1 Edk 21:13 - BAEBOLO ANZƐƐ BULUKU NWUANZANWUANZA

¹³ Devidi zele Gaade kɛ, “Edwɛkɛ ɛdo me, mennwu mɔɔ meka a. Noko mmamaa sonla sa ka me. Maa Ɛdɛnkɛma ɔdaye ɔdea me, ɔluakɛ yemɔ, ye anwunvɔnezelɛ le kpole.”

1 Edk 21:13 ပူးပေါင်းရင်းမြစ်များ

2 Arl 6:15

Mɔɔ Nyamenle kpɔmanvolɛ ne sonvolɛ ne dwazole nwonlomɔ mangyee ne na ɔtudu agyakɛ la, ɔnwunle kɛ ɛlɔne ɛva sua ne. Na ɔbizale Yilaehya kɛ, “O, me menle, na duzu yɛɛ yɛkɛyɛ a? Yɛwu bɔkɔbɔkɔ.”

2 Arl 7:4

Saa yɛse kɛ yɛkɔ suakpole ne azo lɔ a, ɛhɔne wɔ lɔ, yɛbawu; yɛɛ saa yɛde ɛke noko a ewule ko ne ala ɔ. Zɔhane ati bɛmaa yɛhɔ Selea ɛlɔnema ne azokoɛleɛ lɔ. Saa bɛnwu yɛ anwunvɔne a, yɛ ti ngoane ɔ, saa bɛku yɛ noko a, ɔ muala wie ewule ko ne ala.”

2 Edk 28:9

Nyamenle kpɔmanvolɛ bie woale Samɛlea, bɛfɛlɛ ye Odɛde. Ɔhɔyiale Yizilayɛ ɛlɔnema ne mɔɔ ɛlɛba Samɛlea la adenle, na ɔzele bɛ kɛ, “Kɛmɔ Ɛdɛnkɛma, bɛ ze mɔ Nyamenle ne vale Dwudama anwo ɛya la ati yɛɛ ɔyele bɛ ɔmanle bɛlile bɛ nwo zo konim a. Noko bɛmɛ, bɛhu Dwudama somaa bɛmaa Nyamenle akunlu ɛhwe.

Ɛseta Buluku ne 4:11

“Mɛla mɔɔ wɔ suakunlu ɛke la a le kɛ, awie biala, nrenya o, raalɛ o, mɔɔ bɛanvɛlɛ ye na ɔkɛwolo belemgbunli suakunlu ɛkɛ ne kɛ ɔkanwu ye la, ɔwɔ kɛ bɛku ye. Awie biala, ɛbɔ ye belemgbunli folɛdulɛma anwo zo toonwo badwu menli mɔɔ wɔ maanle ye maanzinli ne mɔ kɔsɔɔti anu la, ze mɛla ɛhye. Kyesɛ sonla mɔɔ belemgbunli ne kɛkpogya ye tumi nvutuke kpɔma ne zo kɛhile ye la, yɛɛ kɛnyia ɔ ti a. Na mame noko, ye siane ko ɛne, belemgbunli ɛtɛfɛlɛle me.”

Ɛseta Buluku ne 4:16

“Kɔ na kɔboɔboa Dwuuma mɔɔ wɔ Susa ɛke la amuala anloa, maa bɛhye ɛhɔne na bɛzɛlɛ bɛmaa me. Bɛmmadi debie biala yɛɛ bɛmmano nzule toonwo kenle nsa. Me nee me sonvolɛ mraalɛ ne mɔ yɛdayɛ yɛbayɛ zɔhane ala. Ɛhye anzi, mebahɔ belemgbunli ɛkɛ. Ɛhye tia mɛla ne bɔbɔ ɛdeɛ, noko saa ɔlua ɛhye ati na ɔwɔ kɛ mewu a, menwɔwu.”

Edwɛndolɛ Buluku ne 103:8

Ɛdɛnkɛma le dovolɛ nee anwunvɔnezelɛnli, ɛhulolɛ kpundii ɛyi ye, ɔnva ɛya mgbane mgbane.

