1 Edk 21:1 - BAEBOLO ANZƐƐ BULUKU NWUANZANWUANZA

¹ Akee Seetan dwazole kɛ ɔfa ngyegyelɛ yeara Yizilayɛ, na ɔlile Devidi adwenle kɛ ɔdia Yizilayɛma amuala.

1 Edk 21:1 ပူးပေါင်းရင်းမြစ်များ

1 Edk 20:8

Menli kakanyinli nsa ɛhye mɔ mɔɔ Devidi nee ye menli ne hunle bɛ la le Gate kakanyinlima ne mɔ abo zo amra.

1 Edk 27:24

Dwowabe mɔɔ ɔ nli a le Zɛluaya la bɔle ɔ bo kɛ ɔtia menli ne, noko yeandwu ɛleka bie. Nyamenle deanle Yizilayɛma wɔ menli ɛdianlɛ ɛhye anwo, yemɔti menli dodo mɔɔ bɛnyianle ye la bɛangɛlɛ ye wɔ Belemgbunli Devidi mbuluku ne mɔ anu.

1 Edk 7:40

Menli ɛhye mɔ amuala le Ahya abo zo amra. Bɛle mbusua mgbanyinli wɔ bɛ ze mɔ abusua ekpulike ne mɔ anu. Bɛ nwo yɛ ɛzulolɛ kpole kpalɛ wɔ konle nu; bɛle mgbanyinli mɔɔ di munli a. Ahya abo zo amra mɔɔ kɔ ɛlɔne nloa la le mrenya apenle ngoko abulanwiɔ nee nsia.

Dwobu Buluku ne 2:1

Kenle ko eza Nyamenle anzɛɛ Anwuma amra hɔle Ɛdɛnkɛma anyunlu kɛ bɛkava bɛ nwo bɛahile ye, na Seetan eza hɔle ɛkɛ ne bie.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 30:12

“Saa ɛtia Yizilayɛma a, ɔwɔ kɛ awie biala tua ɔ nwo ɛkpɔnenlɛ adwule maa me, amaa munzule biala ando ye.

Zɛkalaya Buluku ne 3:1

Akee Ɛdɛnkɛma vale Sɛlɛvolɛ Kpanyinli Dwɔhyua hilele me. Ɔgyi Ɛdɛnkɛma soanvolɛ ne anyunlu ɛkɛ na Seetan gyi ɔ sa fema zo kɛ ɔto ye ɛzonle.

Edwɛkpa ne kɛmɔ Mateyu hɛlɛle la 4:3

Abɔnsam bikyele ye na ɔzele ye kɛ, “Saa wɔmɔ a ɛle Nyamenle Ara ne a, ɛnee maa awolɛ ɛhye mɔ ɛhakyi kpanwo.”

Edwɛkpa ne kɛmɔ Luku hɛlɛle la 11:53

Mɔɔ Gyisɛse vile ɛkɛ ne la, mɛla kilehilevolɛma ne nee Falasiima ne mɔ vale edwɛkɛbizalɛ zɔle ye na bɛgyegyele ye dɔɔnwo,

Edwɛkpa ne kɛmɔ Luku hɛlɛle la 22:31

Akee Gyisɛse zele Pita kɛ, “Saemɔn, Saemɔn! Tie! Seetan ɛnyia adenle kɛ ɔsɔ bɛ muala yeanlea, na yeakpa bɛ nu yeaye kpalɛ ne yeavi ɛtane ne anu kɛ ɛyazonlɛnli kpa abɛlɛ nu la.

Dw 13:2

Gyisɛse nee ye ɛdoavolɛma ne dɛnlanle aze nɔsolɛ nu kɛ bɛdi debie. Abɔnsam noko ɛbɔ kpɔkɛ ɛwie kɛ ɔwɔ kɛ Dwudase, Saemɔn Yesekaleɔto ara ne ye Gyisɛse maa.

Ɛzoanvolɛma Gyima ne 5:3

Pita zele ye kɛ, “Ananayase, duzu ati a wɔmaa Seetan ɛvo ɛ nwo zo na yemaa wɔbɛlɛbɛla Sunsum Nwuanzanwuanza ne na wɔde ezukoa mɔɔ ɛnyianle ye la bie wɔvea ɛ?

Kɛlata mɔɔ bɛhɛlɛle bɛhɔmanle Hibuluma la 10:24

Bɛmaa yɛdwenle yɛkpondɛ adenle mɔɔ yɛdua zolɛ a yɛkɛhulo yɛ nwo ngoko ngoko, na yɛkɛyɛ gyima kpalɛ la.

Gyemise Kɛlata ne 1:13

Saa awie kɔ ngyegyelɛ nu a ɔmmaka kɛ, “Nyamenle ɛlɛsɔ me anlea.” Ɔluakɛ ɛtane ɛngola ɛnzɔ Nyamenle ɛnnea yɛɛ Nyamenle mumua ne ɛnzɔ awie biala ɛnnea.

Yekile 12:10

Akee mendele ɛnelɛ kpole bie vi anwuma, ɔse, “Bɔ zo mɔɔ Nyamenle ngoanelielɛ ne ɛra a! Akee Nyamenle ɛhile ye tumi ne kɛ ɔle Belemgbunli. Akee yehile ye Mɛzaya tumi ne! Ɔluakɛ bɛvuandi mɔɔ gyi Nyamenle anyunlu nɔɔzo nee ewiazo toɔdoa yɛ mediema ne mɔ la bɛde aze.