1 Edk 22:18 - BAEBOLO ANZƐƐ BULUKU NWUANZANWUANZA

¹⁸ Ɔzele bɛ kɛ, “Ɛdɛnkɛma bɛ Nyamenle ne nee bɛ ɛlua na yemaa bɛ anzonudwolɛ wɔ adenle biala anu. Yemaa meli menli mɔɔ anrɛɛ de azɛlɛ ye azo la amuala anwo zo konim, na kɛkala bɛwɔ bɛdabɛ nee Ɛdɛnkɛma abo.

1 Edk 22:18 ပူးပေါင်းရင်းမြစ်များ

2 Sam 7:1

Akee Devidi bɔle ɔ nwo atɛnlase. Ɛdɛnkɛma bɔle ɔ nwo bane wɔ ye kpɔvolɛma mɔɔ ɛbɔ ɛyia ye la asa anu.

1 Edk 22:9

Na ɔbɔle me ɛwɔkɛ kɛ, ‘Ɛbawo ralɛ nrenya mɔɔ bali ye ebia ne anzonudwolɛ nu a, ɔluakɛ mebamaa ɔ nwo adɔ ye wɔ ye agbɔvolɛ mɔɔ ɛbɔ ɛyia ye la kɔsɔɔti asa anu. Bɛbavɛlɛ ye Sɔlɔmɔn, na ye mekɛ zo, mebamaa Yizilayɛma kɔsɔɔti anzo nu adwo bɛ na bɛ nwo adɔ bɛ.

1 Edk 23:25

Devidi zele bɛ kɛ, “Yizilayɛ Ɛdɛnkɛma Nyamenle ne ɛmaa ye menli ne anzo nu ɛdwo bɛ, yɛɛ ɔdaye mumua ne ɔbadɛnla Gyɛlusalɛm ɛke dahuu.

Ɛzoanvolɛma Gyima ne 9:31

Ɔlua Sɔɔlo ɛhakyilɛ zo akee Asɔne ne mɔɔ wɔ Dwudiya, Galeli, yɛɛ Samɛlea la nyianle anzonudwolɛ na ɔnyinle. Na ɔlua Sunsum Nwuanzanwuanza ne moalɛ zo Asɔne ne nyianle anwosesebɛ, menli dɔɔnwo rale nu na bɛvale Nyamenlezulolɛ bɛluale.

Wulo 8:31

Saa ɔle zɛhae ɛdeɛ a, ɛnee akee kɛ yɛzi yɛha ye ɛ? Saa Nyamenle gyi yɛ nzi a nwane a kɛhola yɛ a?

Mɛla 20:4

Ɔluakɛ Ɛdɛnkɛma bɛ Nyamenle ne, yemɔ yɛɛ ɔ nee bɛ kɔ ɔ nee bɛ kpɔvolɛma ne ahɔho na yeamaa bɛali konim a.’

Dwɔhyua Buluku ne 10:42

Dwɔhyua lile arelemgbunli ɛhye mɔ amuala anwo zo konim, ɔvale bɛ azɛlɛ ne, ɔboalekɛ Ɛdɛnkɛma, Yizilayɛ Nyamenle ne, honle manle Yizilayɛma.

Dwɔhyua Buluku ne 22:4

Kɛkala, Ɛdɛnkɛma bɛ Nyamenle ne ɛmaa Yizilayɛma anzo nu ɛdwo bɛ, kɛmɔ ye ɛwɔkɛ ne se la. Yemɔti bɛhɔ sua nu, wɔ azɛlɛ ne mɔɔ bɛ sa ɛha ye la azo, wɔ Dwɔdan aduduleɛ lɔ. Ɛdɛnkɛma sonvolɛ Mosisi a vale manle bɛ a.

Dwɔhyua Buluku ne 23:1

Mekɛ ne hɔle bie la, Ɛdɛnkɛma bɔle Yizilayɛma anwo bane wɔ bɛ kpɔvolɛma mɔɔ ɛbɔ ɛyia bɛ la asa anu. Mekɛ ne anu ɛnee Dwɔhyua ɛyɛ kpanyinli,

1 Sam 25:28

Mesɛlɛ wɔ, ɛtane biala mɔɔ meyɛ la, fa kyɛ me. Ɛdɛnkɛma bamaa wɔali belemgbunli, ɛ bo zo amra noko bali belemgbunli, ɔboalekɛ ɛlɛko wɔamaa ye, na melɛ dodo biala mɔɔ ɛbali la, munzule ɛnrɛdo wɔ ɛlɛ.