1 Edk 22:1 - BAEBOLO ANZƐƐ BULUKU NWUANZANWUANZA

¹ Yemɔti Devidi zele kɛ, “Ɛke yɛɛ Ɛdɛnkɛma Nyamenle ne Ɛzonlenlɛ Sua ne bagyinla a. Ɛke yɛɛ azukponle mɔɔ Yizilayɛma kɔsɔɔti babɔ bɛ ɛyelalɛ azu ne mɔ zolɛ la bagyinla a.”

1 Edk 22:1 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 28:17

Ɛzulolɛ kpole hanle ye na ɔhanle kɛ, “Ɛke yɛ ɛzulolɛ kpole kpalɛ! Ɛke a le Nyamenle sua nu a, na anuhɔlɛ mɔɔ bɛfa nu bɛkɔ anwuma maanle nu la a le ɛke.”

2 Sam 24:18

Gaade rale Devidi ɛkɛ ne kenle ko ne razele ye kɛ, “Kɔ Gyibɛsenli Alɔna ma ɛwozolɛ ɛleka ne kɔzi azukponle maa Ɛdɛnkɛma.”

2 Arl 18:22

Aselea safohyenle ne eza zɔle zo kɛ, “Anzɛɛ bɛka bɛahile me kɛ bɛ rɛle wɔ Ɛdɛnkɛma bɛ Nyamenle ne anu ɔ? Tɛ Ɛdɛnkɛma azua ne yɛɛ ye azukponle ne mɔ a Hɛzikaya ɛmaa bɛbubu bɛ na yeze Dwudama amuala nee bɛdabɛ mɔɔ bɛwɔ Gyɛlusalɛm ɛke la kɛ azukponle ne mɔɔ wɔ Gyɛlusalɛm ɛke la azo ala a ɔwɔ kɛ bɛbɔ azu na bɛsonle la ɔ?

1 Edk 21:30

yɛɛ Devidi angola lɔ kɔ kɔsonle Nyamenle, ɔboalekɛ ɛnee ɔsulo Ɛdɛnkɛma soanvolɛ ne dadeɛ ne.

2 Edk 3:1

Mekɛ ne anu ɛnee Sɔlɔmɔn ɔ ze Belemgbunli Devidi ɛziezie ɛleka mɔɔ bɛbazi Ɛzonlenlɛ Sua ne la ɛwie. Ɛleka ne wɔ Gyɛlusalɛm, wɔ Molaya Boka, ɛleka mɔɔ Ɛdɛnkɛma yele ɔ nwo hilele Devidi mɔɔ Gyibɛsenli Alɔna (Ɔnan) ɛnee wozo ye ma ne la. Belemgbunli Sɔlɔmɔn bɔle sua ne ɛzilɛ bo

2 Edk 32:12

Tɛ Hɛzikaya ɛhye ala a ɛbubu bɛ azukponle nee ɛleka ne mɔ mɔɔ bɛsonle la ɛgua, na yeze bɛdabɛ mɔɔ bɛwɔ Dwuda nee Gyɛlusalɛm amuala la kɛ azukponle kokye ala azo yɛɛ ɔwɔ kɛ bɛbɔ azu na bɛsonle la ɔ?

Edwɛndolɛ Buluku ne 78:60

Ɔkpole ye tɛnlabelɛ ne mɔɔ wɔ Hyaelo, ɛleka mɔɔ ɔdɛnlanle ye menli ne avinli la.

Edwɛkpa ne kɛmɔ Mateyu hɛlɛle la 25:16

Sonvolɛ ne mɔɔ bɛmanle ye nzunza apenle nnu ne la vale ye ɛdeɛ ne hɔlile gua na ɔnyianle nzunza apenle nnu nvasoɛ wɔ nwolɛ.

Mɛla 12:11

yɛɛ bɛbahɔ ɛleka mɔɔ ɔdaye Ɛdɛnkɛma bɛ Nyamenle ne kɛhile kɛ bɛva ye duma bɛvɛlɛ ye la, na bɛahɔzonle a. Ɛkɛ ne yɛɛ bɛbava mɔɔ meha mehile bɛ la amuala: bɛ ɛyelalɛ azubɔlɛ ninyɛne, bɛ azubɔlɛ ngakyile ne mɔ ninyɛne, bɛ ngyɛnu bulu ɛkpɔ ngoko ne mɔ, bɛ ahyɛlɛ ninyɛne nee bɛ ɛwɔkɛ mɔɔ bɛbɔ Ɛdɛnkɛma la ɛyelɛ kɔsɔɔti bɛahɔ a.

Mɛla 12:14

Bɛbava bɛahɔ ɛleka ne mɔɔ Ɛdɛnkɛma kɛnlea mbusua ekpunli ekpunli ne mɔ anu kɛye la ala. Ɛkɛ ne yɛɛ bɛbabɔ bɛ ɛyelalɛ azu ne mɔ na bɛayɛ mɔɔ melɛka meahile bɛ la a.