Edwɛndolɛ Buluku ne 106:7

Yɛ nlenya mɔ wɔ Yigyibiti la, bɛandwenle wɔ nwanwane gyima ne mɔ anwo; bɛangakye wɔ ɛhulolɛ kpundii kpole ne mɔɔ wɔ bɛ nwo zo la, na bɛdele Anwuma Anwumanli ne anwo atua wɔ Nyevile Kɔkɔlɛ ne anloa.

Edwɛndolɛ Buluku ne 119:156

O Ɛdɛnkɛma, wɔ anwunvɔnezelɛ le kpole; wɔ pɛlepɛlelilɛ ti, maa me ngoane.

Edwɛndolɛ Buluku ne 130:4

Na wɔmɔ, ɛlɛ fakyɛ, amaa bɛazulo wɔ.

Edwɛndolɛ Buluku ne 130:7

O Yizilayɛma, bɛmaa bɛ nye ɛla Ɛdɛnkɛma anwo zo! Ɔluakɛ Ɛdɛnkɛma lɛ ɛhulolɛ kpundii, na ɔlɛ ngoanelielɛ dɔɔnwo.

Edwɛndolɛ Buluku ne 5:7

Wɔ ɛhulolɛ kpole ne mɔɔ gyi kpundii la ati, mebara wɔ Ɛzonlenlɛ Sua ne anu, mebahakyi me nye wɔ wɔ Ɛzonlenlɛ Sua nwuanzanwuanza ne anwo, na meava ɛzulolɛ meazonle wɔ.

Edwɛndolɛ Buluku ne 69:13

Na mame, O Ɛdɛnkɛma, me nzɛlɛlɛ la ɛ nyunlu. O Nyamenle, wɔ mekɛ kpalɛ ne dwu a, dua wɔ ɛhulolɛ kpundii kpole ne azo bua me.

Edwɛndolɛ Buluku ne 69:16

O Ɛdɛnkɛma, wɔ ɛhulolɛ kpundii ne di munli na bua me, wɔ anwunvɔnezelɛ bebelebe ne ati, kakyi ɛ nye nea me.

Edwɛndolɛ Buluku ne 86:15

Na wɔmɔ, O Awulae, ɛle ɛlolɛ nee anwunvɔnezelɛ Nyamenle, ɛnva ɛya mgbane mgbane, yɛɛ ɛhulolɛ kpundii nee nɔhalɛlilɛ ɛyi wɔ tɛkɛɛ.

Edwɛndolɛ Buluku ne 86:5

Ɔluakɛ, O Awulae, ɛle kpalɛ yɛɛ fakyɛ wɔ wɔ afoa, ɛkile wɔ ɛhulolɛ kpundii ne wɔ bɛdabɛ mɔɔ bɛsu bɛfɛlɛ wɔ la anwo zo.

Mrɛlɛbulɛ Buluku ne 12:10

Sonla tenlene biala dwenle ye nyɛmoa nwo, na amumuyɛnli anwunvɔnezelɛ le atisesebɛyɛlɛ.

Ayezaya Buluku ne 46:7

Bɛkpogya ye zo bɛto bɛ kɔme zo, bɛsoa ye bɛkɔsie ye ɛleka ko, ɛnee ɔgyi ɛkɛ, ɔngola ɔndu ɔ bo ɔnvi ɛleka mɔɔ ɔgyi la. Saa awie su fɛlɛ ye a ɔmbua ye anzɛɛ ɔnlie ye ɔnvi ye amaneɛnwunlɛ nu.

Ayezaya Buluku ne 47:6

Menvale me menli ne anwo ɛya, menguale me agyadeɛ nwo evinli; menyele bɛ menwulale ɛ sa nu, wɔannwu bɛ anwunvɔne, na ɛmanle mrelera yɛle gyima ɛsesebɛ.

Ayezaya Buluku ne 55:7

bɛmaa amumuyɛnli ne ɛgyakyi ɛtaneyɛlɛ, na mɔɔ ɛndwenle kpalɛ nwo la ɛgyakyi; bɛmaa ɔzia ɔrɛla Ɛdɛnkɛma ɛkɛ, amaa Ɛdɛnkɛma aze ye anwunvɔne, bɛmaa ɔzia ɔrɛla yɛ Nyamenle ne ɛkɛ, na Nyamenle bava ye ɛtane ahyɛ ye.

