1 Edk 21:12 - BAEBOLO ANZƐƐ BULUKU NWUANZANWUANZA

¹² ‘Ɛvolɛ nsa ɛhɔne, anzɛɛ wɔ kpɔvolɛma mɔɔ foa wɔ nee wɔ ɛlɔnema agua ɛbɔ nu ahu bɛ bie mɔ dedee siane nsa, anzɛɛ Ɛdɛnkɛma ndeanlɛ kenle nsa, mɔɔ ye soanvolɛ fa munzule, nyane, abodelɛ, nee ewule arado maanle ye anu ɛleka biala la, nuhua boni yɛɛ ɛkulo a?’ Nea nuhua fa ko maa mengɔnga mengile Ɛdɛnkɛma.”

1 Edk 21:12 ပူးပေါင်းရင်းမြစ်များ

2 Sam 21:1

Belemgbunli Devidi mekɛ zo, ɛhɔne kpole bie rale toonwo ɛvolɛ nsa. Devidi bizale Ɛdɛnkɛma nwolɛ bie. Na Ɛdɛnkɛma zele ye kɛ, “Sɔɔlo nee ye abusua ne di fɔlɛ kɛ bɛha mogya bɛgua a, ɔboalekɛ bɛhunle Gebɛyɔnoma dɔɔnwo somaa.”

1 Arl 17:1

Akee Yilaegya mɔɔ vi Tehyebi mɔɔ wɔ Geleade maanle nu la hanle hilele Ehabe kɛ, “Meka Ɛdɛnkɛma, Yizilayɛ tease Nyamenle ne mɔɔ mesonle ye la, kɛ ɛbɔlɛ anzɛɛ ezule ɛnrɛdɔ ɛvolɛ kɛyɛ nsa ye anu kɔkpula mekɛ mɔɔ menwɔye me nloa la.”

2 Arl 19:35

Kenle ko ne nɔe ne Ɛdɛnkɛma soanvolɛ hɔle Aseleama azokoɛleɛ ne hɔhunle ɛlɔnema ne anu apenle ngoko ɛya ko abulatwɛ nee nnu. Aleɛ kahye la ɛnee bɛwu bɛgua ɛkɛ.

2 Arl 8:1

Mekɛ bie Yilaehya hanle hilele raalɛ ne mɔɔ ɔ ra ne wule a ɔdunwuele ye la kɛ, “Dwazo na ɛ nee wɔ sua nu amra amuala bɛlɔ nu bɛhɔ ɛleka biala mɔɔ bɛkola la na Ɛdɛnkɛma ɛlɛmaa ɛhɔne ara azɛlɛ ye azo ɛvolɛ nsuu.”

1 Edk 21:11

Gaade hɔhanle mɔɔ Ɛdɛnkɛma vale zoanle ye la hilele Devidi na ɔzele ye kɛ, “Ɛdɛnkɛma se ɛnlea nu ɛva ninyɛne nsa ɛhye anu ko:

Edwɛndolɛ Buluku ne 91:6

Ɛnrɛzulo nɔɔzo ewule nyane biala, anzɛɛ ewia henlema munzule biala.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:23

Ɔluakɛ Ɛdɛnkɛma barapɛ nuhua yeahɔhu Yigyibitima. Saa ɔnwu mogya ne mɔɔ wɔ felɛmo ne anwo la a ɔbapɛ nuhua; ɔnrɛmaa sɛkyevolɛ ne ɛnrɛwolo bɛ azua nu ɛnrɛhu bɛ.

Ayezaya Buluku ne 66:16

Ɔluakɛ Ɛdɛnkɛma bava senle a abua ndɛne a, na yeava ye dadeɛ ne yeado menli kɔsɔɔti anwo zo. Na bɛdabɛ mɔɔ Ɛdɛnkɛma bahu bɛ la zonle kpalɛ.

Gyɛlɛmaya Buluku ne 12:12

Menli ɛra ɛsɛlɛ ne awoka ne mɔ azo, bɛzɛkye ɛkɛ kɔsɔɔti; ɔluakɛ medame Ɛdɛnkɛma, me dadeɛ ɛlɛdi gyima wɔ azɛlɛ ne azo kɔsɔɔti; awie biala ɛnlɛ anzonudwolɛ.

