1 Edk 22:15 - BAEBOLO ANZƐƐ BULUKU NWUANZANWUANZA

¹⁵ Ɛlɛ gyimayɛvoma dɔɔnwo. Ɛlɛ menli mɔɔ bayɛ gyima ɛleka mɔɔ bɛtu awolɛ la, belekyama nee kapentama noko wɔ ɛkɛ, yɛɛ dwinvolɛma dɔɔnwo mɔɔ ze adwinli ngakyile di la wɔ ɛkɛ.

1 Edk 22:15 ပူးပေါင်းရင်းမြစ်များ

2 Sam 5:11

Taya Belemgbunli Helam zoanle menli wɔ Devidi anwo ɛkɛ. Ɔmanle kapentama nee suazilɛma vale sida mbaka nee awolɛ hɔzile sua manle ye.

1 Arl 7:14

Raalɛ kunlanvolɛ bie mɔɔ vi Nafetalae abusua ekpunli nu la a wole ye a, yɛɛ ɔ ze vi Taya. Hulam ɔ ze le dwinvolɛ. Ɔvale kɔbele a ɔyɛle gyima a. Hulam le sonla mɔɔ ze nrɛlɛbɛ, ɔlɛ adwenle, ɔ nye ka aze, yɛɛ ɔlɛ ndelebɛbo wɔ ye gyimayɛlɛ nwo. Na yemɔ yɛɛ Sɔlɔmɔn hɔvale ye manle ɔrayɛle ye kɔbele gyima ne amuala a.

1 Edk 22:14

Mɔɔ fane Ɛzonlenlɛ Sua ne ɛzilɛ nwo, mebɔ mɔdenle mezie ezukoa nvutuke ala mɔɔ ɛsuzu a ɔto tone nu tɔno apenle nsa, ɛya nna, yɛɛ dwɛtɛ fufule tɔno apenle ngoko abulasa nee nna. Ɛye ɛhye ɛsie ahane a, kɔbele nee mbulalɛ dɔɔnwo wɔ ɛkɛ mɔɔ ɛmbangyia bieko anwo a. Melɛ mbaka nee awolɛ, noko ɔwɔ kɛ ɛkpondɛ bie dɔɔnwo ɛboka nwolɛ.

1 Edk 22:16

Dwinvolɛma ɛhye mɔ kola fa ezukoa nvutuke, dwɛtɛ fufule, kɔbele, yɛɛ mbulalɛ yɛ gyima. Zɔhane ati bɔ gyima ne abo, Ɛdɛnkɛma nee wɔ ɛdɛnla.”

2 Edk 2:6

Na nwane a kɛhola kɛzi sua kɛmaa Ɛdɛnkɛma a, wɔ mekɛ mɔɔ anwuma nehane, anwuma anwuma nehane bɔbɔ le ekyi maa ye la? Mame bɔbɔ a le nwane mɔɔ mesi sua meamaa ye a? Kyesɛ ɛleka mɔɔ bɛyela ɛyɛlɛ la ala na meahola meazi.

2 Edk 2:7

Zɔhane ati kpondɛ dwinvolɛ mɔɔ kola fa ezukoa nvutuke, dwɛtɛ fufule, kɔbele, yɛɛ bulalɛ yɛ gyima la maa me. Ɔwɔ kɛ ɔyɛ sonla mɔɔ kola nwo arelemgbunli ndanlɛ kɔkɔlɛ, kɔbenle nee buluwu mɔ la, na eza bɛtete ye mɔɔ ɔkola ɔgua ananze mɔ la. Sonla zɔhane nee dwinvolɛma mɔɔ me ze Devidi ɛye bɛ na bɛ nee me wɔ Dwuda nee Gyɛlusalɛm la a badɛnla ayɛ gyima a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:6

“Ɔwɔ kɛ bɛfa ɛdanlɛ mɔɔ bɛva mboane enrinli buluwu, buluwu nee kɔkɔlɛ afonla, nee kɔkɔlɛ bɛnwo, na bɛfa agbuyia bɛnwo nuhua.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 35:32

mɔɔ bɛfa ezukoa nvutuke, dwɛtɛ fufule nee kɔbele bɛdi la,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 35:35

Yemaa bɛ nrɛlɛbɛ mɔɔ bɛkola bɛfa bɛdi adwinli biala, anwoneɛ nee awolɛ zo ɛhɛlɛlɛ, ninyɛne nu ɛnwolɛ, nee mboane enrinli buluwu, buluwu nee kɔkɔlɛ afonla, nee kɔkɔlɛ, yɛɛ lenen nyɛma ngɛnlɛma ndanlɛ ɛnwonlɛ. Yemɔti bɛkola bɛyɛ gyima ngakyile biala.