1 Edk 18:4 - BAEBOLO ANZƐƐ BULUKU NWUANZANWUANZA

⁴ Devidi zale ye liele ye konle ehwili ne mɔ anu apenle ko, ɔhyele ye ɛlɔnema mɔɔ tɛnla mgbɔnwɔ zo ko la apenle nsuu, yɛɛ ɛlɔnema mɔɔ dua aze la apenle ngoko abulanwiɔ. Ɔvale mgbɔnwɔ mɔɔ sa konle ehwili ɛya ko twe la na ɔbubule mɔɔ hale la ndwɛlɛ.

1 Edk 18:4 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:6

O me ɛkɛla, ɛ nee bɛ mmafa adwenle! O me sunsum, ɛ nee bɛ mmatu; Ɔluakɛ bɛfa ɛya a bɛku menli, Bɛ nwo tɛ bɛ a bɛbubu nlankɛ ndwɛlɛ.

2 Sam 8:4

Devidi hyele ye ɛlɔnema mɔɔ ka mgbɔnwɔ la anu apenle ko ɛya nsuu, yɛɛ ɛlɔnema mɔɔ ko aze la apenle ngoko abulanwiɔ. Devidi gyakyile mgbɔnwɔ dodo mɔɔ kɛhola kɛhwe konle ehwili ɛya ko la na ɔbubule mɔɔ ɛha la agyakɛ.

1 Arl 10:26

Sɔlɔmɔn ɛlɔnema lɛ konle ehwili apenle ko ɛya nna yɛɛ mgbɔnwɔ mɔɔ bɛtɛnla zolɛ bɛko la apenle ngoko bulu nee nwiɔ. Ɔvale bie mɔ ɔhɔle azuamgbole ne bie mɔ azo yɛɛ bie mɔ noko wɔ ɔ nwo ɛkɛ ne wɔ Gyɛlusalɛm.

1 Arl 4:2

Ye mbɔlɔba mgbanyinli nee ye mgbanyima ne mɔ ɛne: Sɛlɛvolɛ ne a le Azalaya; bɛfɛlɛ ɔ ze Zeedɔko.

1 Edk 18:3

Akee Belemgbunli Devidi hɔtetale Belemgbunli Hadadizɛ mɔɔ sie Selea maanle ne mɔɔ bɛfɛlɛ ye Zoba, mɔɔ zua Heemate maanzinli ne la, ɔboalekɛ ɛnee Hadadizɛ ɛlɛbɔ mɔdenle araze Yufileti sɔlɔ ahɔva ɛkɛ ne azɛlɛ ne.

1 Edk 18:5

Seleama mɔɔ wɔ Dɛmasekɛse la manle ɛlɔnema hɔle kɛ bɛhɔboa Belemgbunli Hadadizɛ, na Devidi nee bɛ bɔle ye zo na ɔhunle nuhua apenle ngoko abulanwiɔ nee nwiɔ.

Edwɛndolɛ Buluku ne 20:7

Bie mɔ fa konle ehwili tu bɛ nloa anu, yɛɛ bie mɔ fa mgbɔnwɔ; na yɛmɛ, yɛfa Ɛdɛnkɛma yɛ Nyamenle ne duma a yɛtu yɛ nloa anu a.

Mɛla 17:16

Belemgbunli ne, ɔnle kɛ ɔnyia mgbɔnwɔ dɔɔnwo. Ɔnle kɛ ɔfa adenle bie anu kɛ ɔmaa menli ne azia ahɔ Yigyibiti amaa bɛanyia mgbɔnwɔ dɔɔnwo, ɔluakɛ Ɛdɛnkɛma ɛze kɛ, ‘Bɛmmasia bɛ nzi bɛfa zɔhane adenle ne azo ɛlɛ kɛ bɛkɔ ɛkɛ.’

Dwɔhyua Buluku ne 11:6

Ɛdɛnkɛma zele Dwɔhyua kɛ, “Mmasulo bɛ. Ɛhyema bekezɛ ɛnee memaa Yizilayɛma ɛhu bɛ muala. Ɛbabubu mgbɔnwɔ ne mɔ ndwɛlɛ na wɔayela bɛ konle ehwili ne mɔ.”

Dwɔhyua Buluku ne 11:9

Dwɔhyua yɛle bɛ kɛ mɔɔ Ɛdɛnkɛma zele ye ala la; ɔbubule bɛ mgbɔnwɔ ne mɔ ndwɛlɛ na ɔyelale bɛ konle ehwili ne mɔ.