1 Edk 2:16 - BAEBOLO ANZƐƐ BULUKU NWUANZANWUANZA

¹⁶ Eza ɔwole mralɛ mraalɛ nwiɔ. Bɛmɛ a le Zɛluaya nee Abegeli. Gyɛsi ara raalɛ Zɛluaya wole mrenya nsa. Bɛmɛ a le Abehyae, Dwowabe, yɛɛ Asahɛle.

1 Edk 2:16 ပူးပေါင်းရင်းမြစ်များ

2 Sam 14:1

Akee Zɛluaya ara Dwowabe nwunle kɛ Belemgbunli Devidi anwo ɛlɛdɔ Abesalɛm kpole,

2 Sam 17:25

(Abesalɛm ɛyɛ Ameesa ɛlɔnema ne anwo zo neavolɛ yeva yehakyi Dwowabe. Ameesa le Yehyemeeyɛlenli Gyitɛ ara nrenya; ɔ nli a le Neehahye ara raalɛ Abegeli mɔɔ ɔ diema raalɛ a le Dwowabe ɔ nli Zɛluaya la.)

2 Sam 19:22

Na Devidi zele kɛ, “Bɛmɛ Zɛluaya amra, duzu adwenle a me nee bɛ yɛva mɔɔ bɛyɛ bɛahwe ngyegyelɛ bɛamaa me a? Ɛnɛ le mekɛ mɔɔ ɔwɔ kɛ bɛku sonla wɔ Yizilayɛ ɔ? Anzɛɛ bɛnze kɛ ɛnɛ mele Yizilayɛ belemgbunli ɔ?”

2 Sam 2:13

Dwowabe mɔɔ ɔ nli a le Zɛluaya la nee Devidi mgbanyima ne mɔ noko hɔyiale bɛ wɔ Gebɛyɔn nzubula ne azo na bɛdɛnlanle aze. Ekpunli ko wɔ nzubula ne anzi foa ko yɛɛ ekpunli ko noko wɔ ye foa ko.

2 Sam 3:39

Ɛdɛnkɛma ɛyila me ɛzie me belemgbunli, noko ɛnɛ kenle ye, me sa ɛhondo aze. Zɛluaya amra mrenya ne mɔ te me ɛbolɛ somaa. Ɛdɛnkɛma ɛdua ɛtanevolɛma kakɛ mɔɔ ɔfɛta bɛ amumuyɛ ne mɔ la.”

1 Edk 11:20

Dwowabe adiema Abehyae a li Katakyiema “Abulasa Ne” ati a. Ɔvale atwɛ ɔhunle menli ɛya nsa, na ɔliele duma.

1 Edk 2:15

Ozɛm, yɛɛ Devidi.

1 Edk 2:17

Gyɛsi ara raalɛ Abegeli gyale Gyitɛ, mɔɔ le Yehyemeeyɛle abo zo sonla la na ɔ nee ye wole ralɛ nrenya, bɛdonle ye Ameesa.

1 Sam 26:6

Akee Devidi bizale Ahemɛlɛke, Hɛtenli ne nee Dwowabe adiema nrenya Abehyae (Bɛ nli a le Zɛluaya) kɛ, “Bɛ nuhua boni a nee me kɛhɔ Sɔɔlo azokoɛleɛ ne a?” Na Abehyae zele kɛ, “Medame a me nee wɔ kɔ a.”