1 Edk 21:17 - BAEBOLO ANZƐƐ BULUKU NWUANZANWUANZA

¹⁷ Na Devidi zɛlɛle zɛhae, “O Nyamenle, medame a medi fɔlɛ a. Medame a menganle kɛ bɛhɔdia menli ne a. Na menli ɛhye mɔ, bɛtɛyɛle ɛhwee. Ɛdɛnkɛma, me Nyamenle, tea me nee egya sua nu amra, na gyakyi wɔ menli ne mɔ.”

1 Edk 21:17 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 44:33

Yemɔti mebodo mesɛlɛ wɔ, maa wɔ sonvolɛ, menga ɛke kɛ wɔ kanranli, na maa kakula ne nee ɔ mediema ne mɔ ɛhɔ.

2 Sam 12:10

Kɛmɔ wɔkpo me na wɔva Yulaya aye ne la, dadeɛ nloa ewule ɛnrɛvi wɔ abusua ne anu ɛlɛ.

2 Sam 24:1

Eza Ɛdɛnkɛma vale Yizilayɛma anwo ɛya bieko, na ɔmanle Devidi ahonle futule bɛ nwo. Ɔzele ye kɛ, “Kɔ kɔdia Yizilayɛma nee Dwudama kɔsɔɔti.”

2 Sam 24:17

Mɔɔ Devidi nwunle Nyamenle soanvolɛ ne mɔɔ ɛlɛkuhu menli ne mɔ la, ɔzɛlɛle Ɛdɛnkɛma kɛ, “Mame, meze kɛ meyɛ ɛtane na mebɔ munzule, na mboane ɛhye mɔ, duzu a bɛyɛ a? Mesɛlɛ wɔ, maa wɔ ndeanlɛ ne ɛyɛ me ngome nee egya awuke nu amra ɛdeɛ.”

2 Sam 7:8

“Yemɔti ka kile me sonvolɛ Devidi kɛ, medame Tumivolɛ Ɛdɛnkɛma mese, ‘Menyele wɔ menvile mboane ɛnleanlɛ zo wɔ fiene ne anu kɛ ɛrali me menli Yizilayɛma belemgbunli;

1 Arl 22:17

Maekaya buale kɛ, “Menwu Yizilayɛma amuala kɛ mboane mɔɔ ɛzande awoka zo na bɛnlɛ bɛ menle la, na Ɛdɛnkɛma ɛlɛka kɛ, ‘Mboane ɛhye mɔ ɛnlɛ bɛ menle, yemɔti biala ɛzia ɛhɔ ye sua nu anzonudwolɛ nu.’ ”

1 Edk 21:8

Na Devidi zɛlɛle Nyamenle kɛ, “Meyɛ ɛtane kpole kɛ meyɛ ɛhye a. Mesɛlɛ wɔ, fa kyɛ me na meandwenle nwolɛ.”

Edwɛndolɛ Buluku ne 44:11

Wɔyɛ yɛ kɛ mboane mɔɔ bɛ nee bɛ ɛlɛkɔ ahunleɛ, na wɔkponde yɛ maanle maanle zo.

Edwɛndolɛ Buluku ne 51:14

O Nyamenle, die me fi ewule nu, wɔmɔ Nyamenle, ɛle me ngoanelielɛ, na mebado wɔ ngoanelielɛ nwo edwɛne.

Edwɛndolɛ Buluku ne 51:4

Wɔmɔ ala yɛɛ mevo wɔ, na mebɔ munzule ɛbɛla ɛhye wɔ ɛ nyunlu a, amaa wɔ ndɛnebualɛ ayɛ fɔɔnwo na wɔanli ɛzonle wɔ wɔ ndɛnebualɛ nu.

Edwɛndolɛ Buluku ne 74:1

O Nyamenle, duzu ati a wɔpɛ yɛ wɔgua bɔkɔɔ ɛ? Duzu ati a wɔ ɛya kpu esike yelɛyela wɔ adidileka mboane ɛ?

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:5

Bɛmmabɔ bɛ ti aze bɛmaa bɛ anzɛɛ bɛmmasonle bɛ. Ɔluakɛ medame Ɛdɛnkɛma bɛ Nyamenle ne, mele nungule Nyamenle. Mefa bɛ ze mɔ ɛtane ne mɔ anwo ndeanlɛ metea bɛdabɛ mɔɔ bɛkpɔ me la toonwo ɔkɔdwu awolɛndoazo nsa ne nee nna ne azo,

Yizikeɛle Buluku ne 16:63

Ɛbahakye mɔɔ wɔyɛ la na ɔbayɛ wɔ nyiane, amaa saa mefa wɔ ninyɛndane mɔɔ wɔyɛ la mekyɛ wɔ a, wɔambuke ɛ nloa, ɔboalekɛ nyiane ɛbia wɔ. Medame, Awulae Nyamenle a mese a.”

Dwona Buluku ne 1:12

Dwona zele bɛ kɛ, “Bɛmaa me zo, bɛvuandi me bɛdo nyevile nu na nyevile ne bagua amaa bɛ, ɔluakɛ meze kɛ medame me ti yɛɛ ahumu kpole ɛhye ɛdwazo a.”

Wulo 9:3

meamaa medame me mbusuafo Dwuuma la. Bɛ ti me kunlu a anrɛɛ Nyamenle ɛdua me kakɛ na yekpɔkye me yevi Kelaese anwo.

Dwɔhyua Buluku ne 22:18

Yemɔti ɛnɛ noko eza bɛkpo kɛ bɛnrɛdoa ye ɔ? Saa bɛkpo Ɛdɛnkɛma ɛnɛ a, ɛhyema ɔbava Yizilayɛnli biala anwo ɛya.

1 Dw 3:16

Kɛ ɛhulolɛ de la ɛne: Kelaese dole ye ngoane aze manle yɛ, yemɔti ɔwɔ kɛ yɛdayɛ noko yɛto yɛ ngoane aze yɛmaa yɛ mediema.