1 Edk 18:11 - BAEBOLO ANZƐƐ BULUKU NWUANZANWUANZA

¹¹ Belemgbunli Devidi dule ninyɛne ɛhye mɔ ziele ahane kɛ bɛva bɛboka ezukoa nvutuke nee dwɛtɛ fufule mɔɔ ɔzale maanle maanle mɔɔ ɔlile bɛ nwo zo konim la ɔliele la anwo bɛva bɛzonle Nyamenle. Ɔliele ezukoa nvutuke ne nee dwɛtɛ fufule ne mɔ ɔvile maanle maanle ɛhye mɔ ɛkɛ: Yidɔm, Mowabe, Amɔn, Filisitia, yɛɛ Amalɛke.

1 Edk 18:11 ပူးပေါင်းရင်းမြစ်များ

1 Arl 7:51

Mɔɔ Belemgbunli Sɔlɔmɔn wiele Ɛzonlenlɛ Sua ne anwo debie biala yɛ la, ɔvale ninyɛne mɔɔ ɔ ze Devidi ɛva ɛgua ɛkɛ ɛmaa Ɛdɛnkɛma la amuala ɔhɔziele ekpumgbunli ne mɔ mɔɔ wɔ Ɛzonlenlɛ Sua ne anu la bie mɔ anu. Ɛhye mɔ le dwɛtɛ fufule, ezukoa nvutuke, nee ninyɛne dɔɔnwo bie.

2 Arl 12:18

Na Dwuda Belemgbunli Dwowahye sesale azubɔlɛ ninyɛne mɔɔ ɔ nlenya mɔ, Gyɛhɔhyafate, Gyɛhɔlam nee ɔ ze Ehazaya ɛboɔboa bɛ nloa ɛva ɛzie ɛkɛ ɛmaa Ɛdɛnkɛma, yɛɛ ɔdaye Dwowahye ye azubɔlɛ ninyɛne, ezukoa nvutuke mɔɔ wɔ Ɛzonlenlɛ Sua ne nee belemgbunli suakunlu ɛkɛ ne gya nu la amuala kɔsɔɔti manle bɛhɔmanle Belemgbunli Hazeeyɛle, na Belemgbunli Hazeeyɛle vale ye ɛlɔnema ne vile Gyɛlusalɛm hɔle.

1 Edk 18:10

Yemɔti ɔzoanle ɔ ra Dwolam kɛ ɔhɔbiza Belemgbunli Devidi ahye na ɔyɛ ye mo kɛ yeli Hadadizɛ anwo zo konim a. Toyi nee Hadadizɛ ɛho fane dɔɔnwo. Dwolam vale ezukoa nvutuke, dwɛtɛ fufule nee kɔbele ahyɛlɛ ninyɛne rɛlɛle Devidi.

1 Edk 18:12

Abehyae mɔɔ ɔ nli a le Zɛluaya la nee Yidɔmma honle wɔ Ngyenle Bɔnza ne anu na ɔhunle bɛ nuhua apenle ngoko bulu nee mɔtwɛ.

1 Edk 22:14

Mɔɔ fane Ɛzonlenlɛ Sua ne ɛzilɛ nwo, mebɔ mɔdenle mezie ezukoa nvutuke ala mɔɔ ɛsuzu a ɔto tone nu tɔno apenle nsa, ɛya nna, yɛɛ dwɛtɛ fufule tɔno apenle ngoko abulasa nee nna. Ɛye ɛhye ɛsie ahane a, kɔbele nee mbulalɛ dɔɔnwo wɔ ɛkɛ mɔɔ ɛmbangyia bieko anwo a. Melɛ mbaka nee awolɛ, noko ɔwɔ kɛ ɛkpondɛ bie dɔɔnwo ɛboka nwolɛ.

1 Edk 26:20

Livaema bie mɔ noko lile gyima ngakyile wɔ Ɛzonlenlɛ Sua ne anu. Ahaegya a nea Ɛzonlenlɛ Sua ne gya ne nee ninyɛne mɔɔ bɛdu bɛzie ɛkɛ bɛmaa Nyamenle la azo a.

1 Edk 29:14

“Noko me nee me menli ye, yɛngola yɛmmaa wɔ ɛhwee, ɔboalekɛ debie biala mɔɔ yɛlɛ la le ahyɛlɛdeɛ mɔɔ vi wɔ ɛkɛ ne a. Ɛdawɔ wɔ ɛdeɛ yɛɛ yɛzia yɛva yɛrɛlɛ wɔ a.

2 Edk 5:1

Mɔɔ Belemgbunli Sɔlɔmɔn wiele Ɛzonlenlɛ Sua ne anwo gyima biala di la, ɔvale ninyɛne mɔɔ ɔ ze Devidi ɛdu ɛzie ɛkɛ ɛmaa Ɛdɛnkɛma la: dwɛtɛ fufule, ezukoa nvutuke, nee ninyɛne mɔɔ ɛha la amuala ɔhɔziele Ɛzonlenlɛ Sua ne ekpumgbunli ne mɔ mɔɔ bɛfa ninyɛne bɛsie nu la anu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 35:5

Awie biala ɛbɔ azu ɛmaa Ɛdɛnkɛma. Awie biala mɔɔ ɔdaye ɔkulo la ɛva azubɔdeɛ ɛrɛlɛ Ɛdɛnkɛma: azubɔdeɛ mɔɔ le kɛ ezukoa nvutuke, dwɛtɛ fufule, yɛɛ kɔbele;

Maeka Buluku ne 4:13

Ɛdɛnkɛma se, “Gyɛlusalɛmma, bɛdwazo bɛwozo ma ne na mebamaa bɛ mɛne ne mɔ ayɛ mbulalɛ na bɛ ndwɛlɛ ndaboa ayɛ kɔbele. Bɛbatietia maanle maanle dɔɔnwo anwo zo bɛazɛkye bɛ, na bɛadu anwonyia mɔɔ bɛkɛnyia ye la bɛamaa medame Ɛdɛnkɛma, ewiade amuala Awulae.”

Dwɔhyua Buluku ne 6:19

Debie biala mɔɔ bɛva dwɛtɛ fufule, ezukoa nvutuke, kɔbele anzɛɛ bulalɛ bɛyɛ la, bɛva bɛzie ɛkɛ bɛmaa Ɛdɛnkɛma. Bɛva zɔhane ninyɛne ne mɔ bɛhɔgua Ɛdɛnkɛma gya ne anu.”

Dwɔhyua Buluku ne 6:24

Akee bɛdole senle suakpole ne azo bɛyelale ye boka debie biala mɔɔ wɔ zolɛ la. Ninyɛne mɔɔ bɛva ezukoa nvutuke, dwɛtɛ fufule, kɔbele anzɛɛ bulalɛ bɛyɛ la, bɛvale bɛ muala bɛraguale Ɛdɛnkɛma gya ne anu.

1 Sam 30:13

Devidi bizale ye kɛ, “Ɛ menle a le nwane? Ɛvi nienwu?” Ɔbuale kɛ, “Mele Yigyibitinli, yɛɛ mele Amalɛkenli bie sonvolɛ. Me menle gyakyile me hɔle la ɛnɛ le kenle nsa, ɔboalekɛ me nwo dole me.

1 Sam 30:20

Devidi eza liele mboane, nlankɛ, yɛɛ nyɛmoa kɔsɔɔti. Ye menli ne mɔ hanle bɛ lile bɛ nyunlu na bɛzele kɛ, “Ɛhye mɔ kɔsɔɔti le Devidi ɛdeɛ.”