1 Edk 20:5 - BAEBOLO ANZƐƐ BULUKU NWUANZANWUANZA

⁵ Bɛ nee Filisitiama eza nyianle konle bieko, na Gyeeyɛɛ ara Ɛleheenan hunle Golayate mɔɔ vi Gate la adiema Laamae. Ye atwɛ ne mɔɔ ɛnee ɔlɛ la baka ne kpole le kɛ mgbunla.

1 Edk 20:5 ပူးပေါင်းရင်းမြစ်များ

2 Sam 21:19

Eza Filisitiama hanle konle bieko wɔ Gɔɔbo, na Gyeeyɛɛ mɔɔ vi Bɛtelɛhɛm la ara Ɛleheenan hunle Golayate mɔɔ vi Gate la. Ye atwɛ baka ne kpole nee ye ɛnlomboɛ le kɛ ndanlɛnwolɛ melahyinli baka la.

1 Edk 11:23

Eza ɔhunle Yigyibitinli anyinlima anwo ɛzulolɛ bie. Yigyibitinli ne ɛnee lɛ atwɛ kpole bie, na Bɛnaya vale kokolobaka hɔle ɔ nwo zo, ɔzale ye ɔliele ye atwɛ ne, na ɔvale atwɛ ne ɔhunle ye.

1 Edk 20:6

Konle bieko zile Gate. Nrenya kakanyinli bie mɔɔ vindele ɛkɛ ne la, ɔ sa mrɛlɛsɛka le nsia nsia yɛɛ ɔ gyakɛ mrɛlɛsɛka noko le nsia nsia. Mɔmoane menli kakanyinli ne mɔ abo zo amra ne bie ɔ.

1 Sam 17:4

Nrenya bie, bɛfɛlɛ ye Golayate, ɔvi Gate, na yemɔ yɛɛ ɔgyi Filisitia ɛlɔnema ne ati a. Ɔvi Filisitiama avinli ɔvindele. Ye tendenle kɛyɛ mita nsa.

1 Sam 17:7

Ye atwɛ ne baka ne kpole le kɛ ndanlɛnwolɛ melahyinli mgbunla, ɔ ti le bulalɛ, yɛɛ ye ɛnlomboɛ kɛyɛ tone nu kilo nsuu. Ye sonvolɛ ne mɔɔ soa ye enyinlike ne la lumua ɔ nyunlu.

1 Sam 21:9

Sɛlɛvolɛ ne zele kɛ, “Filisitianli Golayate mɔɔ ɛhunle ye wɔ Yila Bɔnza la dadeɛ ne kyekye ɛdanlɛ nu gyi ɛleka mɔɔ sɛlɛvolɛma tɛladeɛ Yifɔdo ne henda la. Saa ɛkulo a, fa yemɔ, ɔluakɛ dadeɛ gyɛne biala ɛnle ɛke.” Devidi zele kɛ, “Dadeɛ biala nee ye ɛnzɛ; fa maa me.”

1 Sam 22:10

Ahemɛlɛke bizale Ɛdɛnkɛma debie mɔɔ ɔwɔ kɛ Devidi yɛ la, eza ɔmanle ye aleɛ na ɔvale Filisitianli Golayate konle dadeɛ ne ɔmanle ye.”