1 Edk 2:17 - BAEBOLO ANZƐƐ BULUKU NWUANZANWUANZA

¹⁷ Gyɛsi ara raalɛ Abegeli gyale Gyitɛ, mɔɔ le Yehyemeeyɛle abo zo sonla la na ɔ nee ye wole ralɛ nrenya, bɛdonle ye Ameesa.

1 Edk 2:17 ပူးပေါင်းရင်းမြစ်များ

2 Sam 17:25

(Abesalɛm ɛyɛ Ameesa ɛlɔnema ne anwo zo neavolɛ yeva yehakyi Dwowabe. Ameesa le Yehyemeeyɛlenli Gyitɛ ara nrenya; ɔ nli a le Neehahye ara raalɛ Abegeli mɔɔ ɔ diema raalɛ a le Dwowabe ɔ nli Zɛluaya la.)

2 Sam 19:13

Bɛze Ameesa kɛ, ɔle me nwo sonla. Saa meandu Dwowabe, meanva ɔdaye Ameesa meanyɛ me Safohyenlema Kpanyinli mɔɔ nea me ɛlɔnema ne anwo zo la a, Nyamenle ɛdua me kakɛ ɛgua me bie zo.”

1 Arl 2:32

Ɛdɛnkɛma ɛdua ye kakɛ wɔ ye amumuyɛ ne mɔɔ ɔyɛle ɔhunle Abenɛɛ mɔɔ le Yizilayɛ Safohyenlema Kpanyinli ne nee Ameesa mɔɔ le Dwuda Safohyenlema Kpanyinli, wɔ mekɛ mɔɔ egya Devidi ɛnze nu la. Ɛnee mrenya nwiɔ ɛhye le kpalɛ yɛɛ eza bɛbɔ mɔdenle bɛtɛla ye.

1 Arl 2:5

“Mɔɔ tɔ zolɛ bieko la a le kɛ, ɛdawɔ ɛze mɔɔ Zɛluaya ara Dwowabe vale yɛle me na ɔhunle Yizilayɛ safohyenle mgbanyinli nwiɔ ne mɔɔ le Abenɛɛ ara Nɛɛ nee Gyita ara Ameesa la. Ɔhunle menli nwiɔ ɛhye wɔ anzonudwolɛ mekɛ nu ɔziele menli mɔɔ Abenɛɛ nee Ameesa hunle bɛ wɔ konle nu la abo zo; ɔmanle mengyinlanle gyinlabelɛ ɛtane, na kɛkala nwolɛ ngyelelɛ ɛdo me.

1 Edk 12:18

Ɛkɛ ne ala Nyamenle Sunsum ne dwule Ameesae mɔɔ le “Abulasa Ne” kpanyinli la anwo zo na ɔzele kɛ, “O Devidi, yɛle wɔ ɛdeɛ, O Gyɛsi ara, yɛ nee wɔ le ko! Anzonudwolɛ ɛha wɔ, anzonudwolɛ ɛha wɔ boavolɛma! Wɔ Nyamenle ne li ɛ nzi.” Akee Devidi liele bɛ na ɔyɛle bɛ ye ɛlɔne nu safohyenlema.

1 Edk 2:16

Eza ɔwole mralɛ mraalɛ nwiɔ. Bɛmɛ a le Zɛluaya nee Abegeli. Gyɛsi ara raalɛ Zɛluaya wole mrenya nsa. Bɛmɛ a le Abehyae, Dwowabe, yɛɛ Asahɛle.

1 Edk 2:18

Hɛzelɔn ara Kalɛbe gyale Azuba na ɔ nee ye wole ralɛ raalɛ, bɛfɛlɛ ye Gyɛleyo. Ɔdaye noko ɔwole mrenya nsa. Bɛmɛ a le Gyihyɛ, Hyobabe, yɛɛ Adɔn.