1 Edk 22:14 - BAEBOLO ANZƐƐ BULUKU NWUANZANWUANZA

¹⁴ Mɔɔ fane Ɛzonlenlɛ Sua ne ɛzilɛ nwo, mebɔ mɔdenle mezie ezukoa nvutuke ala mɔɔ ɛsuzu a ɔto tone nu tɔno apenle nsa, ɛya nna, yɛɛ dwɛtɛ fufule tɔno apenle ngoko abulasa nee nna. Ɛye ɛhye ɛsie ahane a, kɔbele nee mbulalɛ dɔɔnwo wɔ ɛkɛ mɔɔ ɛmbangyia bieko anwo a. Melɛ mbaka nee awolɛ, noko ɔwɔ kɛ ɛkpondɛ bie dɔɔnwo ɛboka nwolɛ.

1 Edk 22:14 ပူးပေါင်းရင်းမြစ်များ

1 Arl 10:14

Ezukoa nvutuke mɔɔ Sɔlɔmɔn asa ka ye ɛvolɛ ko anu la le tone nu kilo apenle ngoko abulanwiɔ nee nsa.

1 Arl 7:47

Sɔlɔmɔn ammaa bɛandila ninyɛne ɛhye mɔ anloa, ɔboalekɛ ninyɛne ne mɔ zonle, yemɔti awie annwu bɛ ɛnlomboɛ.

2 Arl 25:16

Kɔbele adile ne mɔ mɔɔ Belemgbunli Sɔlɔmɔn manle bɛyɛle bɛduoduale kɔbele mpila ne mɔ azo, ehwili ne mɔ, nee angola kpole ne, bɛyɛ ɛnlomboɛ somaa mɔɔ bɛsuzu a ɔnyɛ boɛ a.

1 Edk 22:15

Ɛlɛ gyimayɛvoma dɔɔnwo. Ɛlɛ menli mɔɔ bayɛ gyima ɛleka mɔɔ bɛtu awolɛ la, belekyama nee kapentama noko wɔ ɛkɛ, yɛɛ dwinvolɛma dɔɔnwo mɔɔ ze adwinli ngakyile di la wɔ ɛkɛ.

1 Edk 22:3

Ɔmanle bɛ mbulalɛ dɔɔnwo kɛ bɛva bɛyɛ agbɛlɛko nee nlenkɛ ne mɔ mɔɔ bɛvale ndaboa bɛbobɔle la anzi mbulalɛ mɔɔ bɛfa bɛtoto nu la. Eza ɔmanle bɛ kɔbele dɔɔnwo mɔɔ bɛngola ye suzu a.

1 Edk 29:2

Mebɔ mɔdenle biala mɔɔ menwɔhola la meboɔboa ninyɛne mɔɔ bɛbava bɛazi Ɛzonlenlɛ Sua ne la anloa: ezukoa nvutuke, dwɛtɛ fufule, kɔbele, mbulalɛ, mbaka, awolɛ mɔɔ sonle bolɛ nee mgbɔba ngakyile, awolɛ memeamemea nee mabolo awolɛ.

Gyɛlɛmaya Buluku ne 52:20

Mpila nwiɔ ne, angola ne, kɔbele nlankɛ nyinli bulu nee nwiɔ ne mɔɔ angola ne gyi zo, yɛɛ kɔbele ninyɛne mɔɔ Belemgbunli Sɔlɔmɔn ɛyɛ ɛzie Ɛdɛnkɛma Ɛzonlenlɛ Sua ne anu la amuala le ninyɛne mɔɔ yɛ ɛnlomboɛ somaa a.

2 Kɔl 8:2

Bɛhɔle sɔnea nu kpole wɔ ndenle dɔɔnwo anu, noko bɛlile fɛlɛko kpole. Ɛnee bɛnlɛ bie suzuamgba ɛdeɛ, noko bɛluale bɛ amaneɛnwunlɛ ne anu bɛvale ninyɛne bɛhyɛle, bɛhilele bɛ atiakunlukɛnlɛma.