1 Edk 21:2 - BAEBOLO ANZƐƐ BULUKU NWUANZANWUANZA

² Devidi noko zele Dwowabe nee ye safohyenlema mɔɔ ɛha la kɛ, “Bɛhɔ maanle ye anu kɔsɔɔti, bɛbɔ ye Biyɛhyiba bɛhɔdwu Dan, na bɛdia Yizilayɛma amuala. Mekpondɛ kɛ menwu bɛ dodo.”

1 Edk 21:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 21:14

Yemɔti Ebileham dwazole nwonlomɔ mangyee ne ala na ɔvale aleɛ nee nzule nwoma kodoku ko ɔmanle Heega vale dole ɔ kɔme zo, na ɔdole ye nee ɔ ra ne adenle zo. Heega hɔle na ɔhɔluoluale Biyɛhyiba fienemgbole ne anu.

2 Sam 17:11

Me folɛdulɛ a le kɛ, maa bɛboɔboa Yizilayɛma kɔsɔɔti anloa, ɔvi Dan ɔhɔkpula Biyɛhyiba; bɛ somaa bayɛ kɛ ɛnweazo anwea la, na ɛdawɔ mumua ne nea bɛ nwo zo ɛ nee bɛ ɛhɔ konle ne.

2 Sam 24:15

Yemɔti Ɛdɛnkɛma manle ewule nzane dɔle Yizilayɛma anwo, ɔvi nwonlomɔ ne toonwo ɔhɔkpulale kenle ne mɔɔ ɔdaye Ɛdɛnkɛma ɔhilele la. Na ɔvi Dan mɔɔ kɔkpula Biyɛhyiba la, menli apenle ngoko abulasuu wule.

1 Arl 4:25

Mekɛ mɔɔ ɔde aze la, Dwuda nee Yizilayɛ maanlema anzo nu dwole bɛ, ɔvi Dan maanzinli nu mɔɔ kɔ Biyɛhyiba la, awie biala anwo dɔle ye; ɔlɛ ye vanye nee feege ɛya mɔɔ ɔdidi nuhua a.

2 Edk 30:5

Yemɔti bɛyɛle ye mɛla na bɛbɔle ye nolo wɔ Yizilayɛ amuala, ɔvi Biyɛhyiba mɔɔ kɔdwu Dan la, kɛ menli ne ɛrɛla ɛmaa bɛli Akpabɛnwo Ɛvoyia ne wɔ Gyɛlusalɛm, bɛwula Ɛdɛnkɛma, Yizilayɛ Nyamenle ne anyunlunyia. Ɔluakɛ ɛnee bɛtɛbale dɔɔnwo ɛlɛ kɛ bɛbali ɛvoyia ne, kɛmɔ bɛhɛlɛ bɛdo ɛkɛ ne la.

Mrɛlɛbulɛ Buluku ne 29:23

Sonla mɔɔ tu ɔ nwo la adubɛnwo ne gua ɔ nyunlu aze, na mɔɔ le bɛlɛvo la banyia ɔ nyunlu.

2 Kɔl 12:7

Amaa me ti anu anyɛ me fɛ na meadu me nwo wɔ nwanwane ninyɛne dɔɔnwo ne mɔ mɔɔ Nyamenle ɛye ɛhile me la anwo la, bɛwulale debie me nwonane ye anu, Seetan soanvolɛ bie ɔ, ɔgyegye me na ɔbɛlɛ me aze, amaa meandu me nwo.

Maanlebuvolɛma Buluku ne 20:1

Akee Yizilayɛma kɔsɔɔti, ɔvi Dan mɔɔ kɔ Biyɛhyiba nee Geleade la yɛle ko na bɛrayiale nu wɔ Mezepa wɔ Ɛdɛnkɛma duma nu.

1 Sam 3:20

Yemɔti Yizilayɛma kɔsɔɔti, ɔvi maanle ne ati mɔɔ kɔdwu ɔ bo la nwunle kɛ amgba Samoɛle le Ɛdɛnkɛma kpɔmanvolɛ.