Ayezaya Buluku ne 63:15

Ɛdɛnkɛma, ɛwɔ anwuma lɔ, wɔ anyunlunyia ɛleka nwuanzanwuanza ne a to ɛ nye nea yɛ. Wɔ ɛhulolɛ kpole ne nee wɔ tumi ne wɔ nienwu? Wɔye wɔ ahunluyelɛyelalɛ ne nee wɔ anwunvɔnezelɛ ne wɔvi me nwo.

Ayezaya Buluku ne 63:7

Mebaha Ɛdɛnkɛma ɛhulolɛ kpundii ne anwo edwɛkɛ; mebaye Ɛdɛnkɛma ayɛlɛ wɔ mɔɔ yeyɛ yemaa yɛ la amuala anwo, nee boɛ kpole mɔɔ yeyɛ yemaa Yizilayɛma la; ɔyɛle ɔmanle bɛ, kɛmɔ ye anwunvɔnezelɛ ne nee kɛ ye ɛhulolɛ kpundii ne kpole si de la.

Gyɛlɛmaya Awolɛyelɛ 3:32

ɔtea ye, noko ɔse anwunvɔne, kɛmɔ ye ɛhulolɛ kpundii ne kpole de la,

Dwona Buluku ne 3:9

Awie ɛnze; bie a ɛnee Nyamenle ɛnwu yɛ anwunvɔne, yehakyi ye adwenle na yegyakyi ye ɛya kpole ne, amaa yɛanwu.”

Dwona Buluku ne 4:2

Na ɔzɛlɛle Ɛdɛnkɛma kɛ, “Ɛdɛnkɛma, mesɛlɛ wɔ, edwɛkɛ ne mɔɔ mewɔ me sua zo lɔ mɔɔ menganle la, yemɔ a ɛyɛ zɔhane la. Na ɛhye ati noko yɛɛ anrɛɛ menriandi meahɔ Sepeen la. Ɔluakɛ meze kɛ wɔmɔ Ɛdɛnkɛma, ɛle ɛlolɛ Nyamenle mɔɔ se anwunvɔne a. Ɛlɛ abotane, ɛlɛ ɛhulolɛ kpole, yɛɛ ɛ nye ɛnlie munzule nwo.

Maeka Buluku ne 7:18

Nwane a le Nyamenle kɛ ɛdawɔ, O Ɛdɛnkɛma, mɔɔ ɛfa ɛtane ɛkyɛ na ɛmbu wɔ menli Yizilayɛma mɔɔ hale la mɛladonlɛ nwo mgbonda a? Ɛnva ɛya ɛnga zo, ɔboalekɛ ɛ nye die ɛhulolɛ kpundii nwo.

Habakɛke Buluku ne 3:2

O Ɛdɛnkɛma, mede wɔ nganeɛ, yɛɛ menwu wɔ gyima ne, O Ɛdɛnkɛma, na mesulo. Yɛ ye bieko wɔ yɛ mekɛ zo, da ye ali wienyi wɔ yɛ mekɛ zo; ɛfa ɛya a kakye wɔ anwunvɔnezelɛ ne.

Dw 12:27

“Nyane ɛha me kpole; na duzu edwɛkɛ a menga a? Asoo menga ye kɛ, ‘Egya, mmamaa mekɛ zɔhane to me’ ɔ? Kyɛkyɛ, ɛhye ala ati a membale a; membale kɛ meba mearazɔ nyane sa wɔ zɔhane mekɛ ne anu.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:23

Megyi ninyɛne nwiɔ avinli. Me kunlu a anrɛɛ mevi ewiade ɛhye anu na me nee Kelaese ɛhɔdɛnla, ɛhye le debie kpalɛ totohyia.

Kɛlata mɔɔ bɛhɛlɛle bɛhɔmanle Hibuluma la 10:31

Ɔkɛyɛ ɛzulolɛ ɛdeɛ, kɛ ɛkɛdɔ tease Nyamenle ne ɛhane nu a!