze Nyamenle ne to nu na fa wɔ ahonle muala nee adwenle mɔɔ di munli la sonle ye. Ɔze yɛ adwenle nee mɔɔ yɛkpondɛ la. Saa ɛkɔ ye ɛkɛ ne a, ɔbalie wɔ. Na saa ɛkakyi ɛ nzi ɛsi ye a, ɔbakpo wɔ bɔkɔɔ.

2 Edk 20:3

Ɛzulolɛ hanle Gyɛhɔhyafate na ɔzɛlɛle moalɛ ɔvile Ɛdɛnkɛma ɛkɛ ne, na ɔzele kɛ Dwudama kɔsɔɔti ɛhye ɛhɔne.

2 Edk 5:7

Akee sɛlɛvolɛma ne vale Ɛdɛnkɛma Ngyekyeleɛ Ɛlɛka ne raziele ɛleka mɔɔ bɛziezie bɛmaa ye wɔ Ɛzonlenlɛ Sua ne anu, wɔ Nwuanzanwuanza Nu Nwuanzaanwu Ɛleka ne, wɔ abɔdeɛ nwiɔ ne mɔɔ lɛ ndɛbalɛ la abo.

2 Edk 6:11

Meva Ngyekyeleɛ Ɛlɛka ne mezie Ɛzonlenlɛ Sua ne anu. Nuhua yɛɛ awolɛ ndɛbandɛba ne mɔɔ Ɛdɛnkɛma nee Yizilayɛma ngyekyeleɛ ne mɔɔ bɛyɛle la wɔ zolɛ la wɔ a.”

Edwɛndolɛ Buluku ne 119:2

Nyilalɛ ɛha bɛdabɛ mɔɔ bɛdi ye ngyehyɛlɛ zo, na bɛfa bɛ ahonle muala bɛkpondɛ ɔ bo zo,

Edwɛndolɛ Buluku ne 14:2

Ɛdɛnkɛma bele ɔ nye anwuma lɔ nea menli, ɔnea saa nrɛlɛbɛvolɛma bie wɔ nu mɔɔ sonle Nyamenle a.

Edwɛndolɛ Buluku ne 27:4

Debie ko yɛɛ mebiza ye Ɛdɛnkɛma ɛkɛ a, na yemɔ yɛɛ mebakpo ɔ bo zo a; kɛ menwɔdɛnla Ɛdɛnkɛma sua nu dahuu, wɔ mekɛ mɔɔ mede ngoane nu, kɛ menwɔnwu kɛ Ɛdɛnkɛma kɛnlɛma si de, na meabiza moalɛ wɔ ye Ɛzonlenlɛ Sua ne anu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 25:8

Maa menli ne ɛziezie ɛleka nwuanzanwuanza ɛmaa me, amaa meadɛnla bɛ avinli.

Ayezaya Buluku ne 60:1

Bɛdwazo, bɛda, ɔluakɛ bɛ wienyi ne ɛra, Ɛdɛnkɛma anyunlunyia ne ɛlɛta.

Gyɛlɛmaya Buluku ne 29:13

Bɛbakpondɛ me, na bɛbanwu me. Saa bɛfa bɛ ahonle muala bɛkpondɛ me a, bɛbanwu me.

Daneɛle Buluku ne 9:3

Mengyele ɛhɔne, mengedale ɛrele, membɔle nzonle na membodole menzɛlɛle Awulae Nyamenle.

Hagae Buluku ne 1:5

Zɔhane ati medame Tumivolɛ Ɛdɛnkɛma, mese: Bɛnlea kɛ bɛwie ye a.

Hagae Buluku ne 1:8

Bɛhɔ awoka ne mɔ azo lɔ bɛhɔva mbaka bɛrazi sua ne, amaa me nye alie nuhua, na meala me anyunlunyia ne ali wɔ nuhua. Medame Ɛdɛnkɛma a mese a.

Ɛzoanvolɛma Gyima ne 11:23

Mɔɔ ɔhɔdwule na ɔnwunle kɛ Nyamenle ɛzi ɛlo menli ne la, ɔlile fɛlɛko na ɔzile bɛ kɛnra kɛ bɛva bɛ ahonle muala bɛzɔ diedi ne anu kpalɛ na bɛli nɔhalɛ bɛmaa Awulae.

Ɛzoanvolɛma Gyima ne 22:16

Na duzu ati a akee ɛlɛkendɛ bieko ɛ? Dwazo na sɛlɛ maa bɛzɔne wɔ bɛnrinzi wɔ ɛtane ne mɔ bɛgua.’

Mɛla 4:29

Na ɛkɛ ne yɛɛ akee bɛbakpondɛ Ɛdɛnkɛma bɛ Nyamenle ne a. Na saa bɛfa bɛ ahonle kpokpoti nee bɛ ɛkɛla kpokpoti bɛkpondɛ ye ɛdeɛ a, yemɔ bɛbanwu ye.