1 Edk 21:23 - BAEBOLO ANZƐƐ BULUKU NWUANZANWUANZA

²³ Alɔna zele kɛ, “Nana, fa yɛ mɔɔ ɛdawɔ ɛkulo la. Mmatua ye kakɛ. Fa ɛnlankɛ ɛhye mɔ yela bɛ bɔ azu wɔ azukponle ne azo, na fa ndaboa mɔɔ yɛfa yɛwozo hwiiti ne la yɛ ɛyɛne. Eza yɛlɛ hwiiti wɔ ɛkɛ mɔɔ ɛkola ɛfa ɛyɛ ma azubɔdeɛ a. Mefa bɛ muala memaa wɔ.”

1 Edk 21:23 ပူးပေါင်းရင်းမြစ်များ

1 Arl 19:21

Yilaehya ziale na ɔrahunle ye nlankɛ ne mɔ na ɔvale ngyela mbaka ne mɔ ɔyɛle ɛyɛne ɔdonle nlankɛ ne mɔ ɔmanle menli ne lile. Akee ɔvile ɛkɛ na ɔhɔdoale Yilaegya kɛ ye boavolɛ.

1 Edk 21:22

Devidi zele ye kɛ, “Fa wɔ ɛleka ye mɔɔ ɛwozo wɔ hwiiti ne la maa menzi azukponle memaa Ɛdɛnkɛma. Metɔ meadua ye kakɛ. Menva ye mgbane, amaa ewulenzane mɔɔ ɛradɔ yɛ nwo la azi aze.”

1 Edk 21:24

Na Belemgbunli Devidi zele ye kɛ, “Meyɛ wɔ mo, noko akee mekulo kɛ metɔ metua ye kakɛ. Menrɛva debie mɔɔ le wɔ ɛdeɛ la mgbane menrɛmaa Ɛdɛnkɛma, na yeayɛ ɛyelalɛ azubɔdeɛ mɔɔ meandua ɛhwee la.”

Gyɛlɛmaya Buluku ne 32:8

Kɛmɔ Ɛdɛnkɛma zele me ala la, me diema Hanamili rale me nwo ɛkɛ wɔ belemgbunli sinzavolɛma sua nu ɛkɛ, na ɔzele me kɛ, ‘Tɔ me azɛlɛ ne mɔɔ wɔ Anato mɔɔ wɔ Bɛngyaman azɛlɛ zo la, ɔluakɛ wɔmɔ a ɛlɛ nwolɛ adenle kɛ ɛtɔ a. Zɔhane ati tɔ azɛlɛ ne maa ɔrali ɛ sa nu.’ Yemɔti menliele edwɛkɛ ne mendole nuhua kɛ Ɛdɛnkɛma a ɛdendɛ ɛhile me a.

1 Sam 6:14

Ehwili ne hɔle Dwɔhyua mɔɔ vi Bɛte Hyimɛhye ɛkɛ ne la ɛya avule ɛdeɛ ne anu na ɔhɔgyinlanle bolɛ kpole bie anwo. Menli ne mɔ zianyinle nlankɛ ne na bɛbubule ehwili ne bɛyɛle ɛyɛne bɛyelale nlankɛ ne mɔ bɛbɔle azu bɛmanle Ɛdɛnkɛma.