Gyɛlɛmaya Buluku ne 42:16

konle ne mɔɔ bɛsulo ye la bado bɛ wɔ Yigyibiti azɛlɛ zo; ɛhɔne ne mɔɔ bɛsulo ye la bazi bɛ nwo zo wɔ Yigyibiti, na ɛkɛ ne a bɛbawu a.

Gyɛlɛmaya Buluku ne 47:6

Aa, Ɛdɛnkɛma konle dadeɛ! Kenlenzu a ɛkɛgyakyi ɛbililɛ a? Kɔvea wɔ boa ne anu, die wɔ ɛnwomenle na yɛ koonwu.

Gyɛlɛmaya Awolɛyelɛ 4:9

Menli mɔɔ dɔle konle nu la anwo dwole dɛlale bɛdabɛ mɔɔ ɛhɔne hunle bɛ la; ɛhɔne manle bɛhetele, ɛbɔ nu nzoleɛ bɔbɔ, bɛannyia bie.

Sɛlɛ 26:10

“Bɛbali bɛ aleɛ mɔɔ bɛvale bɛziele dɛba la, bɛbaye dɛba ne bɛavinde na bɛava fofolɛ bɛazie.

Sɛlɛ 26:17

Mebava me nye meawula bɛ nyunlu, meamaa bɛ kpɔvolɛma ali bɛ nwo zo konim. Menli ne mɔɔ kyi bɛ la bazie bɛ, na bɛbanriandi wɔ mekɛ mɔɔ awie ɛndoa bɛ la.

Edwɛkpa ne kɛmɔ Luku hɛlɛle la 4:25

“Bɛdie mɔɔ meka la. Ɔle nɔhalɛ kɛ Yilaegya mekɛ zo, ezule andɔ toonwo ɛvolɛ nsa siane nsia, na sane kpole zile maanle ne kpokpoti anu.

Ɛzoanvolɛma Gyima ne 12:23

Na arɛlevilɛ nu ala Awulae soanvolɛ rabɔle Hɛlɔdo dole aze manle ɔ nwo dole ye, ɔlɔle azonlɛ na ɔwule, ɔluakɛ yeanva anyunlunyia yeammaa Nyamenle.

Mɛla 28:15

“Na saa bɛandie Ɛdɛnkɛma bɛ Nyamenle ne ane anzɛɛ bɛanli ye mɛla nee ye ngyehyɛlɛ ne mɔ mɔɔ melɛfa meamaa bɛ ɛnɛ la azo nɔhalɛ nu a, yemɔ munzule ɛhye mɔ amuala bava bɛ aze yeabulu bɛ nwo zo:

Mɛla 28:22

Ɛdɛnkɛma bamaa avinli ewule adɔ bɛ nwo ahu bɛ. Ɔbamaa ebunlu ahye bɛ, bɛ nwo anwunwu. Ɔbavi ewia katekate yeadua ezule, na yeamaa ahumu kpole mɔɔ anu dɔ la ayela bɛ egyinli nu ninyɛne. Debie zɛhae bahɔ zolɛ toonwo yeahɔdwu kɛ ɔkɛzɛkye bɛ muala la.

Mɛla 28:25

“Ɛdɛnkɛma bamaa bɛ kpɔvolɛma ali bɛ nwo zo konim. Bɛbava bɛ nyunlu bɛahɔ na bɛava bɛ nzi bɛara. Na ɔbayɛ ewiade amra amuala nwanwane kɛ ɛhye ɛzi bɛ nwo zo a.

Mɛla 28:27

Ɛdɛnkɛma bamaa nyila ne mɔ mɔɔ nwunwunle Yigyibitima la bie anwunwu bɛ. Bɛ nwo bayɛ nganlɛ, na bɛ nwo agua asa ayɛ nzabenle, mɔɔ bɛnrɛhola bɛ nwo ayile yɛ ɛlɛ a.

Mɛla 28:35

Ɛdɛnkɛma bamaa nyila anwunwu bɛ gyakɛ agbɔkɛ nee bɛ gyakɛ agbɔma ne mɔ anwo, ɔvi bɛ gyakɛ akunlu toonwo yeahɔdwu bɛ ti zo, mɔɔ bɛnrɛhola bɛ ayile yɛ ɛlɛ a.