1 Edk 19:4 - BAEBOLO ANZƐƐ BULUKU NWUANZANWUANZA

⁴ Heenɛn hyele menli mɔɔ Devidi zoanle bɛ la, ɔmanle bɛkpale bɛ kɛsa, bɛpepɛle bɛ adɛladeɛ ne mɔ azo bɛmanle ɔlile bɛ nze zo, na akee ɔgyakyile bɛ ɔmanle bɛhɔle.

1 Edk 19:4 ပူးပေါင်းရင်းမြစ်များ

1 Edk 19:3

Amɔn mgbanyima ne mɔ zele bɛ belemgbunli ne kɛ, “Ɛdwenle kɛ asɛɛ ɛ ze anwo ɛhulolɛ nee ye nidi ti yɛɛ Devidi ɛzoa menli ɛhye mɔ kɛ bɛrayɛ wɔ gyakɔ a? Ɔnle zɔhane fee! Yezoa bɛ ɛke kɛ bɛranleɛnlea yɛ azɛlɛ ye amaa yearaho yeava.”

1 Edk 19:5

Nyiane mɔɔ hanle bɛ la ammaa bɛangola sua nu dwu. Mɔɔ Devidi dele mɔɔ ɛzi la, ɔzoanle ɔmanle bɛhɔzele bɛ kɛ bɛdɛnla Gyɛleko kɔkpula mekɛ mɔɔ bɛ kɛsa ne mɔ kɛwie fi la na bɛara.

2 Edk 36:16

Noko bɛhɔle zo bɛzile menli mɔɔ Nyamenle zoanle bɛ la amgbu, bɛkpole kɛ bɛnrɛdie bɛ edwɛkɛ ne, na bɛgolole Nyamenle kpɔmanvolɛma ne anwo toonwo bɛmanle Ɛdɛnkɛma vale ɛya kpole mɔɔ bɛyɛ ye ɛhwee a ɔnyɛ boɛ a.

Edwɛndolɛ Buluku ne 35:12

Bɛfa ɛtane bɛtua me kpalɛyɛlɛ kakɛ; me ɛkɛla ɛwie me nwo minli.

Ayezaya Buluku ne 15:2

Daebɔnoma ɛhɔ ɛleka ne mɔ mɔɔ bɛsonle la kazu. Mowabema ɛlɛsu Niboma nee Midɛbama. Awie biala ɛkpa ɔ ti, ɛkpa ɔ kɛsa.

Ayezaya Buluku ne 20:4

Yemɔti Aselea maanle maanle belemgbunli ne bahye Yigyibitima nuokɛ na yeazoa Sudanema yeahɔ nlɔnu. Ɔbahye ngakula nee mgbanyinli mɔɔ lɛ bɛ nwo zɔ, bɛ gyakɛ gua aze, na bɛ butua gua zo la yeahɔ, yeava yeagua Yigyibitima anyunlu aze.

Gyɛlɛmaya Buluku ne 41:5

menli abulatwɛ vi Hyikɛm, Hyaelo, yɛɛ Samɛlea rale kɛ bɛlɛ ma azubɔdeɛ nee ɛyɛlɛ bɛba Ɛdɛnkɛma Ɛzonlenlɛ Sua ne anu. Ɛnee menli zɔhane mɔ ɛkpa bɛ kɛsa, ɛsuosua bɛ adɛladeɛ nu, na bɛbodɛboda bɛ nwo.

Gyɛlɛmaya Buluku ne 48:37

Awie biala ɛkpa ɔ ti, ɛkpa ɔ kɛsa. Bɛbodɛboda bɛ sa anwo amuala na bɛheda ɛrele.

Sɛlɛ 19:27

Ɔnle kɛ bɛkpa bɛ nzo tɛbanu enrinli anzɛɛ bɛkpa bɛ kɛsa.

Edwɛkpa ne kɛmɔ Maake hɛlɛle la 12:4

Egyinli menle ne zoanle akɛlɛ fofolɛ, na ɔdaye noko bɛbole ye, bɛbobɔle ɔ ti anwo mbaka na bɛzale ye.